മുകേഷ് സത്യന് അന്തിക്കാട് ചിത്രത്തില് അഭിനയിച്ചത് ജാതി പറഞ്ഞ്
സത്യന് അന്തിക്കാടിന്റെ സിനിമയില് അഭിനയിക്കണമെന്ന് മുകേഷിന് വലിയ ആഗ്രഹമായിരുന്നു. എന്നാല് മോഹന്ലാലിനെയും ജയറാമിനെയും വച്ച് സിനിമകള് എടുത്തിരുന്ന അന്തിക്കാട് മുകേഷിനെ നായകനാക്കുന്നത് പോയിട്ട് സഹനടന് പോലുമാക്കിയില്ല. ഇക്കാര്യം പലതവണ അന്തിക്കാടിനോട് പറഞ്ഞെങ്കിലും നോക്കാമെന്ന് ഉറപ്പ് കൊടുത്തു.
അങ്ങനെയിരിക്കെ ഫ്രണ്ട്സ് എന്ന സിനിമയുടെ ആഘോഷവേളയില് വച്ച് ദിവ്യാ ഉണ്ണി സത്യന് അന്തിക്കാടിന്റെ സിനിമയില് അഭിനയിക്കണമെന്ന മോഹം അദ്ദേഹമിരിക്കെ വെളിപ്പെടുത്തി. മുമ്പ് ഇക്കാര്യം പറഞ്ഞപ്പോള് സര് സമ്മതിച്ചെന്നും ദിവ്യ പറഞ്ഞു.
എന്നാല് അടുത്തതായി സംസാരിച്ച മുകേഷ് പറഞ്ഞു, ദിവ്യ വെറുതേ മോഹിക്കുകയാണ്. കഴിഞ്ഞ പത്ത് പതിനഞ്ച് കൊല്ലമായി എന്നോടും ഇത് തന്നെയാണ് പറയുന്നത്. അന്തിക്കാട് അദ്ദേഹത്തിന്റെ സ്ഥിരം ആര്ട്ടിസ്റ്റുകളെ വച്ചേ സിനിമ ചെയ്യൂ. അത് കേട്ടിട്ടും സത്യന് അന്തിക്കാട് ചാന്സ് നല്കിയില്ല.
അങ്ങനെ വര്ഷങ്ങള് കടന്ന് പോയി. സത്യന് അന്തിക്കാടും മോഹന്ലാലും 13 വര്ഷങ്ങള്ക്ക് ശേഷം ഒന്നിച്ച രസതന്ത്രം എന്ന സിനിമയുടെ ചിത്രീകരണം നടക്കുന്നു. ഈ സമയത്ത് മുകേഷ് വെള്ളിനക്ഷത്രം വാരികയ്ക്ക് അഭിമുഖം നല്കി. അതില് പറഞ്ഞത് ഇതാണ്, ഞാന് ഈഴവനായത് കൊണ്ടാണ് സത്യന് അന്തിക്കാട് അദ്ദേഹത്തിന്റെ സിനിമകളില് അഭിനയിപ്പിക്കാത്തതെന്ന്. അപ്പോള് അന്തിക്കാടും ഈഴവ കുടുംബത്തില് പിറന്നയാളല്ലേ എന്ന് ലേഖകന് ചോദിച്ചു. 'അതേ, ഒരു ഈഴവന് മറ്റൊരു ഈഴവനെ കണ്ടു കൂടാ' എന്ന് മുകേഷ് പറഞ്ഞു.
അഭിമുഖം പ്രസിദ്ധീകരിച്ച് വന്നതോടെ സത്യന് അന്തിക്കാട് മുകേഷിനെ വിളിച്ചു. രസതന്ത്രത്തില് ചെറുതെങ്കിലും വളരെ പ്രധാനമായ കഥാപാത്രത്തെ നല്കി. അതിന് ശേഷം വിനോദയാത്ര എന്ന സിനിമയില് നായകന് ദിലീപിനേക്കാള് പ്രാധാന്യമുള്ള റോള് നല്കി. അതും കഴിഞ്ഞാണിപ്പോള് ജോമോന്റെ സുവിശേഷങ്ങളില് മുല്ഖറിനൊപ്പം പ്രാധാന്യമുള്ള വിന്സെന്റ് എന്ന കഥാപാത്രത്തെ അവതരിപ്പിക്കാന് വിളിച്ചത്. മുകേഷിനെ മുന്നില് കണ്ട് മാത്രമാണ് ഈ കഥാപാത്രത്തെ ഒരുക്കിയിരിക്കുന്നത്.
https://www.facebook.com/Malayalivartha