പത്മാവതിയെയുടെ പേരില് ഭാരത് ബന്ദ്
കേരളം ബന്ദുകളുടെ പിടിയിലാണ്. 22 ന് എബിബിപിയുടെ വിദ്യാഭ്യാസ ബന്ദ്. 24 ന് വാഹന ബന്ദ്. ഇതുകൂടാതെ ഈര്ക്കില് പാര്ട്ടിയുടെ ഭാരത് ബന്ദ് 25ന്. നിരവധി വിവാദങ്ങളില് പെട്ടു പുറത്തിറങ്ങാന് ഒരുങ്ങിയ സഞ്ജയ് ലീല ബന്സാലി ചിത്രത്തിനെതിരെ രജപുത് കര്ണിസേന വീണ്ടും രംഗത്ത് വന്നിരിക്കുന്നത്. ചിത്രം റിലീസ് ചെയ്യുന്ന 25ന് ഭാരത് ബന്ദിന് ആഹ്വാനം ചെയ്തിരിക്കുകയാണിപ്പോള്. ഇതിനെല്ലാം പുറമെ, സിനിമ പ്രദര്ശിപ്പിക്കുന്ന തിയറ്ററുകള് കത്തിക്കുമെന്നും കര്ണിസേന മേധാവി ലോകേന്ദ്ര സിങ് ഭീഷണി മുഴക്കിയിട്ടുണ്ട്.
റാണി പത്മാവതിയുടെ വീരചരിത്രം വികലമായി ചിത്രീകരിച്ചെന്ന ആരോപിച്ചാണു പ്രതിഷേധം. ചിത്രവുമായി ബന്ധപ്പെട്ട് കഴിഞ്ഞ ദിവസം പല തീയേറ്ററില് നശിപ്പിച്ചിരുന്നു. നേരത്തെ നാല് സംസ്ഥാനങ്ങളില് ചിത്രം നിരോധിച്ചിരുന്നു. പിന്നീട് ചിത്രത്തിന്റെ നിര്മ്മാതാവ് സുപ്രീം കോടതിയെ സമീപിച്ച് അനുകൂലമായി വധി നേടിയിരുന്നു. എങ്കിലും ഗുജറാത്തില് ചിത്രം പ്രദര്ശിപ്പിക്കില്ലെന്ന് ലോകേന്ദ്ര പറഞ്ഞിരുന്നു.
നേരത്തെ ചിത്രത്തിന്റെ സംവിധായകന് സഞ്ജയ് ലീല ബന്സാലി, നായിക ദീപിക പദുകോണ് എന്നിവര്ക്കെതിരെ ഇയാള് വധഭീഷണിയും മുഴക്കിയിരുന്നു.
നിരവധി തിരുത്തലുകള്ക്ക് ശേഷമാണ് സെന്സര് സര്ട്ടിഫിക്കറ്റ് നല്കിയത്. പദ്മാവതി എന്ന പേര് പദ്മാവത് എന്ന് മാറ്റിയതിന് പുറമെ ദീപികയുടെ നൃത്തമടങ്ങിയ 'ഗൂമര്' എന്ന ഗാനത്തിലും മാറ്റങ്ങള് വരുത്തുകയും ചെയ്തിരുന്നു. ചിത്രത്തില് രജപുത്ര സംസ്കാരത്തെ വികലമാക്കുന്ന രംഗങ്ങള് ഉണ്ടെന്ന വിവാദത്തെ തുടര്ന്നാണ് വിവിധ ഭാഗങ്ങളില്നിന്ന് എതിര്പ്പുകള് ഏറ്റുവാങ്ങിയത്.
ഗൂമര് ഗാനത്തിന് നൃത്തം ചെയ്തുവെന്ന് കാണിച്ച് മധ്യപ്രദേശിലെ ഒരു സ്കൂള് കര്ണിസേന അടിച്ചുതകര്ത്തിരുന്നു. ചിത്രത്തില് അലാവുദ്ദീന് ഖില്ജിക്ക് ചിറ്റോര് രാജകുമാരിയായ പദ്മാവതിയോട് തോന്നുന്ന പ്രണയമാണ് സിനിമയുടെ ഇതിവൃത്തം. ഇരുവരും തമ്മിലുള്ള പ്രണയരംഗങ്ങള് ചിത്രത്തിലുണ്ടെന്നാണ് പ്രതിഷേധിക്കുന്നവരുടെ വാദം.
https://www.facebook.com/Malayalivartha