ഒളിച്ചോടുന്നതില് നിന്ന് ദിലീപ് ആദ്യം മഞ്ജുവിനെ പിന്തിരിപ്പിച്ചിരുന്നു ; ഒളിച്ചോട്ടത്തിന് പിന്നിലെ ആ കഥ...
ദിലീപിന്റെയും മഞ്ജുവിന്റെയും ഒളിച്ചോട്ടത്തിന് പിന്നിലെ ഒരു കഥ ഇപ്പോള് വീണ്ടും പ്രചരിക്കുന്നു. 1998 ലായിരുന്നു കേരളക്കരയെ ഞെട്ടിച്ച മഞ്ജു വാര്യരുടെയും ദിലീപിന്റെയും വിവാഹം. കണ്ണെഴുതി പൊട്ടും തൊട്ട് എന്ന ചിത്രത്തിന്റെ ഷൂട്ടിങ് പൂര്ത്തിയാക്കിയ ഉടനെ മഞ്ജു ദിലീപിനൊപ്പം ഇറങ്ങി വരികയായിരുന്നു.
ടികെ രാജീവ് കുമാര് സംവിധാനം ചെയ്ത കണ്ണെഴുതി പൊട്ടും തൊട്ട് എന്ന ചിത്രത്തിലാണ് വിവാഹത്തിന് മുമ്പ് ഏറ്റവുമൊടുവില് മഞ്ജു അഭിനയിച്ച ചിത്രം. ഈ സിനിമ തുടങ്ങുന്നതിന് മുമ്പായിരുന്നു മഞ്ജുവും ദിലീപും ഒളിച്ചോടാന് പദ്ധതിയിട്ടത്. എന്നാല് ആ ഒളിച്ചോട്ടം തടഞ്ഞത് ദിലീപാണ്. മണിയന് പിള്ള രാജുവാണ് കണ്ണെഴുതി പൊട്ടും തൊട്ട് എന്ന ചിത്രം നിര്മിച്ചത്. മഞ്ജു ഇല്ലെങ്കില് രാജു ആ സിനിമ ഉപേക്ഷിക്കുമെന്നും അദ്ദേഹത്തെ ബുദ്ധിമുട്ടിക്കരുത് എന്നും പറഞ്ഞത് പ്രകാരമാണ് ഒളിച്ചോട്ടം സിനിമയുടെ ഷൂട്ടിങിന് ശേഷം പദ്ധതിയിട്ടത്.
അങ്ങനെ കണ്ണെഴുതി പൊട്ടും തൊട്ട് എന്ന ചിത്രത്തിന്റെ ഷൂട്ടിങ് പൂര്ത്തിയാക്കിയ തൊട്ടടുത്ത ദിവസം മഞ്ജുവും ദിലീപും ഒളിച്ചോടി. അന്ന് മഞ്ജുവിനെ കാണാനില്ല എന്ന വാര്ത്ത മാധ്യമങ്ങളില് വരുന്ന ഇടം വരെ പോയിരുന്നു കാര്യങ്ങള്. അന്നത്തെ പ്രമുഖ സിനിമാ വാരികയിലെ വാര്ത്തകളെല്ലാം മഞ്ജു ദിലീപ് ഒളിച്ചോട്ടമായിരുന്നു. പിന്നെ ഇങ്ങോട്ട് മഞ്ജുവിന്റെയും ദിലീപിന്റെയും പ്രണയ നാളുകളായിരുന്നു. മഞ്ജു ദിലീപിന്റെ കാര്യങ്ങള് നോക്കി വീട്ടിലേക്ക് ഒതുങ്ങി. ദിലീപ് സിനിമയില് മാത്രം ശ്രദ്ധിച്ച് ജനപ്രിയനായും മാറി. മലയാളത്തിലെ മാതൃകാ ദമ്പതികളായിരുന്നു മഞ്ജുവും ദിലീപും. മീനാക്ഷി കൂടെ വന്നതോടെ ഇരുവരുടെയും ജീവിതം അതിലും സുന്ദരമായി.
ദിലീപിന്റെയും മഞ്ജുവിന്റെയും വിവാഹ മോചനവും പ്രേക്ഷകരെ ഞെട്ടിച്ചിരുന്നു. 2012 മുതല് വിവാഹ മോചനത്തെ കുറിച്ച് വാര്ത്തകള് വന്നിരുന്നെങ്കിലും, 2014 ല് അത് സംഭവിച്ചപ്പോള് പ്രേക്ഷകര് ശരിയ്ക്കും ഞെട്ടി. എന്നാല് പരസ്പര സമ്മതത്തോടെ മഞ്ജുവും ദിലീപും ആ ദാമ്പത്യം അവസാനിപ്പിച്ചു.
https://www.facebook.com/Malayalivartha