ആ ഗൗണില് ഐശ്വര്യറായിയെ കണ്ടപ്പോള് അഭിഷേക് ബച്ചന് പറഞ്ഞതിങ്ങനെ...
ലോകപ്രസിദ്ധമായ കാന് ഫിലിം ഫെസ്റ്റിവലില് ഇത്തവണയും തിളങ്ങിയത് ഐശ്വര്യറായ് തന്നെ. ഇത്തവണ ആഷ് എത്തിയത് ദുബായ് ഡിസൈനറായ മൈക്കല് സിന്കോയുടെ സിന്ഡ്രലാ ഗൗണില്. എക്കാലവും താന് ഐശ്വര്യ റായുടെ ആരാധകനാണ് എന്ന് സിന്കോ പറയുന്നു. ഒരു സ്വപ്ന സാക്ഷാത്ക്കാരമാണ് ഇതെന്നും ലോകത്തിലെ തന്നെ ഏറ്റവും സുന്ദരികളായ സ്ത്രീകളില് ഒരാളാണ് ഐശ്വര്യയെന്നും മൈക്കല് പറഞ്ഞു.
താന് ഡിസൈന് ചെയ്ത ഗൗണില് ഐശ്വര്യയെ ആദ്യം കണ്ടപ്പോഴുണ്ടായ വികാരം വര്ണ്ണിക്കാന് കഴിയില്ല എന്നായിരുന്നു സിന്കോ പറഞ്ഞത്. ശരിക്കും സന്തോഷം കൊണ്ടു കരഞ്ഞു പോയി. ദുബായില് ഡിസൈനര് നടത്തിയ ഫാഷന് ഷോയില് പ്രദര്ശിപ്പിച്ചിരുന്ന ഗൗണ് കണ്ട് ഇഷ്ടപ്പെട്ടാണ് ഐശ്വര്യ ഈ സിന്ഡ്രല ഗൗണ് സ്വന്തമാക്കിയത്.
എന്തായാലും കാനിലെ ചിത്രങ്ങള് ആഷ് ഇന്സ്റ്റഗ്രാമില് പങ്കുവച്ചപ്പോള് അഭിഷേക് ബച്ചന്റെ കമന്റായിരുന്നു ഏറെ ചര്ച്ചയായത്. ഈ ഫോട്ടോയും അതിലെ സ്ത്രീയേയും താന് ഇഷ്ടപ്പെടുന്നു എന്നായിരുന്നു അഭിഷേക് ബച്ചന് കുറിച്ചത്.
https://www.facebook.com/Malayalivartha