Widgets Magazine
21
Feb / 2018
Wednesday

മധു, ഈ വരികള്‍ക്കിടയില്‍ എവിടെയോ ഒളിഞ്ഞിരിപ്പില്ലേ നമ്മുടെ ആ ഗംഗ...ശോഭനയുടെ ഗംഗ എന്ന കഥാപാത്രം വന്നത് ഒരു കവിതയിലൂടെ., ഗംഗ വന്ന വഴി ഇങ്ങനെ...

14 NOVEMBER 2017 09:53 AM IST
മലയാളി വാര്‍ത്ത

ഒരു ദിവസം മധു എന്റെ വീട്ടില്‍ വന്നു. കൈയില്‍ ചുരുട്ടിപ്പിടിച്ച ഒരു പഴയ ആഴ്ചപ്പതിപുണ്ടായിരുന്നു. ഞാനതെടുത്ത് ഒന്ന് മറിച്ചുനോക്കി. പേജുകള്‍ക്കിടയില്‍ ഒരു പേപ്പര്‍. അതില്‍ മധുവിന്റെ കൈയക്ഷരം. ഞാന്‍ ചോദിച്ചു, 'എന്താഇത്?' മധു നിസ്സാരമായി പറഞ്ഞു, 'ഓ, അത് പണ്ടെന്നോ ഞാന്‍ വെറുതെ എഴുതി വെച്ചിരുന്നതാണ്.' ഞാനത് വായിച്ചു. അതിങ്ങനെ...

വരുവാനില്ലാരുമിങ്ങൊരു

നാളുമീ വഴിക്കറിയാ

മതെന്നാലുമെന്നും

പ്രിയമുള്ളോരാളാരോ

വരുവാനുണ്ടെന്ന് ഞാന്‍

വെറുതെ മോഹിക്കാറുണ്ടല്ലോ...

മുഴുവന്‍ വായിച്ചു കഴിഞ്ഞപ്പോള്‍, എന്നിലേക്കെന്തോ അരിച്ചുകയറിയതുപോലെ... ഒരു നെസ്റ്റാള്‍ജിയപോലെന്തോ. ഞാന്‍ ചോദിച്ചു, 'മധൂ, ഈ വരികള്‍ക്കിടയില്‍ എവിടെയോ ഒളിഞ്ഞിരിപ്പില്ലേ, നമ്മള്‍ അന്വേഷിക്കുന്ന ഗംഗയുടെ കഥ?'

മധു, ഒരു മാത്ര, ശൂന്യതയിലേക്കെങ്ങോ പോയതുപോലെ. ഞാന്‍ പറഞ്ഞു, 'സത്യത്തില്‍ ഇതെഴുതിയത് ഗംഗയല്ലേ? ഗംഗയല്ലേ പാടിയത്. ഈ വേദനകളത്രയും അനുഭവിച്ചതും ഗംഗ തന്നെയല്ലേ. അവളുടെ കഥയല്ലേ ഇത്.' മധുവിന്റെ കണ്ണു വിടര്‍ന്നു. കല്പന ഉണര്‍ന്നു. അന്ന് രാത്രി മധു ആ കഥയുണ്ടാക്കി.

കുഞ്ഞുഗംഗയെ മുത്തശ്ശിയെ ഏല്പിച്ച് കല്‍ക്കട്ടയിലേക്ക് പറന്ന അച്ഛനമ്മമാര്‍. മുത്തശ്ശിയുടെ നാട്ടുരീതികളോടും, സമ്ബ്രദായങ്ങളോടും ഇഴുകിച്ചേര്‍ന്നുപോയ ഗംഗ. കല്‍ക്കട്ടയിലേക്ക് പറിച്ചുനടാന്‍ പോകുന്നതറിഞ്ഞ്, പരീക്ഷാഹാളില്‍നിന്നും ഇറങ്ങി ഓടിയ അവള്‍. അതായിരുന്നു അവള്‍ക്കുണ്ടായ ആദ്യ സൈക്കിക്ക് അറ്റാക്ക്. കല്‍ക്കട്ടയില്‍ കൊണ്ടുപോയി അതിനെ മരുന്നുകള്‍കൊണ്ട് ഉറക്കിക്കിടത്തി, മാടമ്ബള്ളിയില്‍ എത്തിയപ്പോള്‍, പഴയ രീതികളും സമ്ബ്രദായങ്ങളും ആര്‍ഭാടത്തോടെ തിരികെ എത്തി.

കടുത്ത ചായക്കൂട്ടില്‍ ചാലിച്ചെടുത്ത നാഗവല്ലിയുടെ കഥയും ഒപ്പം ചേര്‍ന്നപ്പോള്‍, ഉറങ്ങിക്കിടന്നതെന്തോ ഉണരാന്‍ തുടങ്ങി. ഗംഗ വീണ്ടും മാനസികരോഗത്തിലേക്ക്. എല്ലാം ഭദ്രം. എല്ലാം ഭദ്രം. ഗംഗയില്‍, എപ്പോള്‍, എങ്ങനെ എന്തുകൊണ്ട്, മാനസികരോഗം വന്നുവെന്നതിന്റെ ശരിയുത്തരം. അപ്രതീക്ഷിതമായി എനിക്ക് ഒരു ബോണസ്സും കിട്ടി. 

ഞാന്‍ പറഞ്ഞു, 'മധൂ, മധുവിന്റെ ഈ ഗാനം സിനിമയ്ക്കായി ഞാന്‍ എടുക്കുകയാണ്. ആ ഗാനചിത്രീകരണത്തിലൂടെ, ഗംഗയുടെ കഥ ഞാന്‍ കാട്ടിക്കൊടുത്തോളാം. എല്ലാം വലിച്ചു വാരി എഴുതണമെന്നില്ല'.അങ്ങിനെ, മണിച്ചിത്രത്താഴിന്റെ ആശയം ജനിക്കുന്നതിന് വളരെ വളരെ പണ്ട്, മധു എഴുതിവെച്ചിരുന്ന ഒരുഗാനം എന്റെ കണ്ണില്‍ പെടുക. 

ആ ഗാനം കഥയുടെ ഒരു പ്രതിസന്ധിയെ മാറ്റിത്തരിക. ഒരക്ഷരംപോലും മാറ്റിയും തിരുത്തിയും എഴുതാതെ എം.ജി.രാധാകൃഷ്ണന്‍ ചേട്ടന്‍ അത് ചിട്ടപ്പെടുത്തുക. ചിത്രയുടെ സ്വരത്തില്‍ ആ പാട്ട് സിനിമയുടെതന്നെ ഒരു ഭാഗമായി മാറുക. കെ.എസ്. ചിത്ര പിന്നീട്, തനിക്കേറ്റവും ഇഷ്ടമുള്ള പാട്ടുകളില്‍ ഒന്നാണത്, ഞാന്‍ കണ്ട ഏറ്റവും നല്ല ഗാനചിത്രീകരണങ്ങളില്‍ ഒന്നാണത് എന്നൊക്കെ പറയുക. ഇതൊക്കെ, ആരെവിടെയിരുന്ന് 'എറിഞ്ഞ്' തരുന്ന മാന്ത്രികക്കല്ലുകളാണ്.

( ഫാസിലിന്റെ മണിച്ചിത്രത്താഴും മറ്റ് ഓര്‍മകളും എന്ന പുസ്തകത്തില്‍ നിന്ന് )

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

സ്വന്തം മാതാപിതാക്കളെ തള്ളിപറഞ്ഞ് ഹാദിയ... തനിക്ക് നല്‍കിയ ഭക്ഷണത്തില്‍ മയക്കുമരുന്ന് കലര്‍ത്തിയിരുന്നെന്ന് ഹാദിയ  (4 hours ago)

അപരിചിതനായ യുവാവിനെ ട്രെയിനില്‍ നിന്നു തള്ളിയിട്ടു കൊന്നു  (4 hours ago)

ഭര്‍ത്താവിന് മറ്റൊരു യുവതിയുമായി ബന്ധമുണ്ടെന്ന സംശയം.... ഭര്‍ത്താവിനോട് ഭാര്യ ചെയ്തത്  (5 hours ago)

ഭര്‍ത്താവിന് ഭാര്യ ചിലവിന് കൊടുക്കണം....സുഹൃത്തുക്കളോടൊപ്പം ചെലവഴിയ്‌ക്കേണ്ട സമയത്ത് ഭാര്യയ്‌ക്കൊപ്പം ചെലവഴിച്ചതിന് നഷ്ടപരിഹാരം  (6 hours ago)

കോണ്‍സ്റ്റന്റെയ്ന്‍ ഇന്ത്യൻ ഫുട്ബോൾ ടീം പരിശീലകനായി തുടരും; അടുത്ത വര്‍ഷം നടക്കുന്ന ഏഷ്യകപ്പ് വരെയാണ് കാലാവധി  (8 hours ago)

ഇത് സാങ്കേതിക വിജയം ! ; പുത്തൻ സ്മാർട്ഫോണുകൾക്കു പിന്നാലെ ഷവോമി ടെലിവിഷൻ തരംഗമാകുന്നു  (8 hours ago)

ചില നടിമാരേ നേരിട്ടറിയാം, സിനിമയില്‍ പേരെടുക്കാന്‍ വേണ്ടി അവര്‍ എന്തു താല്‍പ്പര്യത്തിനും വഴങ്ങി കൊടുക്കും: ഞെട്ടിക്കുന്ന വെളിപ്പെടുത്തലുമായി ഏക്ത കപൂര്‍  (8 hours ago)

ഷുഹൈബ് വധക്കേസ് സി ബി ഐക്ക്‌ വിട്ടേ തീരൂ; കേസ്‌ അന്വേഷണത്തെ അട്ടിമറിക്കാനും യഥാർത്ഥ പ്രതികളെ സംരക്ഷിക്കാനുമാണ്‌ തുടക്കം മുതലേ പിണറായി വിജയന്റെയും സിപിഎമ്മിന്റേയും ശ്രമമെന്നും വി ടി ബൽറാം  (8 hours ago)

പ്രശസ്ത സാഹിത്യകാരനും പൗരാവകാശപ്രവര്‍ത്തകനുമായ കെ. പാനൂര്‍ അന്തരിച്ചു  (8 hours ago)

പ്രണയാഭ്യാര്‍ത്ഥന നിരസിച്ചതിന് മലയാളി വിദ്യാര്‍ത്ഥിനിയെ യുവാവ് കുത്തിക്കൊന്നു  (8 hours ago)

ഐ ലീഗ്: അട്ടിമറി വിജയവുമായി വീണ്ടും ഗോകുലം കേരള  (8 hours ago)

തനിയ്ക്ക് നല്‍കിയ ഭക്ഷണത്തില്‍ മയക്കുമരുന്ന് കലര്‍ത്തി ;തെളിവുണ്ടെന്ന് അറിയിച്ചിട്ടും കോട്ടയം പൊലീസ് മേധാവി കാണാനെത്തിയില്ല ;രാഹുല്‍ ഈശ്വര്‍ തന്റെ ഫോട്ടോയും ചിത്രങ്ങളും പകര്‍ത്തിയത് അനുമതിയില്ലാതെ ; വ  (8 hours ago)

34 കാരിയ്ക്ക് ബാർബിഡോളാകാൻ മോഹം; ചെയ്‌തു കൂട്ടിയ കാര്യങ്ങൾ വിശ്വസിക്കാൻ കഴിയാത്തത്  (9 hours ago)

കർഷക സമരത്തെ അടിച്ചമർത്താൻ രാജസ്ഥാൻ സർക്കാർ; സമര നേതാക്കൾ ഉൾപ്പെടെ 250ലേറെ പ്രക്ഷോഭകരെ പോലീസ് അറസ്റ്റ് ചെയ്തു  (9 hours ago)

ബിജെപി തങ്ങളുടെ യഥാര്‍ത്ഥ മുഖം കണ്ടിട്ടില്ല; എന്‍ഡിഎ സര്‍ക്കാരിനെതിരെ അവിശ്വാസ പ്രമേയം കൊണ്ടുവരും; ബിജെപിക്കെതിരെ രൂക്ഷ വിമർശനവുമായി ആന്ധ്രപ്രദേശ് മുഖ്യമന്ത്രി  (9 hours ago)

Malayali Vartha Recommends