ആകാരവടിവ് നിലനിര്ത്താന് ശ്രുതിഹാസന് ട്രെയിനറെ വരുത്തി
തെന്നിന്ത്യയിലും ബോളിവുഡിലും അഭിനയിച്ചെങ്കിലും ശ്രുതിഹാസനെ ഇതുവരെ ഭാഗ്യം കടാക്ഷിച്ചിട്ടില്ല. തന്റേതായ പെര്ഫോമന്സോ നയന്താരയൊക്കെ നേടിയ പോലുള്ള ഒറ്റയ്ക്കുള്ള വിജയമോ നേടാന് താരത്തിന് കഴിഞ്ഞിട്ടില്ല. ഈ സമയത്താണ് ജയംരവി, ആര്യ എന്നിവര്ക്കൊപ്പം സുന്ദര് സിയുടെ ബിഗ് ബജറ്റ് ചിത്രത്തില് അഭിനയിക്കാന് ക്ഷണം ലഭിക്കുന്നത്. കഥാപാത്രം പതിവില് നിന്നൊക്കെ വ്യത്യസ്തവും. അതിനാല് ശരീരസൗന്ദര്യത്തിന് പ്രത്യേകം പ്രാധാന്യം നല്കണമെന്ന് സംവിധായകന് നിര്ദ്ദേശിച്ചു. അത് ശ്രുതിക്കും സന്തോഷമായി.
ലണ്ടനിലെ പ്രശസ്ത ട്രെയിനറായ ടിം ക്ലോത്സിനെ ശ്രുതി ബന്ധപ്പെട്ടു. മൂന്ന് മാസത്തോളം അദ്ദേഹത്തിനെ ട്രയിനറായി നിയമിക്കുകയും ചെയ്തു. ഫ്ളൈറ്റ് ടിക്കറ്റും താമസവും മറ്റ് ചെലവുകളും മാത്രം കോടികള് വരും. പിന്നെ പ്രതിഫലം. ഇതൊന്നും ശ്രുതിക്ക് പ്രശ്നമല്ല. അഭിനയം മാത്രമാണ് താരത്തെ ഭ്രമിപ്പിക്കുന്നത്. അതിന് എന്ത് വിട്ട് വീഴ്ചയ്ക്കും തയ്യാറാണ്. ക്ലോത്സ് എത്തിയാല് ശരീര സൗന്ദര്യം മാത്രമല്ല, സ്റ്റണ്ട് രംഗങ്ങളിലെ പ്രകടനവും മെച്ചപ്പെട്ടതാക്കാന് കഴിയുമെന്ന് ശ്രുതിക്കറിയാം. കമലാഹാസനാണ് താരത്തോട് ഇക്കാര്യം പറഞ്ഞത്.
സൂര്യയുടെ സിങ്കം ത്രിയിലാണ് താരം തമിഴില് അവസാനം അഭിനയിച്ചത്. പടം സൂപ്പര്ഹിറ്റായിരുന്നെങ്കിലും ശ്രുതിക്ക് കാര്യമായി ഒന്നും ചെയ്യാനുണ്ടായിരുന്നില്ല. പിതാവ് കമലാഹാസന്റെ സബാഷ് നായിഡുവില് അഭിനയിച്ചെങ്കിലും ചിത്രം റിലീസായില്ല. കട്ടമരമുടു എന്ന തെലുങ്ക് ചിത്രത്തില് അഭിനയിക്കുകയാണ് താരമിപ്പോള്. എന്തായാലും സുന്ദര് സിയുടെ അടുത്തകാലത്തെ സിനിമകളെല്ലാം സൂപ്പര്ഹിറ്റായിരുന്നു. അതിനാല് ഈ ചിത്രവും അങ്ങനെയാവുമെന്ന പ്രതീക്ഷയിലാണ് ശ്രുതിഹാസന്.
https://www.facebook.com/Malayalivartha