നീ അങ്ങനെ സുഖിക്കേണ്ടെടി...ഈ മനോഭാവമാണ് പലർക്കും; ആരെങ്കിലും നോക്കി കണ്ണുരുട്ടിയാല് പേടിക്കുന്നയാളായിരുന്നു ഞാന്- മനസ്സ് തുറന്ന് അമൃത
ജീവിതത്തിലുണ്ടായ സംഭവങ്ങള് തന്നെ പുതിയ പാഠങ്ങള് പഠിപ്പിച്ചുവെന്ന് അമൃത പറഞ്ഞു. തന്റെ മ്യൂസിക്കല് ബാന്ഡാണ് അമൃതംഗമയെ കുറിച്ചു സംസാരിച്ചപ്പേഴാണ് തന്റെ ജീവിതത്തിലുണ്ടായ സംഭവങ്ങളെ കുറിച്ചും സ്വപ്നങ്ങളെ കുറിച്ചും താരം തുറന്ന് പറഞ്ഞത്. സമൂഹ മാധ്യമങ്ങളില് നിന്ന് താന് ഒരുപാട് വിമര്ശനങ്ങളും വെല്ലുവിളികളും നേരിടേണ്ടി വന്നിരുന്നു. ചിലര്ക്കൊക്കെ നീ അങ്ങനെ സുഖിക്കേണ്ടെടി എന്ന മനോഭാവമാണുള്ളതെന്നും അമൃത പറഞ്ഞു.
തന്റെ ജീവിതത്തില് ഏറ്റവും കൂടുതല് പരിഗണന കൊടുക്കുന്നത് പാട്ടിനാണ്. സംഗീതമാണ് തന്റെ ജീവിതത്തിലെ പ്രധാനപ്പെട്ട മേഖലയും. കൂടാതെ അമൃതംഗമയ എന്ന പുതിയ സംരംഭം തുടങ്ങാനുള്ള കാരണം താരം വ്യക്തമാക്കിയിരുന്നു. കൂടാതെ ബാന്ഡമായൊപ്പമുള്ള രാജ്യാന്തര യാത്രകളെ കുറിച്ചും അമൃത അഭിമുഖത്തില് വ്യക്തമാക്കിയിരുന്നു. ഇതു കൂടാതെ അമൃതയെ തേടി വലിയൊരു സൗഭാഗ്യം എത്തിയിരുന്നു. ഒരു ഹോളിവുഡ് സിനിമയില് അഭിനയിക്കാനുള്ള അവസരവും ലഭിച്ചിട്ടുണ്ടെത്രേ.
ആരെങ്കിലും നോക്കി കണ്ണുരുട്ടിയാല് പേടിക്കുന്നയാളായിരുന്നു ഞാന്. ഇപ്പോള് പ്രതികരിക്കും. ജീവിതത്തില് നേരിട്ട പ്രതിസന്ധികളാണ് അതിന് പ്രാപ്തരാക്കിയത്.സംഗീത ലോകത്തില് നിന്ന് മാറി നിന്ന സമയത്ത് തന്നെ വല്ലാതെ സങ്കടം അലട്ടിരുന്നു. കൂടെയുള്ളവര് മുന്നോട്ട് സഞ്ചരിച്ചപ്പോള് തനിയ്ക്ക് അതു സാധിക്കാതെ വന്നതില് വളരെയധികം വിഷമം തോന്നിയിരുന്നു. അത് അസൂയ കൊണ്ടാണെന്ന് പറയാന് സാധിക്കില്ല. പക്ഷെ എങ്കിലും ചെറിയ തരത്തിലുളള അസൂയ വരാതിരിക്കാനുളള വഴിയില്ലാതിരിക്കില്ലല്ലോയെന്നും അമൃത പറഞ്ഞു. എല്ലാത്തിനും അതിന്റേതായ സമയമുണ്ടല്ലോ എന്നും അമൃത പറഞ്ഞു.
https://www.facebook.com/Malayalivartha