അടുത്ത വിവാദം? പാര്ട്ടിയില് വെച്ച് താന് ആക്രമിക്കപ്പെട്ടുവെന്ന് ഗായിക സുചിത്ര
നടിയെ ആക്രമിച്ച സംഭവത്തില് കേരളക്കര ഞെട്ടിയിരിക്കുമ്പോഴാണ് തമിഴകത്തു നിന്നും അടുത്ത വാര്ത്ത വന്നിരിക്കുന്നത്. ഒരു പാര്ട്ടിയില് പങ്കെടുക്കുന്നതിനിടെ താന് അപമാനിക്കപ്പെട്ടുവെന്നാണ് ഗായിക സുചിത്ര ട്വീറ്റ് ചെയ്തിരിക്കുന്നത്. സുചിത്രയുടെ ആരോപണം തമിഴ് സിനിമാ ലോകത്ത് വന് ചര്ച്ചകള്ക്ക് വഴിവെച്ചിരിക്കുകയാണ്. കോഫി വിത് സുചി എന്ന ചാറ്റ് ഷോയിലൂടെ സുപരിചിതയായ ഗായിക സുചിത്രയാണ് ധനുഷിനെതിരെ ആരോപണങ്ങളുമായി രംഗത്തെത്തിയിരിക്കുന്നത്.
പാര്ട്ടിയിലെ തിരക്കിനിടയില് ആരോ തന്റെ കൈപിടിച്ചു തിരിച്ചെന്നും അത് ധനുഷിനൊപ്പം വന്ന ആരോ ആണ് തന്നോടിങ്ങനെ ചെയ്തതെന്നും സുചിത്ര പറയുന്നു. താന് തിരിച്ചു വന്നിരിക്കുന്നുവെന്നും ധനുഷിന്റെ നീചമായ കളികള് എല്ലാവരോടും തുറന്ന് പറയാന് തയ്യാറാണെന്നും സുചിത്ര ട്വിറ്ററില് കുറിച്ചു. ധനുഷിനൊപ്പം ചിമ്ബുവിന്റെ പേരും സുചിത്രം പരാമര്ശിച്ചിട്ടുണ്ട്.
അതേസമയം സുചിത്ര പ്രശസ്തി നേടുന്നതിനായി മെനഞ്ഞെടുത്ത കഥകളാണിതെന്നും ചിലര് പറഞ്ഞിരുന്നു. ഈ പറഞ്ഞവര്ക്കും ഗായിക മറുപടി നല്കി. ഏറ്റവും ഒടുവില് കുറിച്ച ട്വീറ്റില് താന് ആക്രമിക്കപ്പെട്ടുവെന്നും സത്യമല്ലാതെ മറ്റൊന്നും പറഞ്ഞിട്ടില്ലെന്നും ഗായിക ട്വീറ്റ് ചെയ്തു.
https://www.facebook.com/Malayalivartha