എന്നെയയാള്‍ പീഡിപ്പിക്കാന്‍ ശ്രമിച്ചു
ബോളിവുഡിലെ സൂപ്പര്‍ സ്റ്റാര്‍ അക്ഷയ് കുമാറിന്റെ ഭാര്യ ട്വിങ്കില്‍ ഖന്ന തനിക്കു നേര്‍ക്ക് ഉണ്ടായ ലൈംഗികാതിക്രമ ശ്രമം വെളിപ്പെടുത്തി രംഗത്തെത്തി. ബ്ലോഗിലൂടെയാണ് തനിക്കെതിരായ ലൈംഗിക അതിക്രമത്തെ കുറിച്ച് ട്വിങ്കിള്‍ തുറന്നുപറഞ്ഞത്.
ഇന്ത്യയിലെ പ്രമുഖ ഓണ്‍ലൈന്‍ വിനോദ വെബ് സൈറ്റുകളിലൊന്നായ ടിവിഎഫ് സ്ഥാപകന്‍ അരുണബ് കുമാര്‍ തന്നെ പലതവണ ലൈംഗിക ബന്ധത്തില്‍ ഏര്‍പ്പെടാന്‍ വിളിച്ചുവെന്നാണ് ട്വിങ്കിളിന്റെ ആരോപണം. സമൂഹത്തില്‍ അറിയപ്പെടുന്ന ഒരു നടന്റെ ഭാര്യയ്ക്ക് ഈ അവസ്ഥയാണെങ്കില്‍ സാധാരണക്കാരുടെ അവസ്ഥ എന്തായിരിക്കും എന്നാണ് ട്വിങ്കിള്‍ ചോദിക്കുന്നത്.
ടിവിഎഫിന്റെ സിഇഒ പോസ്റ്റിലുള്ള ആള്‍ ഓഫീസിലുള്ള സ്ത്രീകളോടും ഇത്തരത്തില്‍ മോശമായിട്ടാണ് പെരുമാറുന്നതെന്നും ട്വിങ്കിള്‍ ബ്ലോഗില്‍ ആരോപിക്കുന്നു. ടൈംസ് ഓഫ് ഇന്ത്യയ്ക്ക് വേണ്ടി എഴുതിയ ബ്ലോഗിലാണ് ട്വിങ്കില്‍ വളരെ ഗുരുതരമായ ആരോപണം ഉന്നയിച്ചത്.
ടിവിഎഫ് സ്ഥാപകന്‍ അരുണബ് കുമാര്‍ പീഡിപ്പിക്കാന്‍ ശ്രമം നടത്തിയെന്നാരോപിച്ച് നിരവധി യുവതികള്‍ രംഗത്തു വന്നിരുന്നു. ആയുഷി അഗര്‍വാള്‍ എന്ന യുവതിയും സംവിധായക റീമ സെന്‍ഗുപ്തയും അരുണബില്‍നിന്ന് നേരിടേണ്ടിവന്ന പീഡനശ്രമങ്ങള്‍ വെളിപ്പെടുത്തിയിരുന്നു.
https://www.facebook.com/Malayalivartha
