ഗുല്മോഹര് എന്ന സിനിമയില് നായകനായി അഭിനയിച്ച രഞ്ജിത്ത് അന്നയും റസൂലില് ഫഹദ്ഫാസിലിന്റെ അച്ഛനായി അഭിനയിച്ചിട്ടുണ്ട്, എന്നാല് അഞ്ജലിമേനോന്റെ കൂടെയില് അതില് നിന്നൊക്കെ വ്യത്യസ്തമായ വേഷമാണ്
ഗുല്മോഹര് എന്ന സിനിമയില് നായകനായി അഭിനയിച്ച രഞ്ജിത്ത് അന്നയും റസൂലില് ഫഹദ്ഫാസിലിന്റെ അച്ഛനായി അഭിനയിച്ചിട്ടുണ്ട്. പലരും സിനിമകളിലേക്ക് വിളിക്കാറുണ്ടെങ്കിലും സ്നേഹപൂര്വം ഒഴിഞ്ഞുമാറുകയാണ് രഞ്ജിത്ത് ചെയ്യുന്നത്. അടുത്തിടെ അഞ്ജലിമേനോന് കൂടെ എന്ന സിനിമയിലേക്ക് വിളിച്ചപ്പോഴും രഞ്ജിത്ത് ഒഴിഞ്ഞുമാറി. മഞ്ചാടിക്കുരു എന്ന സിനിമയിലൂടെ സംവിധായികയായ അഞ്ജലിമേനോന് രഞ്ജിത് നിര്മിച്ച കേരളാ കഫേയില് ഹാപ്പി ജേര്ണി എന്ന ശ്രദ്ധേയമായ ചെറുസിനിമ ചെയ്തിരുന്നു. അന്ന് മുതല് ഇരവരും നല്ല സൗഹൃദത്തിലാണ്. കൂടെയിലെ അലോഷി എന്ന കഥാപാത്രം മനസില് വന്നപ്പോഴേ രഞ്ജിത്തിനെ കൊണ്ട് അഭിനയിപ്പിക്കണമെന്ന് സംവിധായിക മനസില് ഉറപ്പിച്ചിരുന്നു.
അമ്മയുടെയും മകന്റെയും പ്രാരബ്ദങ്ങളുടെ ഇടയില് വീര്പ്പുമുട്ടുന്ന പിതാവാണ് അലോഷി. നിസഹായനായ പിതാവ്. നല്ല കഥാപാത്രം, നല്ലൊരു നടനെ കൊണ്ട് ചെയ്യിക്കണം. എനിക്കൊക്കെ എന്തിനാ ഇത്രനല്ല വേഷം തരുന്നതെന്ന് രഞ്ജിത്ത് സംവിധായികയോട് ചോദിച്ചു. ഒരു എസ്ക്യൂസും പറയണ്ട. എനിക്ക് ഈ വേഷം ചെയ്തുതരണം എന്ന് വീണ്ടും പറഞ്ഞപ്പോള്, ഇത്രയും ഭാവാഭിനയമുള്ള കഥാപാത്രത്തെ എനിക്ക് അഭിനയിച്ച് ഫലിപ്പിക്കാനാകുമോ എന്ന് രഞ്ജിത്തിന് സംശയം. ഒടുവില് സംവിധായികയുടെ നിര്ബന്ധത്തിന് വഴങ്ങി അഭിനയിച്ചു. അതിലൊരു രഹസ്യമുണ്ടായിരുന്നു. അത് വഴിയേ പറയാം. ഊട്ടിയിലെ ലൊക്കേഷനില് ചെല്ലുമ്പോള് അഭിനയം ശരിയായില്ലെങ്കില് രണ്ട് ദിവസം കഴിഞ്ഞ് മടങ്ങണമെന്നാണ് രഞ്ജിത്ത് തീരുമാനിച്ചത്.
രഞ്ജിത്തിനെ ക്യാമറയ്ക്ക് മുന്നില് നിര്ത്തി അഭിനയിപ്പിക്കാന് സംവിധായകികയ്ക്ക് ആദ്യം ചില ബുദ്ധിമുട്ടുകളുണ്ടായിരുന്നു. അഭിനയിച്ച് തുടങ്ങിയപ്പോള് അത് മാറി. നന്നായി സഹകരിക്കുന്ന, എന്ത് വിട്ട് വീഴ്ചയ്ക്കും തയ്യാറാകുന്ന ആര്ട്ടിസ്റ്റുകള് അപൂര്വമാണെന്ന് സംവിധായകിക പറയുന്നു. ഇനി രഞ്ജിത്തിനെ കൊണ്ട് അഭിനയിപ്പിക്കാന് സംവിധായിക പ്രയോഗിച്ച രഹസ്യം പറയാം. ' പൃഥ്വിരാജിന്റെ അച്ഛന്റെ വേഷമാണ് നിങ്ങള്ക്ക്. പൃഥ്വി നിങ്ങള്ക്ക് പിറക്കാതെ പോയ മകനല്ലേ' എന്ന അഞ്ജലിമേനോന്റെ ചോദ്യത്തിലാണ് രഞ്ജിത് വീണത്. ' അതേ അവനെന്റെ മകനാണ്, ഞാനി വേഷം ചെയ്യുന്നു' എന്നാണ് രഞ്ജിത് പറഞ്ഞത്.
https://www.facebook.com/Malayalivartha