വഴക്ക് കൂടിക്കഴിഞ്ഞാല് സുറുമിയാണ് കരയുന്നത്.. ഒന്നും അറിയാത്ത പോലെ ഇരിക്കുമായിരുന്നു കുസൃതിക്കാരനായ ദുല്ഖര്!
പ്രേക്ഷകര്ക്ക് ഏറെ പ്രിയപ്പെട്ട താരപുത്രനാണ് ദുല്ഖര് സല്മാന്. മമ്മൂട്ടിക്ക് പിന്നാലെ സിനിമയിലേക്കെത്തിയ ദുല്ഖര് ഒന്നിനൊന്ന് മികച്ച കഥാപാത്രങ്ങളുമായി സിനിമയില് മുന്നേറുകയാണ്. തുടക്കത്തില് മമ്മൂട്ടിയുടെ പേര് സഹായകമായിരുന്നുവെങ്കിലും പിന്നീട് താന് കഠിനാധ്വാനം ചെയ്താണ് ഇന്നത്തെ ലെവലിലേക്ക് എത്തിയെതന്ന് താരം പറഞ്ഞിരുന്നു.
ഒന്നിനൊന്ന് മികച്ച കഥാപാത്രങ്ങളുമായി സിനിമയില് നിറഞ്ഞു നില്ക്കുന്നതിനിടയിലാണ് ദുല്ഖറിനെ തേടി അന്യഭാഷാ ചിത്രങ്ങളെത്തിയത്. മലയാളത്തിനും തമിഴിനും പുറമെ തെലുങ്കിലും ബോളിവുഡിലും അരങ്ങേറാനുള്ള തയ്യാറെടുപ്പിലാണ് ദുല്ഖര്. പ്രശസ്ത കോമഡി ഷോയ്ക്കിടയിലാണ് താരപുത്രന് കുട്ടിക്കാലത്തെ അനുഭവങ്ങളെക്കുറിച്ച് പങ്കുവെച്ചത്.
കുട്ടിക്കാലം ഏറെ രസകരമായിരുന്നുവെന്ന് ദുല്ഖര് പറയുന്നു. താരപുത്രനെന്ന ഇമേജില്ലാതെയാണ് വളര്ന്നത്. മമ്മൂട്ടിയുടെ മകനാണ് താന് എന്നത് അധികമാര്ക്കും അറിയില്ലായിരുന്നു.ചേച്ചി സുറുമിയുമായി താന് എപ്പോഴും പ്രശ്നങ്ങള് ഉണ്ടാക്കിയിരുന്നുവെന്ന് താരം വ്യക്തമാക്കി. രസകരമായ കുറേ ഓര്മ്മകളുണ്ട്. ഏറെ മനോഹരമായിരുന്നു ആ കാലം.
മെലിഞ്ഞുണങ്ങിയിരുന്ന പ്രകൃതത്തിലായിരുന്നു താന്. ചേച്ചി അല്പ്പം തടിച്ചിട്ടായിരുന്നു. ചേച്ചിയെ പ്രകോപിപ്പിക്കലായിരുന്നു തന്റെ പ്രധാന പരിപാടി. അവസാനം ചേച്ചി കരയുകയും ചെയ്യും.ഓരോന്ന് പറഞ്ഞ് ചേച്ചിയെ പ്രകോപിപ്പിച്ച് ചേച്ചി അടിക്കാന് വരുന്നത് വരെ കാത്തിരിക്കും. അടിക്കാന് വരുമ്ബോള് കൈകൊണ്ട് തടുക്കും. ഇതോടെ ചേച്ചിക്ക് വേദനിക്കുകയും ചെയ്യും.
മെലിഞ്ഞിരിക്കുന്നതിനാല് ചേച്ചി അടിക്കാന് വരുമ്ബോള് ചേച്ചിക്ക് തന്നെയാണ് വേദന അനുഭവപ്പെടുന്നത്. എല്ലും തോലുമായ ശരീരത്തില് അടിക്കുന്നതിനിടയില് വേദനിച്ച് ചേച്ചി കരയും.എല്ലാ പ്രശ്നവും ഉണ്ടാക്കിയിട്ട് ചേച്ചി കരയുന്നത് കണ്ടാല് ഒന്നും മിണ്ടാതെ ഇരിക്കുകയാണ് തന്റെ പതിവെന്നും ദുല്ഖര് ഓര്ക്കുന്നു. കുട്ടിയായിരിക്കുമ്ബോഴുള്ള രസകരമായ അനുഭവം പങ്കുവെക്കുന്നതിനിടയിലാണ് താരം ഇക്കാര്യങ്ങള് പങ്കുവെച്ചത്.
https://www.facebook.com/Malayalivartha