ദിലീപിന്റെ ജയില്വാസം തുടരുമ്പോള് ഗുണം ഈ രണ്ട് നടന്മാര്ക്ക്
നടന് ദിലീപിന് ജാമ്യം ലഭിക്കാതായതോടെ രാമലീല അടക്കം നിരവധി ചിത്രങ്ങളുടെ കാര്യം പ്രതിസന്ധിയിലായിരിക്കുകയാണ്. ദിലീപ് നായകനാക്കി പ്രഖ്യാപിച്ച മൂന്ന് ചിത്രങ്ങളിലേക്ക് മറ്റ് താരങ്ങളെ കാസ്റ്റ് ചെയ്യാനാണ് നിലവിലുള്ള നീക്കം. ചിത്രീകരണം തുടങ്ങി വച്ചതുള്പ്പെടെ മൂന്ന് ചിത്രങ്ങളുടെ കാര്യം ഇപ്പോള് അനിശ്ചിതത്വത്തിലാണ്.
രാമലീലയുടെ ട്രെയ്ലര് വരെ റിലീസ് ചെയ്ത സാഹചര്യത്തിലായിരുന്നു അറസ്റ്റ്. പ്രഫസര് ഡിങ്കന്, കുമാരസംഭവം തുടങ്ങിയ ചിത്രങ്ങളും പ്രതിസന്ധിയിലാകും. ക്യാമറാമാന് രാമചന്ദ്രബാബു ആദ്യമായി സംവിധായകനാകുന്ന ചിത്രമാണ് പ്രഫസര് ഡിങ്കന്. ചിത്രത്തിന്റെ ഒരാഴ്ച നീളുന്ന ആദ്യ ഷെഡ്യൂള് പൂര്ത്തിയാക്കിയിരുന്നു. ബാക്കി ഭാഗങ്ങള് വിദേശ ലൊക്കേഷനുകളിലാണ് ചിത്രീകരിക്കേണ്ടത്. ദിലീപ് ജയലില് മോചിതനായാല് മാത്രമേ ചിത്രം പൂര്ത്തീകരിക്കാനാകു.
എന്നാല് ദിലീപിന് പുറത്തിറങ്ങാന് കഴിയാതെ വന്നതോടെ ഗുണം ജയറാമിനും ജയസൂര്യയ്ക്കുമാണെന്നും റിപ്പോര്ട്ടുകള് പറയുന്നു.
ദിലീപിനെ നായകനാക്കി നിശ്ചയിച്ച ചിത്രങ്ങളിലേയ്ക്ക് ഇവരെ പരിഗണിച്ചേക്കുമെന്നാണു റിപ്പോര്ട്ടുകള്. ദിലീപിന് ജാമ്യം കിട്ടിയാലും നിലവില് നടന്റെ മാറിയ മാര്ക്കറ്റിനെ കുറിച്ച് പഠിച്ച ശേഷമായിരിക്കും ഇത്തരത്തില് ചിത്രങ്ങള് എടുക്കുകയുള്ളൂ എന്നും പറയുന്നു. ഇപ്പോള് വൈശാഖ് സംവിധാനം ചെയ്യുന്ന സിനിമയില് തമിഴ് ആര്യയോട് ഒപ്പമാണ് ജയറാമിന്റെ അടുത്ത ചിത്രം.
https://www.facebook.com/Malayalivartha