സിനിമയിലെ ചുംബനരംഗങ്ങള്‍ പലപ്പോഴും താരങ്ങള്‍ക്ക് പാരയായി മാറാറുണ്ട്. ചിലതാകട്ടെ സ്‌പെഷല്‍ ഇഫ്ക്ടുകള്‍ ഉപയോഗിച്ച് ചിത്രീകരിക്കുകയാണ് പതിവ്. തമിഴില്‍ ഷൂട്ടിങ് പുരോഗമിക്കുന്ന മോഹന എന്ന ചിത്രം വാര്‍ത്തയാകുന്നതും ഒരു ചുംബനത്തിന്റെ പേരിലാണ്.

മലയാളി നടി കല്യാണിയാണ് ചിത്രത്തിലെ നായിക. പവര്‍സ്റ്റാര്‍ ശ്രീനിവാസന്‍ നായകനാകുന്ന ചിത്രത്തില്‍ മൊട്ട രാജേന്ദ്രനാണ് ചിത്രത്തിലെ മറ്റൊരു പ്രധാനകഥാപാത്രം. ഈ സിനിമയില്‍ മൊട്ടരാജേന്ദ്രന്‍ അവതരിപ്പിക്കുന്ന കഥാപാത്രത്തെ കല്യാണി ചുംബിക്കുന്നൊരു രംഗമുണ്ടായിരുന്നു. സ്വപ്നത്തില്‍ നടക്കുന്നൊരു രംഗമാണ്. ലിപ്‌ലോക്ക് രംഗമൊന്നുമല്ല. ഒരു സാധാരണ ചുംബനരംഗം.

കഥ മുമ്പേ കേള്‍ക്കാതിരുന്ന കല്യാണിയ്ക്ക് ഷൂട്ടിങിനിടെയാണ് ഈ സീക്വന്‍സ് സംവിധായകന്‍ വിവരിച്ചുകൊടുത്തത്. രംഗം കേട്ടതും കല്യാണി കരഞ്ഞുകൊണ്ട് ഓടുകയായിരുന്നു. ഈ ചിത്രത്തില്‍ ഇനി അഭിനയിക്കില്ലെന്നും പറഞ്ഞ് ഒരു മുറിയും പൂട്ടി കരയുകയായിരുന്നു നടി. പിന്നീട് സംവിധായകന്‍ ആനന്ദ് എത്തി നടിയെ സമാധാനിപ്പിക്കുകയും ആ രംഗം ചിത്രീകരിക്കുന്നില്ലെന്ന് അറിയിച്ചതോടെയുമാണ് നടിയ്ക്ക് ആശ്വാസമായത്.