ഗര്ഭിണിയാണോ എന്ന ചോദ്യത്തിന് ഇല്യാനയുടെ ചുട്ട മറുപടി
ബര്ഫി, നല്പന് എന്നി ചിത്രങ്ങളിലൂടെ നിരവധി ആരാധകരെ സ്വന്തമാക്കിയ താരമാണ് ഇല്യാന ഡിക്രൂസ്. താരം ഗര്ഭിണിയാണ് എന്ന തരത്തില് വാര്ത്തകള് പ്രചരിച്ചിരുന്നു. എന്നാല് മാധ്യമങ്ങളില് നടന്ന ഈ പ്രചരണത്തിന് ഇന്സ്റ്റഗ്രാമിലൂടെ താരം ചുട്ട മറുപടി നല്കി. ഇന്നലെ ഇന്സ്റ്റഗ്രാമില് താന് ഗര്ഭിണിയല്ല എന്ന അടിക്കുറിപ്പോടെ ഇല്യാന ഒരു പോസ്റ്റ് ഇട്ടു. കാര്യങ്ങളെക്കുറിച്ച് ഇല്യാന വിശദീകരിച്ചത് ഇങ്ങനെ.
വ്യക്തിജീവിതത്തില് വളരെയേറെ ആരോപണങ്ങള് നേരിടേണ്ടി വന്നിട്ടുണ്ടെന്നും, ക്രിസ്മസ് കാലത്ത് ചുവന്ന നിറത്തിലുള്ള ഉടുപ്പ് ധരിച്ച ഒരു ചിത്രം പങ്കുവെച്ചപ്പോള് താന് വിവാഹിത ആകാന് പോകുന്നു എന്ന വാര്ത്ത പ്രചരിച്ചിരുന്നു എന്നും ഇല്യാന പറഞ്ഞു.
തന്റെ ബന്ധത്തെക്കുറിച്ചും, അത് എങ്ങനെ തുടങ്ങിയെന്നും ഉള്ള കാര്യങ്ങള് തികച്ചും വ്യക്തിപരമാണെന്നും തനിക്ക് ഈ ബന്ധം വളരെ വിശുദ്ധമാണെന്ന് ഒരു ഗോസിപ്പ് കോളത്തിലിട്ട് ചര്ച്ചയാക്കാന് ആഗ്രഹിക്കുന്നില്ലെന്നും ഇല്യാന പറഞ്ഞു. എന്റെ ജീവിതത്തിലെ ഏറ്റവും പ്രധാനപ്പെട്ടതും പവിത്രവുമായ ഒരു ഭാഗമാണ് ഇത്, അതിനാല് കൃത്യസമയത്ത് അത് വെളിപ്പെടുത്തും എന്നും നടി വ്യക്തമാക്കി.
https://www.facebook.com/Malayalivartha