നയന്സിന്റെ യൂറോപ്യന് ആരാധകര്
രജനീകാന്തും ഷാരൂഖ് ഖാനും ഒഴികെയുള്ള മിക്ക താരങ്ങളും പല വിദേശങ്ങളിലും ചെന്നാല് ആരും തിരിഞ്ഞ് നോക്കിറില്ല. കാരണം വിദേശികളില് ഭൂരിപക്ഷത്തിനും ഇവരെയൊന്നും അറിയില്ല. പ്രിയങ്കാചോപ്രയും ദീപികാ പാദുക്കോണും ഐശ്വര്യാറായിയുമാണ് ഇന്ത്യയില് നിന്ന് വിദേശങ്ങളില് അറിയപ്പെടുന്ന നടിമാര്. പ്രിയങ്കയും ദീപികയും ഹോളിവുഡിലെ അറിയപ്പെടുന്ന താരങ്ങളാണ്. മലയാളത്തില് നിന്ന് മോഹന്ലാല് ഉള്പ്പെടെയുള്ളവര് യൂറോപ്പിലെ തെരുവുകളില് സ്വതന്ത്ര്യമായാണ് നടക്കുന്നത്. മലയാളികള് വല്ലോം തിരിച്ചറിഞ്ഞാലായി. എന്നാല് അടുത്തിടെ തെലുങ്ക് സിനിമയുടെ ചിത്രീകരണത്തിന് യൂറോപ്പിലെത്തിയ നയന്താര അത്ഭുതപ്പെട്ടു.
റോഡിലെ ചിത്രീകരണത്തിനിടെ ഒരുപറ്റം യൂറോപ്യന് യുവാക്കള് നയന്സിനെ വളഞ്ഞു. താരത്തിന്റെ കടുത്ത ആരാധകരാണ് പോലും. നയന്താരയുടെ മിക്ക ചിത്രങ്ങളും അവര് കണ്ടിട്ടുണ്ട്. താരത്തിനൊപ്പം സെല്ഫിയെടുക്കാനും വീഡിയോ എടുക്കാനും അവര് തിരക്ക് കൂട്ടുന്നത് കണ്ട് സെറ്റിലുള്ളവര് അന്തംവിട്ട് നിന്നു. കൂള് ബ്യൂട്ടി എന്നാണ് അവര് നയന്താരയെ വിശേഷിപ്പിച്ചത്. ആരാധകര്ക്ക് ബുദ്ധിമുട്ടുണ്ടാക്കാതെ നയന്താര അവര്ക്കായി സമയം ചെലവഴിച്ചു. സാധാരണ ഇതിനൊന്നും വഴങ്ങിക്കൊടുക്കുന്നയാളല്ല താരം. ഫ്രാന്സ് ഉള്പ്പെടെയുള്ള ചില യൂറോപ്യന് രാജ്യങ്ങളില് നയന്താര അഭിനയിച്ച ചില സിനിമകള് മൊഴിമാറ്റി റിലീസ് ചെയ്തിട്ടുണ്ട്. പിന്നെ ഇന്റര്നെറ്റിലൂടെ തമിഴ് സിനിമകള് കാണുന്നവരുമുണ്ട്.
തനിക്ക് ഉണ്ടായ വ്യത്യസ്തമായ അനുഭവം നയന്സ് തന്നെയാണ് സോഷ്യല് മീഡിയയിലൂടെ അറിയിച്ചത്. തമിഴിലെ നമ്പര് വണ് നായികയായ നയന്സ് സോഷ്യല് മീഡിയയിലും താരമാണ്. ട്വിറ്ററിലും ഫെയിസ്ബുക്കിലും ഇന്സ്റ്റഗ്രാമിലും ഏറ്റവും കൂടുതല് ഫോളോവേഴ്സ് ഉള്ള തെന്നിന്ത്യന് നായിക ഈ തിരുവല്ലാക്കാരി തന്നെ. കുശ്ബുവിന്റെ ഭര്ത്താവും സംവിധായകനുമായ സുന്ദര് സി. സംവിധാനം ചെയ്യുന്ന സംഘമിത്രയില് നായികയായി അഭിനയിക്കാന് താരം കരാറൊപ്പിട്ടു. ശ്രൂതിഹാസനെ കാസ്റ്റ് ചെയ്ത വേഷമായിരുന്നു ഇത്. എന്നാല് ശ്രൂതി പിന്നീട് ഈ കഥാപാത്രം ഉപേക്ഷിക്കുകയായിരുന്നു.
https://www.facebook.com/Malayalivartha