ദീര്ഘകാലമായി പ്രണയത്തിലായിരുന്ന താരജോഡികളായ അഞ്ജലിയും ജയ്യും പിരിഞ്ഞത് തമിഴകത്തെ പലരെയും ഞെട്ടിച്ചു; ഇരുവരും അകലാനുള്ള വഴിതുറന്നതിങ്ങനെ?
ദീര്ഘകാലമായി പ്രണയത്തിലായിരുന്ന നടി അഞ്ജലിയും നടന് ജയ്യും അടിച്ച് പിരിഞ്ഞു. ചെന്നൈയില് നിന്ന് അഞ്ജലി ഹൈദരാബാദിലെ ചിറ്റമ്മയുടെ വീട്ടിലേക്ക് പറന്നു. ജയ് യുടെ വീട്ടിലെ നിത്യസന്ദര്ശകയായിരുന്നു അഞ്ജലി. ഇരുവരും വിവാഹം വരെ ഏകദേശം തീരുമാനിച്ചിരുന്നതാണ്. പിന്നീട് എന്താണ് സംഭവിച്ചതെന്ന് വ്യക്തമായി ആര്ക്കും അറിയില്ല. ജയ്ക്ക് അഞ്ജലിയെ മടുത്ത് തുടങ്ങിയെന്ന് ആക്ഷേപമുണ്ട്. തെന്നിന്ത്യയിലെ ഒരു സംവിധായകനുമായി അഞ്ജലിക്കുള്ള അടുപ്പവും വിനായായെന്നും കേള്ക്കുന്നു. യഥാര്ത്ഥത്തില് എന്താണ് നടന്നതെന്ന് ഇരുവര്ക്കും മാത്രമേ അറിയൂ. ഒരു കാര്യം സത്യമാണ് ഇരുവരും അടുക്കാനാകാത്ത വിധം അകന്നു.
ഇരുവരും ഒരുമിച്ച് കഴിഞ്ഞിരുന്ന കാലത്ത് ജയ് പല സിനിമകളിലും അഞ്ജലിയെ ശുവാര്ശ ചെയ്തിരുന്നു. അടുത്തിടെയായി അത് ഇല്ലാതായതോടെയാണ് പലര്ക്കും സംശയം തോന്നിയത്. ജയ് യുടെ പുതിയ ചിത്രമായ നീയാ-2വില് വരലക്ഷ്മി ശരത്കുമാറാണ് നായിക. കാതറിന് തെരേസയും റായ്ലക്ഷ്മിയും ഈ ചിത്രത്തിലുണ്ട്. കാതറിന് തെരേസയും റായ്ലക്ഷ്മിയും ജയ്യുടെ അടുത്ത രണ്ട് ചിത്രങ്ങളില് നായികമാരായി അഭിനയിക്കുന്നുണ്ട്. അവരെ ആരെയെങ്കിലും താരം നോട്ടമിട്ടിട്ടുണ്ടെന്നും ആക്ഷേപമുണ്ട്. വരലക്ഷ്മി ശരത്കുമാര് വിശാലുമായി പ്രണയത്തിലായിരുന്നു. ഇപ്പോള് രണ്ട് പേരും അത്ര രസത്തിലല്ലെന്നാണ് അറിയുന്നത്.
ജയ്ക്ക് വേണ്ടി ചെറിയമ്മയുമായി ഒരുപാട് വഴക്കിട്ടിട്ടുണ്ട് അഞ്ജലി. താരം ജോലി ചെയ്യുന്ന പണം മുഴുവന് തട്ടിയെടുക്കുകയായിരുന്നു ചെറിയമ്മയുടെ പരിപാടി. അഞ്ജലി ജയ് യുമായി അടുത്തത് അവര്ക്കത്ര ഇഷ്ടമായില്ല. വരുമാനം നിലയ്ക്കുമെന്ന് മനസിലാക്കിയ ചെറിയമ്മ അഞ്ജലിയെ പലതരത്തിലും പീഡിപ്പിച്ചു. തുടര്ന്ന് താരം പ്രതിഷേധവും പരാതിയുമായി മാധ്യമങ്ങളെ കാണാനെത്തിയിരുന്നു. അവസാനം ചെറിയമ്മ മാത്രമേ ആശ്രയമുള്ളെന്ന് താരം തിരിച്ചറിഞ്ഞു.
https://www.facebook.com/Malayalivartha