'മെര്സലി'നെതിരെ ബിജെപി നടത്തുന്ന ആക്രമണത്തെ വിമര്ശിച്ച് നടന് കമല് ഹാസ്സന് രംഗത്ത്...
വിജയ് ചിത്രം 'മെര്സലി'നെതിരെ ബിജെപി നടത്തുന്ന ആക്രമണത്തെ വിമര്ശിച്ച് നടന് കമല് ഹാസ്സന് രംഗത്തെത്തി. ചിത്രത്തില് ജിഎസ്ടിയെ പരാമര്ശിക്കുന്ന ഡയലോഗും രംഗങ്ങളുമാണ് ബിജെപിയെ ചൊടിപ്പിച്ചത്. ഇതോടെ ചിത്രം വീണ്ടും സെന്സര് ചെയ്യണമെന്നും രംഗങ്ങള് നീക്കണമെന്നും ആവശ്യപ്പെട്ടു. നീക്കം ചെയ്യാമെന്ന് അണിയറ പ്രവര്ത്തകര് സമ്മതിച്ചതായും റിപ്പോര്ട്ടുണ്ട്. എന്നാല് അതിനനുവദിക്കരുതെന്ന് കമല് ഹാസ്സന് അണിയറ പ്രവര്ത്തകരോട് ആവശ്യപ്പെട്ടു.
'വിമര്ശകര്ക്ക് യുക്തിസഹമായി മറുപടി നല്കിയാണ് വിമര്ശകരുടെ വായടപ്പിക്കേണ്ടത്. സംസാരിക്കുമ്പോള് മാത്രമേ ഇന്ത്യ തിളങ്ങുന്നു എന്ന് പറയാന് കഴിയൂ' എന്ന് കമല് പറഞ്ഞു. ചിത്രത്തില് ജിഎസ്ടിയും ഡിജിറ്റല് ഇന്ത്യയും ഗോരഖ്പൂരിലെ കുഞ്ഞുങ്ങളുടെ മരണവും പരാമര്ശിക്കപ്പെടുന്നുണ്ട്. ഇതാണ് ബിജെപിയെ ചൊടിപ്പിച്ചത്. ഇതിനിടെ മോഡി സര്ക്കാറിനെതിരെയുള്ള ഭാഗങ്ങള് നീക്കം ചെയ്യേണ്ടതില്ലെന്ന് കബാലി സംവിധായകന് പാ രഞ്ജിത രംഗത്തെത്തിയിരുന്നു. ജനങ്ങളുടെ ബുദ്ധിമുട്ടുകളാണ് സിനിമയിലുള്ളതെന്നും ആ രംഗങ്ങള്ക്ക് പ്രേക്ഷകരില്നിന്ന് നല്ല പിന്തുണയാണ് ലഭിക്കുന്നതെന്നും പാ രഞ്ജിത്ത് പറഞ്ഞു.
ബിജെപി ദേശീയ സെക്രട്ടറി എച്ച് രാജ, മുതിര്ന്ന ബിജെപി നേതാവ് എല് ഗണേശ്, ബിജെപി തമിഴ്നാട് സംസ്ഥാന പ്രസിഡന്റ് തമിഴരസി സൗന്ദര്രാജ് തുടങ്ങി നിരവധി നേതാക്കള് സിനിമക്കെതിരെ രംഗത്ത് വന്നിരുന്നു. ജിഎസ്ടിയും ഡിജിറ്റല് ഇന്ത്യയും ഗോരഖ്പ്പൂരിലെ കുഞ്ഞുങ്ങളുടെ മരണവുമെല്ലാം സിനിമയിലെ രംഗങ്ങളില് ഉള്പ്പെടുത്തിയിട്ടുണ്ടെന്നും ഇതിനെയെല്ലാം സിനിമയിലൂടെ വിജയ് വിമര്ശിക്കുന്നുമുണ്ടെന്നുമാണ് ബിജെപി പറയുന്നത്.
രാഷ്ര്ടീയത്തിലേക്ക് ഇറങ്ങാനുള്ള വിജയ് യുടെ തന്ത്രങ്ങളാണ് ഈ പരിഹാസങ്ങളെല്ലാം, സമൂഹത്തിലേക്ക് തെറ്റായ സന്ദേശം എത്തിക്കാനാണ് വിജയ് ശ്രമിക്കുന്നതെന്നും ബിജെപി നേതാക്കള് പറയുന്നു. ഏഴ് ശതമാനം ജിഎസ്ടി നടപ്പിലാക്കുന്ന സിംഗപ്പൂരില് ജനങ്ങള്ക്ക് ചികിത്സ സൗജന്യമാവുമ്പോള് 28% ജിഎസ്ടി വാങ്ങുന്ന ഇന്ത്യയില് എന്താണ് നടക്കുന്നതെന്ന് സിനിമയില് ചോദിക്കുന്നുണ്ട്.
ആശുപത്രിയിലെ വെന്റിലേറ്ററില് എലി കടിച്ച് കുഞ്ഞ് മരിച്ചതും ഗോരഖ്പ്പൂരിലെ ആശുപത്രിയില് കുട്ടികള് മരണമടഞ്ഞതും നോട്ടു നിരോധനവുമെല്ലാം സിനിമയില് ഹാസ്യ രൂപേണ വിമര്ശിക്കുന്നുണ്ട്. മോഡി നടപ്പിലാക്കുന്ന ഡിജിറ്റല് ഇന്ത്യ കാംമ്പയിനെ ഹാസ്യ താരം വടിവേലു അവതരിപ്പിച്ച കഥാപാത്രവും കളിയാക്കുന്നുണ്ട്. ഈ രംഗങ്ങളൊക്കെയാണ് സിനിമക്കെതിരെ തിരിയാന് ബിജെപിയെ പ്രേരിപ്പിച്ചത്.
https://www.facebook.com/Malayalivartha