രമ്യയുടെ നേട്ടവും ശ്രീദേവിയുടെ നഷ്ടവും!!
ബാഹുബലിയും ശിവഗാമിയുമെല്ലാം ഇന്ത്യന്‍ സിനിമയില്‍ പുതിയ ചരിത്രമാകുമ്പോള്‍ ഇതെല്ലാം കണ്ടു വേദനിക്കുന്ന ഒരാളുണ്ട്. നടി ശ്രീദേവി. രമ്യയുടെ നേട്ടം അക്ഷരാര്‍ഥത്തില്‍ ശ്രീദേവിയുടെ നഷ്ടമാണ്. കാരണം സിനിമയുടെ അണിയറക്കാര്‍ രമ്യാകൃഷ്ണനെ സമീപിക്കും മുന്‍പ് ശിവഗാമിയാകാന്‍ ക്ഷണിച്ചത് ശ്രീദേവിയെ ആണ്. അതേസമയം തന്നെ ശ്രീദേവിക്ക് വിജയ് നായകനായ 'പുലി'യില്‍ നിന്നും ക്ഷണം ലഭിച്ചു. രണ്ടിലും കരുത്തുറ്റ കഥാപാത്രങ്ങളായിരുന്നതിനാല്‍ ശ്രീദേവി കനത്ത തുക പ്രതിഫലമായി ചോദിച്ചു.
ശ്രീദേവിയുടെ കടുംപിടുത്തം ബാഹുബലിയുടെ സംവിധായകന്‍ രാജമൗലിക്ക് പിടിച്ചില്ല. അവര്‍ രമ്യാകൃഷ്ണനെ സമീപിച്ചു. കഥ കേട്ട് ഇഷ്ടമായ രമ്യ മറ്റൊന്നും ചിന്തിക്കാതെ സമ്മതം മൂളി. ബാഹുബലി വേണ്ടെന്നു വച്ച് ശ്രീദേവി വിജയ് നായകനായ 'പുലി'യിലെ കഥാപാത്രത്തെ സ്വീകരിച്ചു. ഈ ചിത്രമാകട്ടെ ബോക്‌സ് ഓഫിസില്‍ വന്‍ പരാജയവുമായി.
ശിവഗാമിയായ രമ്യയ്ക്ക് പടയപ്പയിലെ നീലാംബരിക്കു ശേഷം കരിയറിലെ ഏറ്റവും കരുത്തുറ്റ കഥാപാത്രത്തെ ലഭിക്കുകയും ചെയ്തു. മഹിഷ്മതിയെ ഉള്ളം കയ്യില്‍ കാത്തുസൂക്ഷിക്കുന്ന രാജമാതാവിന്റെ മുഖത്തെ ഗാംഭീര്യവും തീക്ഷ്ണതയുമെല്ലാം രമ്യ അതേപടി പകര്‍ത്തിയപ്പോള്‍ കഥാപാത്രം നായകനായ പ്രഭാസിനൊപ്പം നില്‍ക്കുന്നതായി.
https://www.facebook.com/Malayalivartha
