ബന്ധനം ബന്ധനം തന്നെ പാരില്....മോഹന്ലാല് സ്വര്ണ്ണക്കൂട്ടില് അടച്ചിട്ടിരിക്കുന്ന കിളിയാണെന്ന് സംവിധായകന് തമ്പി കണ്ണന്താനം
പണ്ട് എന്നെക്കണ്ടാല് ഇരിക്കാത്ത ലാലിനെ കാണാന് ഇന്ന് രണ്ടുവട്ടം ചെന്നാലും നടപ്പില്ല. ആരെല്ലാമോ അതിന് തടയിടുന്നു. ലാല് ഇത് അറിയുന്നുണ്ടോ. മലയാളികളുടെ അഭിമാന താരമായ മോഹന്ലാലിനെ നഷ്ടപ്പെട്ടു കഴിഞ്ഞെന്നും അദ്ദേഹത്തിനെ സ്വര്ണ്ണക്കൂട്ടില് അടച്ചിട്ടിരിക്കുകയാണെന്നും സംവിധായകന് തമ്പി കണ്ണന്താനം. പഴയകാല മോഹന്ലാലിനെ അദ്ദേഹത്തിനു തന്നെ നഷ്ടപ്പെട്ടുവെന്നാണ് തമ്പി കണ്ണന്താനം ആരോപിക്കുന്നത്.
ഇന്ന് കച്ചവടവല്ക്കരിക്കപ്പെട്ട മോഹന്ലാലിനെ മാത്രമേ കാണാന് കഴിയൂ എന്നും അദ്ദേഹം പറയുന്നു. രാജാവിന്റെ മകന് എന്ന സൂപ്പര് ഹിറ്റ് ചിത്രത്തിലൂടെ മോഹന്ലാല് എന്ന നടനെ സൂപ്പര്താര പദവിയിലെത്തിച്ച സംവിധായകനാണ് തമ്പി കണ്ണന്താനം. നാനയ്ക്ക് നല്കിയ അഭിമുഖത്തിലാണ് തമ്പി കണ്ണന്താനം സൂപ്പര് താരത്തിനെതിരെ ഗുരുതര ആരോപണം ഉന്നയിച്ചിരിക്കുന്നത്.
' മോഹന്ലാല് ഇന്ന് കടന്നു പോകുന്ന വഴികള് എന്നില് അലോസരം സൃഷ്ടിക്കുന്നുണ്ട്. ഒരു നടനില് നിന്നു പോലും അദ്ദേഹം അകന്നു പോകുന്നതായി എനിക്ക് തോന്നിയിട്ടുണ്ട്. ലാല് കച്ചടവല്ക്കരിക്കപ്പെട്ടോ എന്നു ഞാന് സംശയിക്കുന്നു' എന്നെപ്പോലെ സീനിയേഴ്സായ പല സംവിധായകര്ക്കും അദ്ദേഹത്തെ സമീപിക്കാന് കഴിയാത്ത അവസ്ഥയാണ്. ഒരു പ്രത്യേക സംരക്ഷണ വലയത്തിനുള്ളിലാണ് അദ്ദേഹം. അത് ബ്രേക്ക് ചെയ്യാന് കടമ്പകള് ഏറെയാണ്. അതുകൊണ്ട് പലരും മടുത്ത് മടങ്ങുകയാണ്. 'ലാലിനെ എന്തിനാണ് ഇങ്ങനെ സ്വര്ണക്കൂട്ടില് അടച്ചിട്ടിരിക്കുന്നത്?' തമ്പി ചോദിക്കുന്നു.
'കുറച്ച് നാളുകള്ക്ക് മുമ്പ് തിരുവനന്തപുരം എയര്പോര്ട്ടില് വച്ച് ലാലിനെ കണ്ടപ്പോള് ഞാന് മുമ്പു പറഞ്ഞ ഒരു കഥയെക്കുറിച്ച് ആലോചിച്ച് വയ്ക്കണമെന്ന് പറഞ്ഞു. അതിന് ലാല് തന്ന മറുപടി അതിശയിപ്പിക്കുന്നതായിരുന്നു. ഞാന് ഇവിടുന്ന് പുറപ്പെട്ടു കഴിഞ്ഞാല് പിന്നെ എന്റെ മനസ്സില് സിനിമയേ ഉണ്ടാവുകയില്ല. ലാല് എത്ര മാത്രം മാറിയെന്ന് ഞാന് ആലോചിച്ചു. ലാലിന് സിനിമയെ മറക്കാന് കഴിയുമോ? ഇപ്പോള് കാണുന്ന ലാലിനെ എനിക്ക് പരിചയമില്ല. ആ പഴയ ലാലിന്റെ സ്ഥാനത്ത് ഇപ്പോള് ഒരു വെള്ളിവര മാത്രമേയുള്ളൂ.'
ലാലിനെ ഞാന് വിളിച്ചു ചോദിച്ചിട്ടായിരുന്നില്ല പോയി കണ്ടിരുന്നത്. മുമ്പ് മദ്രാസില് ചെന്ന് നേരേ പോയി കാണുകയാണ്. ഇന്നാണെങ്കില് ലാല് ഉള്ളിടത്ത് ചെന്നാല് കാണാന് കഴിയാതെ തിരിച്ചു വരേണ്ട അവസ്ഥയാണ്. അത് വേദനയുണ്ടാക്കുന്നു. അതുകൊണ്ട് ഇപ്പോള് ഞാന് അതിനു വേണ്ടി കാത്തു നില് ക്കാറില്ല. തമ്പി വ്യക്തമാക്കി.
https://www.facebook.com/Malayalivartha