കഥാപാത്രത്തിന്റെ പൂര്ണ്ണതയ്ക്ക് വേണ്ടി ഷംന അത് ചെയ്തു!
കഥാപാത്രത്തിന്റെ പൂര്ണ്ണതയ്ക്ക് വേണ്ടി ചില നടിമാര് ചിലപ്പോഴൊക്കെ വിട്ടുവീഴ്ചകള് ചെയ്യാറുണ്ട്. അത്തരത്തില് ഒരു സാഹസത്തിന് മുതിര്ന്നിരിക്കുകയാണ് നടി ഷംന കാസിം. പുതിയ ചിത്രത്തിന് വേണ്ടി ഷംന കാസിം തല മൊട്ടയടിച്ചു!! അതില് തനിക്കൊട്ടും മനസാക്ഷിക്കുത്തില്ല എന്നാണ് നടി പറയുന്നത്.
കൊടി വീരന് എന്ന തമിഴ് ചിത്രത്തിന് വേണ്ടിയാണ് ഷംന കാസിമിന്റെ സാഹസിക പ്രവൃത്തി. കൊടിവീരന്റെ ഭാഗമാകാന് കഴിഞ്ഞതില് അഭിമാനിക്കുന്നു എന്ന് ഷംന കാസി പറയുന്നു.
ചിത്രത്തിലെ കഥാപാത്രത്തിന് വേണ്ടിയാണ് ഷംന തല മൊട്ടയടിച്ചത്. അതില് തനിക്കൊട്ടും മനസാക്ഷിക്കുത്തില്ല എന്ന് നടി പറഞ്ഞു. സംവിധായകനിലും തിരക്കഥയിലും തനിക്ക് വിശ്വാസമുണ്ട് എന്നാണ് ഷംന പറയുന്നത്.
ചിത്രത്തില്, ശശികുമാറിനൊപ്പം അഭിനയിക്കാന് അവസരം ലഭിച്ചതില് ഉള്ള സന്തോഷവും നടി മറച്ചുവച്ചില്ല. അതുകൊണ്ട് തന്നെ കഥാപാത്രത്തിന് വേണ്ടി എന്തും ചെയ്യാന് തയ്യാറായിരുന്നുവത്രെ.
കഥാപാത്രത്തെ കുറിച്ച് കൂടുതലൊന്നും എനിക്ക് പറയാന് സാധിക്കില്ല. തല ഷേവ് ചെയ്ത ചില രംഗങ്ങള് ചിത്രത്തിലുണ്ട്. അത് എന്തിന് വേണ്ടിയായിരുന്നു എന്നത് സസ്പെന്സാണ്. എന്നും ചെയ്യുന്നതില് നിന്ന് വ്യത്യസ്തമായി എന്തെങ്കിലും ചെയ്യാന് കഴിയുന്നത് സംതൃപ്തിയാണെന്ന് നടി പറയുന്നു.
തല മൊട്ടയടിയ്ക്കണം എന്ന് പറയുമ്പോള് എല്ലാവരും രണ്ടാമതൊന്ന് ആലോചിയ്ക്കും. പക്ഷെ ഞാന് ആലോചിച്ചത്, ഈ അടുത്ത കാലത്ത് എനിക്ക് ഡാന്സ് പ്രോഗ്രാമോ മറ്റോ ഉണ്ടോ എന്ന് മാത്രമാണ് ഷംന പറഞ്ഞു.
https://www.facebook.com/Malayalivartha