തനിയാവര്ത്തനം ചിത്രം ഓര്മ്മയുണ്ടോ... മമ്മൂട്ടിയുടെ ഹിറ്റ് ചിത്രമായിരുന്ന തനിയാവര്ത്തനത്തിന്റെ നിര്മ്മാതാവ് ദോശമാവ് വിറ്റ് കഴിയുന്നു
തനിയാവര്ത്തനം എന്ന ഹിറ്റ് ചിത്രം ഓര്ക്കുന്നുണ്ടോ. സിബി മലയില് ചിത്രമായ തനിയാവര്ത്തനത്തെ മലയാളികള് നെഞ്ചോട് ചേര്ത്തുപിടിച്ചു. നൂറുദിവസം നിറഞ്ഞോടിയ ചിത്രമാണ് തനിയാവര്ത്തനം. എന്നാല് ഈ ചിത്രത്തിന്റെ നിര്മാതാവ് നന്ദകുമാറിനെ ആരും മറക്കില്ല.വന്വിജയമായ ഹിറ്റ് ചിത്രത്തിന്റെ നിര്മ്മാതാവ് ദോശമാവ് വിറ്റ് കഴിയുന്നു എന്ന് പറഞ്ഞാല് ആരെങ്കിലും വിശ്വാസിക്കുമോ.
അതേ, മെഗാസ്റ്റാര് മമ്മൂട്ടിയുള്പ്പെടെയുള്ള നായകന്മാരുടെ ഹിറ്റ് ചിത്രങ്ങള്ക്ക് പണം മുടക്കിയ നന്ദകുമാര് എന്ന നിര്മ്മാതാവ് ദോശമാവ് വിറ്റ് കഴിയുകയാണ് ഇപ്പോള്. മുപ്പത് വര്ഷം മുമ്പ് തിയേറ്ററുകളില് നിറഞ്ഞാടിയ മമ്മൂട്ടി ചിത്രം തനിയാവര്ത്തനം സിനിമാ പ്രേമികള്ക്ക് ഇന്നും മധുരമുള്ള ഓര്മകളാണ്. പഴയകാല കുടുംബ ചിത്രങ്ങളില് ഒട്ടും പിന്നിലല്ല ഈ സിബി മലയില് സിനിമ. സംവിധായകന് സിബിമലയില്, തിരക്കഥാകൃത്ത് ലോഹിതദാസ്, നടന് മമ്മൂട്ടി എന്നിവര്ക്കെല്ലാം വളര്ച്ചയുടെ പടവുകള് തീര്ത്തു തനിയാവര്ത്തനം.
നിര്മാതാവ് നന്ദകുമാറിന് കാലം ബാക്കിവച്ചത് മറ്റൊരു ജീവിതമാണ്. ഇപ്പോഴും പഴയ തനിയാവര്ത്തനത്തിന്റെ പേരില് അദ്ദേഹത്തെ പലരും പരിചയപ്പെടുന്നു. തനിയാവര്ത്തനത്തിന്റെ നിര്മാതാവല്ലേ എന്ന ചോദ്യം കേള്ക്കുമ്പോള് സ്ന്തോഷം തോന്നുന്നുവെന്നും നന്ദകുമാര് പറഞ്ഞു. ആറ് സിനിമകളില് ഒടുവിലെത്തേതാണ് കരീബിയന്സ്. അത് വേണ്ടില്ലായിരുന്നുവെന്ന് നന്ദകുമാറിന് തന്നെ തോന്നി.
അക്കാര്യം അദ്ദേഹം തുറന്നു പറയുകയും ചെയ്തു. ഒട്ടേറെ ചിത്രങ്ങള് നിര്മിച്ചിട്ടുണ്ട് നന്ദകുമാര്. തനിയാവര്ത്തനം, മുദ്ര, സൂര്യമാനസം, യാദവം, കരീബിയന്സ്. ആദ്യത്തേതെല്ലാം ഒന്നിനൊന്ന് മെച്ചമായിരുന്നു. ഒടുവില് അടിത്തറയിളകാന് തുടങ്ങി. 1997ല് നിര്മിച്ച ചിത്രം മുതലാണ് നന്ദകുമാറിന് തിരിച്ചടി തുടങ്ങിയത്. പിടിച്ചുനില്ക്കാന് മറ്റുമാര്ഗങ്ങള് ഇല്ലാതായതോടെ പുതിയ മേഖല തേടി. അങ്ങനെയാണ് ദോശമാവ് കുഴക്കാന് തുടങ്ങിയത്.
ഇന്ന് ദേവി ഫുഡ് പ്രൊഡക്ട്സ് ആണ് നന്ദകുമാറിന്റെ നിര്മാണ കമ്പനി. ദോശമാവ് കുഴച്ചു പാക്ക് ചെയ്ത് കടകളില് കൊണ്ടുവില്ക്കും. പ്രത്യേക പരസ്യങ്ങളൊന്നുമില്ല. കടക്കാര് പറഞ്ഞുള്ള പരസ്യം മാത്രം. വലിയ കുഴപ്പമില്ലാതെ ജീവിച്ചുപോകുന്നുവെന്ന് നന്ദകുമാര് പറയുന്നു. പണ്ട് കാലത്ത് നിര്മ്മാതാവായിരുന്നു എന്നും പറഞ്ഞ് ഒതുങ്ങി കൂടിയിരിക്കാന് പറ്റില്ലല്ലോയെന്നും അദ്ദേഹം പറഞ്ഞു.
https://www.facebook.com/Malayalivartha