സോഷ്യല്‍ മീഡിയയില്‍ വ്യാജ പ്രചരണം നടക്കവേ ബോധവത്ക്കരണവുമായി മോഹന്‍ലാല്‍
കേരളത്തില്‍ പടര്‍ന്നുപിടിക്കുന്ന നിപ വൈറസ് രോഗത്തെ ഭയപ്പെടേണ്ടതില്ലെന്ന് ചലച്ചിത്ര താരം മോഹന്‍ലാല്‍. നിലവിലിപ്പോള്‍ ആശങ്കപ്പെടേണ്ട സാഹചര്യമില്ലെന്നും കൃത്യമായ പ്രതിരോധ മാര്‍ഗത്തിലൂടെ നമുക്ക് ഈ രോഗത്തെ തടയാന്‍ കഴിയുമെന്നുമുള്ള ബോധവത്ക്കരണം ലാല്‍ ഫേസ്ബുക്കില്‍ കുറിച്ചു.
നിപ വൈറസ് രോഗത്തിന് ചികിത്സ ഇല്ലെന്ന തെറ്റായ ധാരണയാണെന്നും ഏതു രോഗത്തെയും പോലെ പ്രതിരോധമാണ് വേണ്ടതെന്നും കുറിപ്പില്‍ പറയുന്നു.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം
നിപ വൈറസ് ബാധമൂലം മൂന്ന് മരണങ്ങള്‍ കോഴിക്കോട് ജില്ലയില്‍ സ്ഥീകരിച്ച വിവരം ഏവരും അറിഞ്ഞിട്ടുണ്ടാവുമല്ലോ.
നിലവില്‍ ആശങ്കപ്പെടേണ്ടതോ ഭീതിയില്‍ ആവേണ്ടതുമായ സാഹചര്യം ഇല്ല. എന്നാല്‍ കൃത്യമായ പ്രതിരോധ മാര്‍ഗത്തിലൂടെ നമുക്ക് ഈ രോഗത്തെ ശക്തമായി തടയാന്‍ കഴിയും. നിലവില്‍ പ്രചരിക്കുന്ന വ്യാജവാര്‍ത്തകളിലും മറ്റും വിശ്വസിക്കാതെ രോഗം തുടങ്ങുമ്പോള്‍ തന്നെ കൃത്യമായ മാര്‍ഗ നിര്‍ദേശങ്ങളും സുരക്ഷാമാര്‍ഗങ്ങളും ആരോഗ്യ വകുപ്പിന്റെ നിര്‍ദ്ദേശങ്ങളും കേള്‍ക്കുകയും പാലിക്കുകയും ചെയുക..!
ഈ അസുഖത്തിനു ചികിത്സ ഇല്ല എന്ന ധാരണ തെറ്റാണ്. എന്നാല്‍ ഏതു രോഗത്തേയും പോലെ പ്രതിരോധം ആണ് ഏറ്റവും പ്രധാനം .രോഗ ലക്ഷണങ്ങള്‍ കണ്ടാല്‍ ശാസ്ത്രീയമായി ലഭിക്കേണ്ട ചികിത്സ സ്വീകരിക്കുക തന്നെ വേണം.
https://www.facebook.com/Malayalivartha
