ഞാനും അമ്മയും എപ്പോഴും തെറ്റുന്നത് പ്രണയത്തിന്റെ കാര്യം പറഞ്ഞാണ് ; തന്റെ പ്രണയസ്വപ്നങ്ങൾ തുറന്നുപറഞ്ഞ് എസ്തർ അനിൽ
ദൃശ്യത്തിൽ അസാധ്യ പ്രകടനം കാഴ്ച വച്ച എസ്തർ അനിലിനെ ആരും മറക്കില്ല. പിനീട് ഒരിടവേളക്ക് ശേഷം നായികയായി അരങ്ങേറുമ്പോൾ കുറ്റിയിൽ നിന്നും ചിന്തകൾക്കും മാറ്റം കാണാം . ഓള് എന്ന ഷാജി എൻ കരുൺ ചിത്രത്തിലെ നായികയാണ് എസ്തർ ഇനി. ഒരു 15 വയസുകാരിയുടെ പ്രണയകഥ പറയുന്ന ചിത്രത്തിൽ ഷെയ്ൻ നിഗം ആണ് നായകൻ. കൂടാതെ തമിഴിൽ കൂഴലി എന്ന ചിത്രത്തിലും എസ്തർ തന്നെയാണ് നായിക. കാക്കമുട്ടൈ എന്ന ചിത്രത്തിലെ നായകൻ വിഘ്നേഷാണ് ചിത്രത്തിൽ നായകൻ. പ്ലസ് ടുവിന് പഠിക്കുന്ന കുട്ടികളുടെ പ്രണയമാണ് ചിത്രത്തിന്റെ ഇതിവൃത്തം.
എന്നാൽ സിനിമയില് പ്രണയം ഉണ്ടെങ്കിലും ജീവിതത്തില് പ്രണയിക്കാന് തല്ക്കാലം എസ്തറിന് താല്പര്യമില്ല. ‘എന്റെ അമ്മയും അപ്പനും പ്രണയിച്ച് വിവാഹം കഴിച്ചവരാണ്. ഇപ്പോഴും അവരുടെ പ്രണയം സ്ട്രോങ് ആണ്. ഞാനും അമ്മയും എപ്പോഴും തെറ്റുന്നത് പ്രണയത്തിന്റെ കാര്യം പറഞ്ഞാണ്. അമ്മ പറയും എടീ. ഈ പ്രണയമാണ് ലോകത്തെ നിലനിര്ത്തുന്നത്. എന്തിനോടെങ്കിലുമുള്ള പ്രേമം എന്നൊക്കെ പറഞ്ഞുവരും.
അപ്പോള് ഞാന് പറയും അതൊക്കെ ഉണ്ടായിരുന്നിരിക്കാം. ഇപ്പോഴുള്ള പിള്ളേര്ക്ക് അതൊന്നും ഇല്ല എന്ന്. പ്രണയ പരാജയം കൊണ്ടൊന്നുമല്ല, ചുറ്റുമുള്ള കാര്യങ്ങള് കാണുന്നത് കൊണ്ടാണ് ഞാന് അങ്ങനെ പറയുന്നത്. അതല്ല, അങ്ങനെ ഒരു പ്രണയം ഉണ്ടെങ്കില് ഞാനിപ്പോഴും തിരഞ്ഞു കൊണ്ടിരിക്കുകയാണ്. അങ്ങനെ ഒരാളെ കണ്ടുമുട്ടും എന്ന് ഞാന് പ്രതീക്ഷിക്കുകയാണ്- എസ്തര് പറയുന്നു.’ ഒരു പ്രമുഖസിനിമ മാസികയ്ക്ക് നൽകിയ അഭിമുഖത്തിലാണ് എസ്തർ തന്റെ മനസ് തുറന്നത്.
https://www.facebook.com/Malayalivartha