തമിഴ് സിനിമാനിര്മാതാക്കളുടെ സംഘടനയുടെ അധികാരം തമിഴ്നാട്ടുകാർക്ക് ലഭിക്കണം ; നടൻ വിശാലിനെ തമിഴ് സിനിമ സംഘടനയിൽ നിന്ന് മാറ്റണമെന്ന ആവശ്യം ശക്തം
തമിഴ് സിനിമാലോകത്തിൽ പ്രാദേശിക വാദം വീണ്ടും തലപൊക്കുന്നു. കുറച്ചുനാൾക്ക് മുൻപ് രജനീകാന്താണ് പ്രാദേശിക വാദത്തിന് ഇരയായതെങ്കിൽ ഇപ്പോൾ നടൻ വിശാലാണ്. തമിഴ് സിനിമാ സംഘടനകളില് തമിഴ്നാട്ടുകാര് മതിയെന്ന ആവശ്യമാണ് സംവിധായകന് ഭാരതിരാജയും സംഘവും ഉയര്ത്തുന്നത്.
തമിഴ് സിനിമാനിര്മാതാക്കളുടെ സംഘടനയുടെ അധികാരം തമിഴ്നാട്ടുകാരായവര്ക്ക് ലഭിക്കണമെന്നാണ് ആവശ്യം. അതുകൊണ്ടുതന്നെ ആന്ധ്രയില് കുടുംബവേരുകളുള്ള വിശാല് തമിഴ്നാട്ടില് നിര്മാതാക്കളുടേ സംഘടനാ തലപ്പത്ത് ഇരിക്കുന്നത് അംഗീകരിക്കാനാകില്ലെന്ന വാദം ഭാരതിരാജയും സംഘവും ഉയര്ത്തുന്നു.
കൂടാതെ സിനിമാ സമരം നടത്തിയത് ജനറല്ബോഡി വിളിച്ച് തീരുമാനിച്ചല്ലെന്നും, തീരുമാനം ഒറ്റക്കെടുക്കാന് വിശാലിന്റെ യോഗ്യത എന്താണ്, പ്രൊഡ്യൂസേഴ്സ് കൗണ്സിലിന്റെ ജനറല് ബോഡി വിളിച്ചു ചേര്ക്കാതെയാണ് വിശാല് പല നിര്ണായക തീരുമാനങ്ങളുമെടുത്തത്. സംഘടനയുടെ കണക്ക് അവതരിപ്പിച്ചിട്ട് 2 വര്ഷമായി. ഈ സാഹചര്യത്തില് വിശാല് സ്ഥാനമൊഴിയണമെന്നും യോഗത്തില് ആവശ്യമുയര്ന്നു.
https://www.facebook.com/Malayalivartha