സെലിബ്രിറ്റികളുടെ മക്കളെ തമ്മിൽ താരതമ്യം നടത്തുന്നതിൽ പ്രതിഷേധം രക്ഷപ്പെടുത്തി നടി ശ്രീദേവി. ശ്രീദേവിയുടെ മകൾ ജാൻവിയെയും സെയ്ഫ് അലിഖാന്റെ മകൾ സാറയെയും താരതമ്യം ചെയ്യുന്നത് ശ്രീദേവിക്ക് ഇഷ്ടപ്പെട്ടില്ല.

ജാൻവിയും സാറയും ഒരുമിച്ച് ബോളിവുഡിൽ അരങ്ങേറ്റം കുറിക്കുന്നുവെന്ന് വാർത്തകൾ വന്നിരുന്നു. എന്നാൽ, സാറ നായികയാകുന്ന കേദാർനാഥ് പ്രീ പ്രൊഡക്ഷൻ ജോലികൾ തുടങ്ങിയിട്ടും ജാൻവിയുടെ സിനിമയുടെ ചിത്രീകരണം പോലും ആരംഭിച്ചിട്ടില്ല.

മകളെ ഇത്തരത്തിൽ താഴ്ത്തിക്കെട്ടുന്നത് ശ്രീദേവിയെ ചൊടിപ്പിച്ചു. ജാൻവി ഒരു തെലുങ്ക് സിനിമയിൽ അഭിനയിച്ചു കൊണ്ടിരിക്കുകയാണെന്ന് അടുത്തിടെ വാർത്തകൾ പ്രചരിച്ചിരുന്നുവെങ്കിലും ഔദ്യോഗിക സ്ഥിരീകരണമില്ല.

മക്കളെ അവരവരുടെ ഇഷ്ടത്തിന് അനുസരിച്ച് വിടാനാണ് തനിക്ക് താത്പര്യമെന്നും അനാവശ്യമായ നിർദേശങ്ങളുമായി താൻ അവർക്ക് മുന്നിലെത്താറില്ലെന്നും ശ്രീദേവി പറഞ്ഞു. അമ്മയെന്ന നിലയിൽ തെറ്റും ശരിയെക്കുറിച്ചും പഠിപ്പിക്കാം. എല്ലാ കാര്യങ്ങളെക്കുറിച്ച് ടിപ്സും നൽകാം. എങ്ങനെ ഭക്ഷണം കഴിക്കാണെന്നും വസ്ത്രധാരണത്തെക്കുറിച്ചുമൊക്കെ സംസാരിക്കാം അതിനപ്പുറത്തേക്ക് നമുക്കധികാരമില്ല.

സിനിമയിൽ താരങ്ങൾ തമ്മിലുള്ള താരതമ്യം പോലെയല്ല അവരുടെ മക്കളെ താരതമ്യം ചെയ്യുന്നത്. അവരെ തളർത്താൻ മാത്രമേ അതുപകരിക്കൂവെന്നും ശ്രീദേവി പറഞ്ഞു.