മഞ്ജുവിനെ സാക്ഷിയാക്കില്ല... നടിയെ ആക്രമിച്ച കേസില് നടന് ദിലീപിനെതിരേയുള്ള കുറ്റപത്രത്തില് നടി മഞ്ജു വാരിയരെ സാക്ഷിയാക്കില്ലെന്ന് സൂചന, ചില അസൗകര്യങ്ങള് മഞ്ജുവാര്യര് അറിയിച്ചതിനാലാണ് ഒഴിവാക്കുന്നതെന്ന് സൂചന
നടിയെ ആക്രമിച്ച കേസില് നടന് ദിലീപിനെതിരേയുള്ള കുറ്റപത്രത്തില് നടി മഞ്ജു വാരിയരെ സാക്ഷിയാക്കില്ലെന്ന് സൂചന.പോലീസിന് മഞ്ജുവിനെ സാക്ഷിയാക്കാന് നിയമോപദേശം കിട്ടിയിരുന്നു. എന്നാല് ഇക്കാര്യത്തില് ചില അസൗകര്യങ്ങള് മഞ്ജുവാര്യര് അറിയിച്ചതിനാലാണ് ഒഴിവാക്കുന്നതെന്നാണ് സൂചന.
ദിലീപ് ഹാജരാക്കിയ വ്യാജ മെഡിക്കല് സര്ട്ടിഫിക്കറ്റില് പുതിയ കേസെടുക്കാനും പോലീസ് ആലോചിക്കുന്നുണ്ട്. നടിയെ ആക്രമിച്ച ദിവസം ആലുവയിലെ സ്വകാര്യ ആശുപത്രിയില് ചികിത്സയിലായിരുന്നു എന്നാണ് ദിലീപ് പറഞ്ഞത്. ഇക്കാര്യം ബോധ്യപ്പെടുത്താന് മെഡിക്കല് സര്ട്ടിഫിക്കറ്റും ഹാജരാക്കിയിരുന്നു.
എന്നാല് ഈ സര്ട്ടിഫിക്കറ്റ് വ്യാജമാണെന്നാണ് പോലീസ് പറയുന്നത്. തുടരന്വേഷണ സാധ്യതകള് നിലനിര്ത്തുന്ന കുറ്റപത്രമാകും പോലീസ് കോടതിയില് നല്കുക. വിചാരണ വേഗത്തിലാക്കാന് പ്രത്യേക കോടതി സ്ഥാപിക്കണമെന്നും പോലീസ് കോടതിയോട് ആവശ്യപ്പെട്ടേക്കും.
https://www.facebook.com/Malayalivartha