താരങ്ങള് നാണംകെട്ടു; ചാനല് ബഹിഷ്ക്കരിച്ചതൊക്കെ വെറുതെയായി!
ഓണത്തിന് ചാനലുകളിലെ അഭിമുഖവും മറ്റ് പരിപാടികളും ബഹിഷ്ക്കരിച്ച സിനിമാ താരങ്ങള്ക്കും മറ്റ് പ്രവര്ത്തകര്ക്കും തിരിച്ചടി. ഓണക്കാലത്ത് ഇവരുടെയൊന്നും പരിപാടികളില് ഇല്ലായിരുന്നെങ്കിലും റേറ്റിംഗ് കുതിച്ചു. ഇതോടെ പരസ്യവരുമാനവും വര്ദ്ധിച്ചു. ദിലീപ് അറസ്റ്റിലാകുന്നതിന് മുമ്പും ശേഷവും മാധ്യമങ്ങള് വേട്ടയാടുന്നെന്ന് ആരോപിച്ചാണ് ഓണത്തിന് ചാനലുകളെ ബഹിഷ്ക്കരിക്കാന് രഹസ്യമായി തീരുമാനിച്ചത്. പല പത്രങ്ങളെയും പ്രമുഖ സിനിമാ വാരികകളെയും ഇവര് ഒഴിവാക്കിയിരുന്നു. നാനയുടെ ഇത്തവണത്തെ ഓണപ്പതിപ്പില് മീനയുടെയും മകളുടെയും കവറാണ് ഉണ്ടായിരുന്നത്. പ്രമുഖതാരങ്ങളൊന്നും ഫോട്ടോ ഷൂട്ടിന് സഹകരിച്ചില്ല എന്നതിന് തെളിവാണിത്.
നാന ഓണപ്പതിപ്പില് മൂന്നാം നിര താരങ്ങളുടെയും പുതുമുഖങ്ങളുടെയും വിശേഷങ്ങളാണ് ഉണ്ടായിരുന്നത്. ദിലീപ് അറസ്റ്റിലായത് മുതല് നാന ശക്തമായ രീതിയില് വാര്ത്തകള് റിപ്പോര്ട്ട് ചെയ്തിരുന്നു. നാനയെ ബഹിഷ്കരിക്കാനുള്ള ദിലീപിന്റെ കാരണം ഉള്പ്പെടെയായിരുന്നു അത്. ഇതോടെയാണ് പലരും നാനയെ ഒഴിവാക്കിയത്. മാത്രമല്ല അടുത്തകാലത്തായി നാനയില് ശക്തമായ വിമര്ശനങ്ങളുള്ള റിവ്യൂവും വരുന്നുണ്ട്. ഇതെല്ലാം താരങ്ങളെയും സംവിധായകരെയും മറ്റും ചൊടിപ്പിച്ചിരുന്നു.
ചാനലുകളെ ബഹിഷ്ക്കരിച്ചതോടെ ഓടുന്ന സിനിമകളുടെ സാറ്റലൈറ്റിന് ഉയര്ന്ന പ്രതിഫലം നല്കിയാല് മതിയെന്ന് അവര് തീരുമാനിച്ചിട്ടുണ്ട്. മാത്രമല്ല സിനിമാ പരിപാടികളില് മോശമായ സിനിമളെ കുറിച്ച് ശക്തമായി പ്രതികരിക്കാനും തുടങ്ങി. മാധ്യമങ്ങളും സിനിമാ പ്രവര്ത്തകരും ഒരു നാണയത്തിന്റെ രണ്ട് വശങ്ങള് പോലെയാണ് പ്രവര്ത്തിച്ചിരുന്നത്. എന്നാലിപ്പോള് താരങ്ങളില്ലെങ്കിലും തങ്ങളുടെ ബിസിനസിന് യാതൊരു കോട്ടവും സംഭവിക്കില്ലെന്ന് ചാനലുകള് തെളിയിച്ചിരിക്കുന്നു.
https://www.facebook.com/Malayalivartha