ഓര്മയുടെ ഓളങ്ങള് തീര്ത്ത് സില്ക് സ്മിത, സില്ക് വിടവാങ്ങിയിട്ട് 21 വര്ഷം
തെന്നിന്ത്യന് താരമായിരുന്ന വിജയലക്ഷ്മി എന്ന സില്ക്ക് സ്മിതയെ ആരും മറക്കില്ല. എന്നും പ്രിയപ്പെട്ട നടിയായിരുന്നു സില്ക് സ്മിത. മുപ്പത്തി ആറാം വയസിലാണ് സില്ക്ക് അന്തരിച്ചത്. ഇന്നേക്ക് സില്ക്ക് സ്മിത വിടവാങ്ങിയിട്ട് 21 വര്ഷം തികയുന്നു.വണ്ടിചക്രമാണ് സില്ക്കിന്റെ ആദ്യ ചിത്രം.
ആന്ധ്രാപ്രദേശില് ഏളൂര് എന്ന ഗ്രാമത്തില് ഒരു പാവപ്പെട്ട കുടുംബത്തില് ജനിച്ച സ്മിത ഇരുന്നൂറിലധികം മലയാളം, തമിഴ്, തെലുങ്ക്, കന്നഡ സിനിമകള്കൂടാതെ ചില ബോളിവുഡ് സിനിമകളിലും വേഷമിട്ടു. വിജയലക്ഷ്മി എന്നായിരുന്നു സില്ക്കിന്റെ ആദ്യ നാമം. ചെറുപ്പത്തിലേതന്നെ സ്മിത എന്ന് പേര് തിരുത്തുകയാണുണ്ടായത്. തമിഴിലെ ആദ്യ ചിത്രമായ വണ്ടിച്ചക്രത്തില് സില്ക്ക് എന്ന ഒരു ബാര് ഡാന്സറുടെ വേഷമായിരുന്നു സ്മിതയ്ക്ക്.
അതിനുശേഷമാണ് സ്മിത, സില്ക്ക് സ്മിത എന്ന പേരില് അറിയപ്പെടാന് തുടങ്ങിയത്. സിലുക്ക് സിലുക്ക് സിലുക്ക് എന്ന സിനിമയിലെ അഭിനയവും കൂടിയായപ്പോള് സ്മിതയ്ക്ക്ള് സില്ക്ക് എന്ന പേരു ഉറച്ചു.
നാലാം ക്ലാസ്സില് പഠിത്തം നിര്ത്തി അന്ന് ഒന്പത് വയസ്സുണ്ടായിരുന്ന സ്മിത, സിനിമയില് അഭിനയിക്കുക എന്ന ലക്ഷ്യവുമായി സ്വന്തം അമ്മായിയുടെ കൂടെ തെന്നിന്ത്യന് സിനിമയുടെ ഈറ്റില്ലമായ ചെന്നെയിലേക്ക് താമസം മാറ്റുകയായിരുന്നു. മൂന്നാം പിറ എന്ന സിനിമയിലെ ധീരമായ വേഷവും, നൃത്തവും സില്ക്കിനെ പ്രശസ്തിയിലേക്കുയര്ത്തി. തുടര്ന്നുള്ള പതിനഞ്ച് വര്ഷത്തോളം സില്ക്ക്, തെന്നിന്ത്യന് മസാല പടങ്ങളില് അഭിനയിച്ചു.
https://www.facebook.com/Malayalivartha