നവവധുവിനെ അണിയിച്ചൊരുക്കിയതല്ല; സിനിമാ നടിയെ റാണിയാക്കിയതാ
സര്വാഭരണവിഭൂഷിതയായി ദീപിക പദുകോണ് ഒരുങ്ങി നില്ക്കുന്നതിന്റെ പുറകില് വിസ്മയ പ്രവര്ത്തനമാണ്. ബോളിവുഡ് സംവിധായകന് സഞ്ജയ് ലീല ബന്സാലിയാണ് ദീപികയെ ഇങ്ങനെ പൊന്ന് കൊണ്ട് മൂടിയത്. എന്തു കാര്യം ചെയ്താലും അതു പൂര്ണമായും കൃത്യമായും വ്യക്തമായും മാത്രമേ ചെയ്യൂ. പ്രേക്ഷകര് ആകാംക്ഷയോടെ കാത്തിരിക്കുന്ന പദ്മാവതി എന്ന ചിത്രത്തിന്റെ കാര്യവും അങ്ങനെതന്നെ.
ദീപികാ പദുക്കോണ് കേന്ദ്ര കഥാപാത്രമായി എത്തുന്ന പദ്മാവതിയുടെ ട്രെയിലര് കഴിഞ്ഞ ദിവസം പുറത്തുവന്നിരുന്നു. പ്രതീക്ഷിച്ചതുപോലെ ട്രെയിലറില് തിളങ്ങിയത് റാണി പദ്മിനിയായെത്തിയ ദീപിക തന്നെയായിരുന്നു. റാണി പദ്മിനിയെ ഒരുക്കുന്ന കാര്യത്തില് അതീവശ്രദ്ധയാണ് ബന്സാലി നല്കിയിരിക്കുന്നത്. ചിത്രത്തില് ദീപിക ഉപയോഗിക്കുന്ന വസ്ത്രങ്ങളും ആഭരണങ്ങളുമെല്ലാം വിദഗ്ധരായ ആളുകളുടെ കരവിരുതില് നിര്മിച്ചവയാണ്.
200ലധികം സ്വര്ണപ്പണിക്കാര് 600 ദിവസംകൊണ്ടാണ് റാണി പദ്മിനിക്കുള്ള ആഭരണങ്ങള് നിര്മിച്ചത്. 400 കിലോ സ്വര്ണമാണ് ഇതിനായി ഉപയോഗിച്ചത്. ഏതായാലും സിനിമ തിയറ്ററില് എത്തുന്നതിനു മുമ്പുതന്നെ പദ്മാവതിയുടെ ആഭരണങ്ങളും വസ്ത്രങ്ങളും ഹിറ്റായിരിക്കുകയാണ്.
https://www.facebook.com/Malayalivartha