അറസ്റ്റും റിമാന്റും ജയിലുമായി വിഷമത്തിലായ ദിലീപിന്റെ കുടുംബത്തിലേക്ക് പുതിയൊരു വിശേഷം കൂടി
അറസ്റ്റും റിമാന്റും ജയിലുമായി വിഷമത്തിലായ ദിലീപിന്റെ കുടുംബത്തിലേക്ക് പുതിയൊരു വിശേഷം. നടി കാവ്യാമാധവന് അമ്മയാകാന് പോകുന്നുവെന്നാണ് ശ്രുതി. നടി നാലുമാസം ഗര്ഭിണിയാണെന്നാണ് ഇവരുടെ കുടുംബവൃത്തങ്ങളില് നിന്നുതന്നെ ലഭിക്കുന്ന വിവരം. ജയിലിലായ ദിലീപിനെ കാണാന് കാവ്യ എത്താത്തതും ഇതിനെ തുടര്ന്നാണെന്നാണ് ലഭിക്കുന്ന വിവരം. ആലുവ പോലീസ് ക്ലബ്ബിലേക്ക് വരുന്നതിനില് നിന്നും തന്നെ ഒഴിവാക്കണം എന്നാവശ്യപ്പെട്ട കാവ്യ ചൂണ്ടിക്കാണിച്ച 'പ്രശ്നം' എ. ഡി. ജി. പി. സന്ധ്യ പെട്ടെന്ന് അംഗീകരിക്കുകയായിരുന്നു. ഒരു സ്ത്രീ ഈ അവസ്ഥയില് ഇരിക്കുമ്പോള് എങ്ങനെ എന്ന നിലപാടിലാണ് പോലീസ് എന്നും റിപ്പോര്ട്ട് ഉണ്ട്. എന്തായാലും കേസ്സന്വേഷണത്തോട് ദിലീപ് സഹകരിക്കാതിരിക്കുന്നത് കാവ്യാമാധവന്റെ ഉത്തരവാദിത്തം ഇരട്ടിയാക്കും.
ദിലീപ് ജയിലിലാകുന്നതിനു മുന്പു തന്നെ കാവ്യ ഗര്ഭിണിയാണെന്ന മട്ടില് വാര്ത്ത വന്നെങ്കിലും തന്റെ ഭാര്യയുടെ വിശേഷം ഓണ്ലൈന് വഴിയാണ് അറിഞ്ഞതെന്ന താരത്തിന്റെ മറുപടിയോടെ ആ വാര്ത്തകള് നിലച്ചിരുന്നു.
എന്നാല്, പൊലീസിന്റെ ചോദ്യം ചെയ്യലിനും മറ്റും കാവ്യ ഹാജരാകാന് വൈകിയത് ഗര്ഭസംബന്ധമായ പ്രശ്നങ്ങള് കാരണമാണെന്നും അതേ തുടര്ന്നാണ് പൊലീസ് ചോദ്യം ചെയ്യല് ദിലീപിന്റെ തറവാട്ടിലേക്ക് മാറ്റിയതും. അതേസമയം, ഇത് വെറുമൊരു പ്രചാരണം മാത്രമാണെന്നും ചിലര് പറയുന്നത്. എന്നാല്, കുടുംബത്തോട് അടുത്ത വൃത്തങ്ങള് തന്നെയാണ് ഇതിന് സ്ഥിരീകരണം നല്കുന്നത്.
സന്തോഷം നിറയേണ്ട ഈ അവസരത്തില് ഒന്നു ചിരിക്കാന് പോലും കഴിയാത്ത അവസ്ഥയിലാണ് കാവ്യ. ദിലീപിന്റെ അറസ്റ്റ് നടന്ന അന്നു മുതല് ആലുവയില് ഭര്ത്താവിന്റെ തറവാട്ടു വീട്ടില് തന്നെ കഴിയുകയാണ് കാവ്യ. പുറത്തുനിന്ന് ആരെയും കാണാനോ സംസാരിക്കാനോ കാവ്യ ഇതുവരെ തയാറായിട്ടില്ല.
എന്നാല്, കാവ്യയുടെ കുടുംബം രണ്ടാഴ്ച മുന്പ് തളിപ്പറമ്പ് രാജരാജേശ്വര ക്ഷേത്രത്തിലെത്തി പൊന്കുടം നേര്ച്ച കഴിപ്പിച്ചിരുന്നു. ദിലീപിന്റെ ജാമ്യ ഹര്ജി കോടതി പരിഗണിക്കുന്നതിന്റെ തലേദിവസമായിരുന്നു പൊന്കുടം നേര്ച്ച നടത്തിയത്. ദിലീപിനു വേണ്ടി സഹോദരന് അനൂപ് ജഡ്ജിയമ്മാവന് ക്ഷേത്രത്തില് എത്തി പൂജകള് കഴിപ്പിച്ചപ്പോഴും കാവ്യയുടെ അസാന്നിദ്ധ്യം ശ്രദ്ധിക്കപ്പെട്ടിരുന്നു.
കഴിഞ്ഞ വര്ഷം നവംബര് 25നായിരുന്നു 49 വയസ്സുള്ള ദിലീപും 34 വയസ്സുള്ള കാവ്യയും തമ്മിലുള്ള വിവാഹം കൊച്ചിയില് നടന്നത്. തികച്ചും അപ്രതീക്ഷിതമായി വിവാഹ വാര്ത്ത ഫേസ്ബുക്ക് ലൈവിലൂടെ ദിലീപ് പ്രഖ്യാപിക്കുകയായിരുന്നു. മകള് മീനാക്ഷിയുടെ സാന്നിദ്ധ്യത്തില് ആണ് ദിലീപ് കാവ്യയ്ക്ക് താലി ചാര്ത്തിയത്. ദിലീപിന് ആദ്യ ഭാര്യ മഞ്ജു വാര്യരിലുള്ള മകളാണ് മീനാക്ഷി.
https://www.facebook.com/Malayalivartha