ആമിയിലെ ആ കാമുകന് ആരെന്ന് അറിയേണ്ടേ?
മാധവിക്കുട്ടിയുടെ ജീവിതം പറയുന്ന, കമലിന്റെ ആമിയില് നിന്ന് പൃഥ്വിരാജ് പിന്മാറിയത് സിനിമാലോകത്തും സോഷ്യല് മീഡിയയിലും വലിയ ചര്ച്ചയായിരുന്നു. ആ വേഷം ടൊവിനോ തോമസാണ് അഭിനയിച്ചത്. എന്നാല് ഏത് വേഷമായിരുന്നെന്ന് പവര്ക്കും അറിയില്ലായിരുന്നു. ആറ് ദിവസത്തെ ഡേറ്റ് കൊണ്ട് എന്ത് കഥാപാത്രമായിരിക്കും താരത്തെ കൊണ്ട് ചെയ്യിക്കുക, മാധവിക്കുട്ടിയായി മഞ്ജുവാര്യരും ഭര്ത്താവ് ദാസായി മുരളിഗോപിയും മുസ്്ലിംലീഗ് നേതാവ് സമദാനിയെ അനുസ്മരിപ്പിക്കുന്ന സഹീര് അലി എന്നയാളെ അനൂപ്മേനോനുമാണ് ചെയ്തത്. പൃഥ്വിരാജിന്റെ ഭാഗം മാത്രമായിരുന്നു ചിത്രീകരിക്കാനുള്ളത്. എന്നാല് മൈസ്റ്റോറിയുടെ ചിത്രീകരണവുമായി ബന്ധപ്പെട്ട് മൈസൂരിലും പിന്നെ വിദേശത്തും പോയിരുന്ന പൃഥ്വിരാജിന് കമലിന്റെ സിനിമയില് ജോയിന് ചെയ്യാനായില്ല.
അങ്ങനെയാണ് ടൊവിനോ തോമസ് ആ വേഷം ചെയ്തത്. മാധവിക്കുട്ടി കൃഷ്ണഭക്തയായിരുന്നല്ലോ. കൃഷ്ണനെ കാമുകനായും ഭഗവാനായും ഒക്കെയാണവര് കണ്ടിരുന്നതും സങ്കല്പ്പിച്ചിരുന്നതും. സിനിമയില് മാധവിക്കുട്ടിയുടെ കഥാപാത്രത്തിന് കൃഷ്ണനെ പോലെ തോന്നുകയും കാണുകയും ചെയ്യുന്ന ഒരാളുണ്ട്. ആമിയുടെ കാഴ്ചപ്പാടില് മാത്രം വരുന്നയാള്. ശ്രീകൃഷ്ണനെ പോലെ തോന്നുന്ന ആ കഥാപാത്രമാണ് ടൊവിനോ ചെയ്തത്. ചിത്രീകരണം തുടങ്ങും മുമ്പ് ഈ വേഷത്തിനായി പൃഥ്വിയുടെ ഫോട്ടോ ഉപയോഗിച്ച് കമ്പ്യൂട്ടറിന്റെ സഹായത്തോടെ മേക്കപ്പ് ടെസ്റ്റും നടത്തിയിരുന്നു. ശ്രീകൃഷ്ണന്റെ മുഖഛായ താരത്തിനുണ്ടെന്ന് കമല് മനസിലാക്കിയത് മുമ്പ് ഹരിഹരന് പൃഥ്വിരാജിനെ നായകനാക്കി ഒരുക്കാന് തീരുമാനിച്ച സ്യമന്തകം എന്ന സിനിമയുടെ ഫാന്മെയ്ഡ് പോസ്റ്റര് കണ്ടിട്ടാണ്.
പക്ഷെ, പൃഥ്വിരാജിന്റെ തിരക്ക് കാരണം കമലിന്റെ ആഗ്രഹം നടന്നില്ല. ഇതോടെയാണ് ടൊവിനോയെ സമീപിച്ചത്. പൃഥ്വിരാജിന്റെ തിരക്ക് മാത്രമല്ല, മഞ്ജുവാര്യരുടെ തിരക്കും കാരണം ഡേറ്റ് ക്ലാഷായെന്ന് അണിയറപ്രവര്ത്തകരില് ചിലര് പറഞ്ഞു. കമലിന്റെ സെല്ലുലോയ്ഡിലൂടെ മികച്ച നടനുള്ള സംസ്ഥാന പുരസ്ക്കാരം രണ്ടാമതും ലഭിച്ചതോടെ പൃഥ്വിരാജ് കമലിന് ഓപ്പണ് ഡേറ്റ് നല്കിയിരുന്നു. എന്നാല് ചിത്രത്തില് അഭിനയിക്കാന് കഴിയാത്തതില് താരത്തിന് വിഷമമുണ്ട്. സാഹചര്യങ്ങള് കൊണ്ടാണ് പിന്മാറിയതെന്നും അണിയറപ്രവര്ത്തകരില് ഒരാള് പറഞ്ഞു.
https://www.facebook.com/Malayalivartha