ഇതൊരു പ്രാങ്ക് വീഡിയോ അല്ല; വിവാഹാലോചനകൾ ക്ഷണിച്ച് നടൻ ആര്യ
കുറച്ചു നാളുകളായി തമിഴ് നടന് ആര്യ വിവാഹം കഴിക്കാന് പോകുന്നു എന്ന ഗോസിപ്പകള് പരക്കുന്നു. അടുത്ത ഒരു വര്ഷത്തിനിടെ ആര്യയുടെ വിവാഹമുണ്ടാകും എന്നാണ് പലയിടത്തുനിന്നും കേട്ട വാര്ത്തകള് . ആ വാർത്തകൾ ശരിവയ്ക്കുന്ന തരത്തിൽ താരം തന്നെ ഒരു വീഡിയോ പോസ്റ്റ് ചെയ്തിരിക്കുകയാണ്.
പൊതുവെ സിനിമാക്കാരെല്ലാം വിവാഹക്കാര്യം ഉറപ്പിച്ചതിന് ശേഷമാണ് വിവരങ്ങൾ പുറത്തുവിടുക. എന്നാൽ ആര്യ ഇതിൽ നിന്നൊക്കെ വ്യത്യസ്തനാണ് ആര്യ. ജീവിത സഖിക്കായി ഇപ്പോഴും കാത്തിരിക്കുകയാണ് ആര്യ. തനിക്ക് ചേരുന്ന വധുവിനെ കണ്ടെത്താൻ സ്വയം ഇറങ്ങിത്തിരിച്ചിരിക്കുകയാണ് അദ്ദേഹം.
ഇതിനായി സോഷ്യൽ മീഡിയയിൽ ഒരു വിഡിയോ അദ്ദേഹം പോസ്റ്റ് ചെയ്തു. കഴിഞ്ഞ ദിവസം വിവാഹവുമായി ബന്ധപ്പെട്ട് ആര്യ സംസാരിക്കുന്ന വിഡിയോ ലീക്ക് ചെയ്ത് പുറത്തുവന്നിരുന്നു. ജിമ്മിൽ ആയിരുന്ന സമയത്ത് കൂട്ടുകാരോട് സംസാരിക്കുന്ന വിഡിയോ ആണ് ലീക്ക് ആയി പുറത്തുവന്നത്.
താൻ അറിയാതെയാണ് ആ വിഡിയോ ലീക്ക് ആയതെങ്കിലും അതിൽ പറയുന്ന കാര്യങ്ങളെല്ലാം സത്യമാണെന്ന് ആര്യ പുതിയ വിഡിയോയിൽ പറഞ്ഞു. ‘പൊതുവെ എല്ലാവരും തങ്ങളുടെ ജീവിതപങ്കാളിയെ ജോലി, സ്ഥലം, കൂട്ടുകാർ, ബന്ധുക്കൾ അല്ലെങ്കിൽ മാട്രിമോണിയൽ സൈറ്റ് എന്നിവയിലൂടെയൊക്കെയാവും കണ്ടെത്താൻ ശ്രമിക്കുക.
എന്നാൽ ഞാൻ അങ്ങനെയല്ല. വലിയ നിബന്ധനകളോ ആവശ്യങ്ങളോ ഇല്ല, ഞാനൊരു നല്ല ജീവിതപങ്കാളിയായിരിക്കുമെന്ന് നിങ്ങൾ വിശ്വസിക്കുന്നുണ്ടെങ്കിൽ ഈ നമ്പറിൽ വിളിക്കൂ. ഇതൊരു പ്രാങ്ക് വിഡിയോ അല്ല, ആരെയും പറ്റിക്കാനും ചെയ്യുന്നതല്ല. ഇതെന്റെ ജീവിതപ്രശ്നമാണ്. നിങ്ങളുടെ വിളിക്കായി ഞാൻ കാത്തിരിക്കുന്നു.–ആര്യവിഡിയോയിലൂടെ പറഞ്ഞു.
വീട്ടുകാരുടെയോ സമൂഹത്തിന്റെയോ സമ്മര്ദ്ദത്തിന് വഴങ്ങി വിവാഹം കഴിച്ച് ഡൈവേഴ്സാകാന് തനിക്ക് താത്പര്യമില്ല. തന്റേത് നൂറ് ശതമാനം പ്രണയവിവാഹമായിരിക്കുമെന്ന് വിവാഹ വാർത്ത പ്രചരിച്ചിരുന്ന സമയത്ത് ആര്യ പ്രതികരിച്ചിരുന്നു .
https://www.facebook.com/Malayalivartha