ബോക്‌സോഫീസ് കീഴടക്കാന്‍ ബിലാല്‍ തിരിച്ച് വരുന്നു; കൂടെ ദുല്‍ഖറും!!
മെഗാ സ്റ്റാര്‍ മമ്മൂട്ടിയുടെ ഏറ്റവും സ്റ്റൈലിസ്റ്റ് മാസ് കഥാപാത്രം ഏതെന്ന് ചോദ്യത്തിന് ഒറ്റ ഉത്തരമേയുള്ളു ബിലാല്‍ ജോണ്‍ കുരിശിങ്കല്‍. ഛായാഗ്രഹണത്തിന്റെ സാധ്യതകള്‍ പരമാവധി ഉപയോഗപ്പെടുത്തി മലയാള സിനിമയെ ഹോളിവുഡ് നിലവാരത്തിലേക്ക് ഉയര്‍ത്തിയ സംവിധായകനാണ് അമല്‍ നീരദ്.
ഇപ്പോളിതാ മാസ് കഥാപാത്രമായ ബിലാല്‍ ജോണ്‍ കുരിശിങ്കലായി മമ്മൂക്ക വീണ്ടുമെത്തുന്നു. ദുല്‍ഖര്‍ സല്‍മാനാണ് ഫേസ്ബുക്ക് പേജില്‍ ഇക്കാര്യം അറിയിച്ചത്. ബിലാല്‍ എന്നാണ് ബിഗ്ബി രണ്ടാം ഭാഗത്തിന് പേരിട്ടിരിക്കുന്നത്. ബിഗ് ബിയുടെ രണ്ടാം ഭാഗത്തില്‍ ദുൽഖറുമെത്തുമെന്നാണ് അണിയറ പ്രവർത്തകർ നൽകുന്ന സൂചന.
തനിക്ക് ഏറ്റവും ഇഷ്ടമുള്ള ചിത്രങ്ങളിലൊന്നാണ് ബിഗ്ബിയെന്നും മലയാളസിനിമയില്‍ സ്‌റ്റൈലിന്റെ പര്യായമായ ബിലാലിനെ രണ്ടാംവരവിനായി കാത്തിരിക്കാന്‍ ക്ഷമയില്ലെന്നും ദുല്‍ഖര്‍ ഫേസ്ബുക്കില്‍ കുറിച്ചു.
ആക്ഷന്‍ ചിത്രങ്ങള്‍ക്ക് പുത്തന്‍ മാനം നല്‍കിയ ബിഗ് ബിയുടെ രണ്ടാം ഭാഗം, സിനിമാലോകം ഇത്ര ആവേശത്തോടെ ഏറ്റെടുത്ത മറ്റൊരു വാര്‍ത്തയുണ്ടാകാനിടയില്ല. 2007 ല്‍ ചിത്രം പുറത്തിറങ്ങുമ്പോള്‍ അതുവരെ കണ്ടുവന്ന ആക്ഷന്‍ സീനുകള്‍ മലയാളികള്‍ എവിടെയോ മറന്നുവെച്ചു. ക്യാമറകൊണ്ട് ഇനിയും പലതും സാധിക്കുമെന്ന് അമല്‍ നീരദ് കാണിച്ചു തന്നു. ഒരു നവ സിനിമയുടെ പിറവിക്കൊപ്പം മികച്ചൊരു സംവിധായകന്റെ രംഗ പ്രവേശം കൂടിയായിരുന്നു ബിഗ് ബി.
സിനിമാലോകത്തിനകത്തും പുറത്തും നിറയെ ആരാധകരാണ് ചിത്രത്തിന്. അതുകൊണ്ടു തന്നെ ബിഗ് ബിയുടെ രണ്ടാം ഭാഗം 'ബിലാലി'ന്റെ വാര്‍ത്ത ഇതിനോടകം ആരാധകര്‍ ഏറ്റെടുത്തു കഴിഞ്ഞു. സാധാരണക്കാരായ ആരാധകരേക്കാള്‍ ആവേശത്തിലാണ് യുവതാരങ്ങളടക്കുമുള്ള സിനിമ താരങ്ങള്‍. തങ്ങളുടെ ഫേസ്ബുക്ക് പേജിലൂടെ ചിത്രത്തിന്റെ പോസ്റ്റര്‍ ക്യാപ്ഷന്‍ സഹിതം പോസ്റ്റ് ചെയ്താണ് താരങ്ങള്‍ ആരാധന തുറന്നു കാട്ടുന്നത്.
അമല്‍ നീരദ് മമ്മൂട്ടി കൂട്ടുക്കെട്ടില്‍ പിറക്കുന്ന ചിത്രത്തിന്റെ പേര് ഔദ്യോഗികമായി വെളിപ്പെടുത്തിയത് അമല്‍ നീരദാണ്. അടുത്ത വര്‍ഷമായിരിക്കും സിനിമയുടെ ചിത്രീകരണം ആരംഭിക്കുക. ദുല്‍ഖര്‍ സല്‍മാനെ നായകനായ സി ഐഎയ്ക്ക് ശേഷമാണ് അമല്‍ നീരദ് ‘ബിലാല്‍’ എന്ന ചിത്രവുമായി എത്തുന്നത്.
https://www.facebook.com/Malayalivartha
