തൊണ്ടുമതലില് കള്ളനായി ഫഹദല്ലായിരുന്നു അഭിനയിക്കേണ്ടിയിരുന്നത് ; ആളുകളെ എന്റര്ടെയിന് ചെയ്യിക്കുകയാണ് ലക്ഷ്യമെന്നും ഫഹദ്
അവാര്ഡ് കിട്ടിയില്ലെങ്കിലും പ്രശ്നമില്ല ചെയ്യുന്ന സിനിമകള് ഓടണമെന്ന് ഫഹദ് ഫാസില്. മികച്ച സഹനടനുള്ള ദേശീയപുരസ്കാരം ലഭിച്ച ശേഷം സംസാരിക്കുകയായിരുന്നു താരം. ഞാന് ചെയ്യുന്ന തരത്തിലുള്ള സിനിമകള് പ്രേക്ഷകര് സ്വീകരിക്കുമോ എന്ന് ആശങ്കയുണ്ടായിരുന്നു. അവാര്ഡുകള് പൊട്ടക്കണ്ണന് മാങ്ങയെറിയുമ്പോലെ കിട്ടുന്നതാണ്. ഏറെ സന്തോഷമുണ്ട്. യഥാര്ത്ഥത്തില് തൊണ്ടുമുതലില് താനല്ല അഭിനയിക്കേണ്ടിയിരുന്നത്. അവാര്ഡ് കൂടുതല് ഉത്തരവാദിത്തങ്ങളൊന്നും തരുന്നില്ല. ഇത് ബിസിനസ് ആണ്. ആളുകളെ എന്റര്ടെയിന് ചെയ്യിക്കുകയാണ് ലക്ഷ്യം. പ്രത്യേകിച്ച് മലയാളികളെ. എനിക്ക് ഇഷ്ടപ്പെടുന്ന കഥകള് മലയാളപ്രേക്ഷകര് സ്വീകരിക്കുമോ എന്ന് ആശങ്കയുണ്ടായിരുന്നെന്നും താരം പറഞ്ഞു.
ദിലീഷ് പോത്തന് കള്ളന്റെ കഥാപാത്രത്തെ കുറിച്ച് പറഞ്ഞത്, പൊലീസ് സ്റ്റേഷനുകളില് കയറിയിറങ്ങി പരിചയമുള്ള ആളാണെന്നാണ്. ഓരോ സീനിനെ കുറിച്ച് പറഞ്ഞ ശേഷം നിനക്ക് എന്ത് ചെയ്യാന് കഴിയും എന്നാണ് ദിലീഷ് ചോദിക്കുന്നത്. സാധാരണ സംവിധായകര് അങ്ങനെയല്ലെന്നും താരം പറഞ്ഞു. ദിലീഷ് പോത്തന് നിര്മിക്കുന്ന സിനിമയില് ഉടന് അഭിനയിക്കും അദ്ദേഹത്തിന്റെ അസോസിയേറ്റാണ് സംവിധായകന്. അമല് നീരദ് സംവിധാനം ചെയ്യുന്ന ചിത്രത്തിലാണ് ഇപ്പോള് അഭിനയിക്കുന്നത്. മുമ്പ് അമലിന്റെ ഇയ്യോബിന്റെ പുസ്തകത്തില് അഭിനയിച്ചുകൊണ്ടിരുന്നപ്പോഴാണ് മികച്ച നടനുള്ള സംസ്ഥാന പുരസ്കാരം ലഭിച്ചതെന്നും ഫഹദ് ഫാസില് പറഞ്ഞു.
https://www.facebook.com/Malayalivartha