മോഡിക്ക് പിന്തുണയുമായി താരങ്ങള്
പ്രധാനമന്ത്രി നരേന്ദ്ര മോഡിയുടെ സ്വച്ഛ് ഭാരത് അഭിയാന് പദ്ധതിയില് താനും പങ്ക് ചേരുന്നതായി നടന് മമ്മൂട്ടി. മഹാത്മഗാന്ധിയുടെ വാക്കുകള് പ്രാവര്ത്തികമാക്കി സ്വച്ഛതാ ഹീ സേവ എന്ന പദ്ധതി തുടങ്ങിയതില് താങ്കളെ അഭിന്ദിക്കുന്നതായി മമ്മൂട്ടി ഫെയ്സ് ബുക്കില് കുറിച്ചു. അടുത്തിടെ നടന് മോഹന് ലാല് പ്രധാനമന്ത്രിയുടെ ക്ഷണം സ്വീകരിച്ച് പദ്ധതിയുടെ ഭാഗമായിരുന്നു. ഇതിന് പിന്നാലെയാണ് മോഡിയുടെ ക്ഷണം സ്വീകരിച്ച് താനും പദ്ധതിയുടെ ഭാഗമാകുന്നതായി മമ്മൂട്ടി ഫെയ്സ്ബുക്കിലൂടെ അറിയിച്ചത്.
ഫെയ്സ്ബുക്ക് പോസ്റ്റിന്റെ പൂര്ണരൂപം:
പ്രിയപ്പെട്ട പ്രധാനമന്ത്രി നരേന്ദ്ര മോദി ജീ
ആദ്യമായി, ശുചിത്വത്തെ ദൈവികതയാണെന്ന് പറഞ്ഞ മഹാത്മഗാന്ധിയുടെ വാക്കുകള് പ്രാവര്ത്തികമാക്കി സ്വച്ഛതാ ഹീ സേവ എന്ന പദ്ധതി തുടങ്ങിയതില് താങ്കളെ അഭിന്ദിക്കുന്നു. ഇതിനൊപ്പം താങ്കളുടെ ക്ഷണവും സ്വീകരിക്കുന്നു. ഈ പദ്ധതിയിലേക്ക് താങ്കളുടെ നേരിട്ടുള്ള ക്ഷണം ലഭിച്ചതില് അഭിമാനിക്കുന്നു. എന്നെ സംബന്ധിച്ച് ശുചിത്വം എന്നാല് മറ്റൊരാളുടെ നിര്ബദ്ധം മൂലം ഒരാളില് ഉണ്ടാകേണ്ടതല്ല, അത് അച്ചടക്കത്തിന്റെ ഭാഗമാണ്. എന്നിരുന്നാലും നമ്മുടെ രാജ്യം വൃത്തിയായി സൂക്ഷിക്കാന് ചില നിയമങ്ങള് നിര്മിക്കേണ്ടതുണ്ട് . കാരണം ബോധവത്ക്കരണ പരിപാടികള് പലപ്പോഴും ലക്ഷ്യത്തിലെത്തുന്നില്ല. ഗാന്ധിജിയുടെ സ്വപ്നങ്ങള് സഫലമാക്കാന് താങ്കള് നടത്തുന്ന പരിശ്രമങ്ങളെ ഞാന് പിന്തുണയ്ക്കുന്നു.
വ്യക്തിഗത ശുചിത്വം ഏറ്റവും പ്രധാനപ്പെട്ടതാണെന്ന് നമുക്ക് എല്ലാവര്ക്കും അറിയാം. ഒരാള് തന്റെ ശരീരത്തെ വൃത്തിയായി സൂക്ഷിക്കാന് പഠിച്ചാല് അയാള്ക്ക് ശുചിത്വത്തിന്റെ സന്ദേശം ചുറ്റുമുള്ളവരിലേക്കും പകര്ത്താന് കഴിയും. ഭൂമിയെയും സ്വന്തം രാജ്യത്തെയും വൃത്തിയായി സൂക്ഷിക്കുന്നതിന്റെ ആദ്യ ചുവട് നമ്മുടെ വീടുകളില് നിന്ന് തന്നെ ആരംഭിക്കണം. അതിന് ശേഷം സ്വന്തം രാജ്യത്തോടും സഹോദരങ്ങളോടും ലോകത്തോടുമുള്ള വാഗ്ദാനം പാലിക്കണമെന്നുമാണ് എന്റെ നിലപാട്. അതാണ് വസുദേവ കുടുംബകം എന്ന് രേഖപ്പെടുത്തിയിരിക്കുന്ന നമ്മുടെ സമൂഹത്തിന്റെ ആത്മാവ്. പദ്ധതിയിലേക്ക് എന്നെ ക്ഷണിച്ചതില് വീണ്ടും നന്ദിയര്പ്പിക്കുന്നു.
വിശ്വസ്തതയോടെ
https://www.facebook.com/Malayalivartha