മത്സ്യക്കച്ചവടത്തിൽ കൈവയ്ക്കാൻ ധർമ്മജൻ ബോള്ഗാട്ടി; ജൂലൈ 5ന് ധര്മ്മൂസ് ഫിഷ് ഹബ്ബ് ഉദ്ഘാടനം ചെയ്യുന്നത് കുഞ്ചാക്കോ ബോബൻ
കായലും കടലും കണ്ട് വളര്ന്ന ധർമ്മജൻ ഇനി മത്സ്യ കച്ചവട മേഖലയിൽ കൈവയ്ക്കാൻ ഒരുങ്ങുന്നു. ഇതിനായി ധർമ്മജനും സുഹൃത്തുക്കളും ചേർന്ന് സ്വന്തമായി ഒരു കട തുടങ്ങുകയാണ്. ധര്മ്മൂസ് ഫിഷ് ഹബ്ബ് എന്ന് പേരിട്ട കട അടുത്തമാസം അഞ്ചിന് നടന് കുഞ്ചാക്കോ ബോബന് ഉദ്ഘാടനം ചെയ്യും.
അടുത്ത ബന്ധമുള്ള ചീന വലക്കാരില് നിന്നും ചെമ്മീന് കെട്ടുകളില് നിന്നും നേരിട്ട് എത്തിക്കുന്ന മത്സ്യമാണ് ധര്മ്മൂസ് ഫിഷ് ഹബ്ബിലൂടെ വിപണനം ചെയ്യുക. മായം കലര്ത്താത്ത നല്ല മത്സ്യം ജനങ്ങളിലേക്ക് എത്തിക്കുക എന്നതാണു ഒരു ബിസിനസ് എന്നതിനപ്പുറം ധര്മ്മൂസ് ഫിഷ് ഹബ്ബിലൂടെ താന് ലക്ഷ്യം വെക്കുന്നതെന്ന് ധര്മ്മജന് പറഞ്ഞു. ഈ മേഖലയിലെ ബിസിനസ് തനിക്ക് വളരെയധികം ഇഷ്ടപ്പെട്ടതാണെന്ന് ധര്മ്മജന് പറഞ്ഞു.
https://www.facebook.com/Malayalivartha