നടന് ജയന് ഓര്മ്മയായിട്ട് ഇന്നേക്ക് 36 വര്ഷം, ജയന്റെ ഓര്മ്മയില് സിനിമാ ലോകം
മലയാളത്തിന്റെ പ്രിയനടനായിരുന്ന ജയന് ഓര്മ്മയായിട്ട് ഇന്നേക്ക് 36 വര്ഷം. സിനിമാ ലോകം എന്നും ജയനെ ഏറെ ആദരിക്കുന്നു. വേറിട്ട ശക്തമായ കഥാപാത്രങ്ങള് ചെയ്ത ജയന് ഇന്നും നിരവധി ആരാധകരാണുള്ളത്.
20ലധികം മലയാള ചിത്രങ്ങളില് അഭിനയിച്ചു. തന്റെ സിനിമാ ജീവിതകാലത്ത് അദ്ദേഹം പ്രാഥമികമായി ഒരു ആക്ഷന് താരം ആയിരുന്നു. അദ്ദേഹം തന്റേതായ പൊരുഷഭാവങ്ങള്ക്കും അതുല്യമായ അഭിനയ ശൈലിയ്ക്കും പ്രശസ്തനായിരുന്നു. അതിസങ്കീര്ണ്ണമായ ഫൈറ്റ് സീനുകളില് അതിന്റെ അപകടസ്വഭാവം ഗൌനിക്കാരെ തന്മയത്വയായ പ്രകടനം കാഴ്ചവയ്ക്കുന്നതിന് അദ്ദേഹം അത്യധികം ശ്രദ്ധിച്ചിരുന്നു.
1970 കളുടെ അന്ത്യപാദങ്ങളില് മലയാള സിനിമയിലെ ഏറ്റവും ജനപ്രിയനായ നടനായി പ്രശസ്തി നേടിയ അദ്ദേഹത്തില് മലയാള സിനിമയിലെ ആദ്യ ആക്ഷന് നായകനെന്ന വിശേഷണം അദ്ദേഹത്തെ തേടിവന്നു. ഇദ്ദേഹത്തിന്റെ യഥാര്ഥ പേര് കൃഷ്ണന് നായര് എന്നായിരുന്നു. കേരളത്തിലെ യുവാക്കള്ക്കിടയില് വേഷവിധാനത്തിലും ശൈലിയിലും മറക്കാനാവത്ത ഒരു തരംഗം സൃഷ്ടിച്ച അഭിനേതാവായിരുന്നു ജയന്.
1970കളില് നിരവധി ചിത്രങ്ങളില് ആക്ഷന് ഹീറോയായി അഭിനയിച്ച് വളരെ ചുരുങ്ങിയ സമയം കൊണ്ട് അഭിനേതാവായി ഉയര്ന്നുവന്ന കാലയളവിനു മുമ്പ് ജയന് ഇന്ത്യന് നാവികസേനയിലെ മാസ്റ്റര് ചീഫ് പെറ്റി ഓഫീസര് ആയിരുന്നു. 41 വയസില് തന്റെ പ്രശസ്തിയുടെ ഉത്തുംഗത്തിലായിരിക്കെ ഒരു ഹെലിക്കോപ്റ്റര് അപകടത്തില് അദ്ദേഹം മരണമടഞ്ഞു.
ഒരു ഹെലികോപ്ടര് ഉള്പ്പെടുന്ന രംഗത്തെ അത്യന്തം അപകടം പിടിച്ച ഒരു ഫൈറ്റ് സീന് ഷൂട്ട് ചെയ്യുന്ന സമയത്താണ് ഇതു സംഭവിച്ചത്. പറന്നു പൊങ്ങിയ ഹെലിക്കോപ്റ്റിന്റെ ലാന്റിംഗ് പാഡില് തൂങ്ങി ഫൈറ്റ് സീന് ചിത്രീകരിക്കുന്ന വേളയില് ഹെലിക്കോപ്റ്റര് തകര്ന്നുവീഴുകയായിരുന്നു.
കാലത്തിന്റെ തിരശീലയ്ക്കു പിന്നില് മറഞ്ഞുവെങ്കിലും പൌരുഷത്തിന്റേയും സാഹസകതയുടേയും പ്രതീകമായി ഇന്നും ജനമനസുകളില് സ്ഥാനം ലഭിക്കുന്ന എന്നത് ഇന്ത്യന് സിനിമയില് ജയനു മാത്രമാണ് സാധിച്ചിട്ടുള്ളത്.
https://www.facebook.com/Malayalivartha