രണ്ടാമൂഴത്തിന്റെ ചര്ച്ചയില് മോഹന്ലാല് പങ്കെടുത്തത് വീഡിയോ കോളില്; ചര്ച്ചക്ക് നേതൃത്വം നല്കി എം.ടി; സ്വപ്ന സിനിമയ്ക്കായുള്ള കാത്തിരിപ്പില് ആരാധകര്
മലയാള നോവല് സാഹിത്യത്തിലെ ഇതിഹാസമായ രണ്ടാമൂഴത്തിന്റെ ചര്ച്ചയില് മോഹന്ലാല് പങ്കെടുത്തത് വീഡിയോ കോളിലൂടെ. ചര്ച്ചക്ക് നേതൃത്വം നല്കിയ എം.ടി.വാസുദേവന് നായരുടെ ആദ്യത്തെ അനുഭവമായിരുന്നു അത്.
വീഡിയോ കോളിലൂടെ സാധാരണ മോഹന്ലാല് ചര്ച്ചകളില് പങ്കാളിയാകാറുണ്ട്. അതു കൊണ്ടു തന്നെ അതില് അദ്ദേഹത്തിന് അത്ഭുതമുണ്ടായിരുന്നില്ല. രണ്ടാമൂഴവുമായി ബന്ധപ്പെട്ട് നടന്ന ചര്ച്ച അതിപ്രധാനമായിരുന്നു. ചര്ച്ചയുടെ വിശദാംശങ്ങള് പുറത്തുവന്നിട്ടില്ലെങ്കിലും രണ്ടാമൂഴത്തിന്റെ കാര്യത്തില് തീരുമാനമായതായി അറിയുന്നു.
2019 ല് രണ്ടാമൂഴത്തിന്റെ ചിത്രീകരണം ആരംഭിക്കും എന്നാണ് കരുതുന്നത്. എന്നാല് ഇത് സംബന്ധിച്ച ഔദ്യോഗിക സ്ഥിതീകരണം ഇതുവരെയും പുറത്തുവന്നിട്ടില്ല. ചിത്രത്തെ കുറിച്ചുള്ള ഏറ്റവും വലിയ വാര്ത്ത ഉടന് പുറത്തുവിടുമെന്ന് സംവിധായകന് ശ്രീകുമാര് മേനോന് സാമൂഹ്യ മാധ്യമത്തിലൂടെ അറിയിച്ചു.
ചിത്രീകരണത്തിന്റെ വിശദാംശങ്ങള് കോഴിക്കോടുള്ള എം ടിയുടെ വസതിയില് നടന്ന ദിവസം മോഹന്ലാല് ലണ്ടനിലായിരുന്നു. പിറന്നാള് ആഘോഷത്തിനായി ഭാര്യാ സമേതമാണ് അദ്ദേഹം ലണ്ടന് സന്ദര്ശിക്കുന്നത്. ഇതിനു മുമ്പ് കോഴിക്കോട്ടെ വസതിയിലെത്തി മോഹന്ലാല് എംടിയെ കണ്ടിരുന്നു. ചിത്രത്തിന്റെ ഉള്ളറിയാനായി രണ്ടാമൂഴം രണ്ട് വട്ടം വായിച്ചു. ഒടിയന് ശേഷം മോഹന്ലാല് സ്വപ്നം കാണുന്നത് രണ്ടാമൂഴത്തിലെ ഭീമനെയാണ്. അതിശക്തമായ കഥാപാത്രമാണ് എം ടിയുടെ ഭീമന്. മഹാഭാരതത്തിലെ സാമ്പ്രദായിക ചട്ടങ്ങള് മറികടന്ന ഉജ്ജ്വല കഥാപാത്രം.
മോഹന്ലാല് ലണ്ടനില് നിന്നും ചര്ച്ചകളില് പങ്കാളിയായതായി ശ്രീകുമാര് സമ്മതിച്ചു. ശ്രീകുമാറും എംടിയും തമ്മില് അതിശക്തമായ ഹൃദയബന്ധമാണുള്ളത്. ശ്രീകുമാര് അന്തര്മുഖനാണ്. അതിനേക്കാള് അന്തര്മുഖനാണ് എം ടി. ആയിരം കോടി മുടക്കി ആദ്യം നിര്മ്മിക്കുന്ന മലയാള ചിത്രമാണ് രണ്ടാമൂഴം. എം ടി ഏറെ നാളുകള്ക്ക് ശേഷം തിരക്കഥ എഴുതുന്ന ചിത്രമാണ് രണ്ടാമൂഴം എന്ന പ്രത്യേകതയും സിനിമക്കുണ്ട്. ചിത്രത്തില് വിദേശ താരങ്ങള് അഭിനയിക്കുന്നുണ്ടെന്നും റിപ്പോര്ട്ടുകള് ഉണ്ട് .ചിത്രീകരണത്തിന് എറണാകുളവും കോയമ്പത്തൂരും പരിഗണനയിലുണ്ടെങ്കിലും കോയമ്പത്തൂരി നാണ് സാധ്യത. ചിത്രീകരണ സ്ഥലം മഹാഭാരത സിറ്റി എന്ന പേരില് മ്യൂസിയമാക്കാനും ആലോചനയുണ്ട്.
രണ്ടാമൂഴത്തോടെ മലയാള സിനിമയുടെ ചരിത്രത്തിലേക്കാണ് ശ്രീകുമാര് നടന്നു കയറുന്നത്. ഒടിയന് തന്നെ ചരിത്രമാണ്. അതിനെക്കാള് വലിയ ചരിത്രമായിരിക്കും രണ്ടാമൂഴം. അതിനാണ് കേരളം കാത്തിരിക്കുന്നത്.
https://www.facebook.com/Malayalivartha