കൊച്ചിയില്‍ യുവനടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന നടന്‍ ദിലീപ് നായകനായ രാമലീലയ്‌ക്കെതിരെ പ്രതിഷേധവുമായി വനിതാ കൂട്ടായ്മ. രാമലീലയുടെ റിലീസ് ദിവസമായ സെപ്തംബര്‍ 28 ന് പ്രതിഷേധം സംഘടിപ്പിക്കും. അന്നേ ദിവസം ഷൂട്ടിംഗ് ഉള്‍പ്പെടെ റദ്ദാക്കി പ്രധാന പ്രവര്‍ത്തകരെല്ലാം കൊച്ചിയില്‍ സംഘടിക്കാനാണ് തീരുമാനം.

അതേസമയം പ്രതിഷേധം ഏതു രീതിയില്‍ ഉള്ളതാണെന്ന് വിവരം ലഭ്യമായിട്ടില്ല. ത​ല​ശേ​രി​യി​ല്‍ നടന്ന സംസ്ഥാന ചലച്ചിത്ര പു​സ്കാ​ര വി​ത​ര​ണ വേ​ദി​ക്ക് മു​ന്നി​ൽ ന​ടി​ക്ക് പി​ന്തു​ണ​യു​മാ​യി അ​വ​ൾ​ക്കൊ​പ്പം ഒപ്പുശേഖരണ കാ​മ്പെ​യി​ൻ വനിതാ കൂട്ടായ്മ നടത്തിയിരുന്നു.

തലശ്ശേരിയിലെ വേദിയുടെ പ്രവേശന കവാടത്തിനു സമീപം കാൻവാസ് സ്ഥാപിച്ചാണ് ക്യാംപെയ്ൻ നടത്തിയത്. ‘കേരളത്തിലെ ജനങ്ങൾ അവൾക്കൊപ്പം’ എന്ന ഹാഷ്ടാഗും പ്രവർത്തകർ പ്രചരിപ്പിച്ചു. ‘ഞങ്ങളുടെ സഹപ്രവർത്തകയ്ക്കു നീതി ഉറപ്പാക്കുന്ന ജനകീയ സർക്കാരിന് അഭിവാദ്യങ്ങൾ’ എന്ന ബോർഡും ഡബ്ല്യുസിസി സ്ഥാപിച്ചിരുന്നു.