തമിഴകത്തെ ഞെട്ടിച്ച് ദളപതി വിജയ് യുടെ പുതിയ സിനിമ
തമിഴകത്തെ ഞെട്ടിച്ച് ദളപതി വിജയ്‌യുടെ പുതിയ സിനിമയുടെ ഫസ്റ്റ് ലുക്ക് പോസ്റ്റര്‍ സോഷ്യല്‍ മീഡിയകളില്‍ തരംഗമായിരിക്കുകയാണ്. വിജയ് രാഷ്ട്രീയത്തിലിറങ്ങുമെന്ന അഭ്യൂഹം ശക്തമായിരിക്കെ പുതിയ സിനിമയുടെ പേര് 'സര്‍ക്കാര്‍' എന്നിട്ടത് തമിഴകത്തെ രാഷ്ട്രീയ പാര്‍ട്ടികളെ ശരിക്കും ഞെട്ടിച്ചു കളഞ്ഞതായാണ് റിപ്പോര്‍ട്ടുകള്‍.
ഏറ്റവും ഒടുവില്‍ പുറത്തിറങ്ങിയ മെര്‍സല്‍ സിനിമയില്‍ ജി.എസ്.ടിക്ക് എതിരായ വിമര്‍ശനങ്ങള്‍ ബി.ജെ.പിയുടെ ശക്തമായ പ്രതിഷേധത്തിന് കാരണമാവുകയും ദേശീയ മാധ്യമങ്ങളില്‍ വലിയ വിവാദത്തിന് വഴിവക്കുകയും ചെയ്തതിനാല്‍ 'സര്‍ക്കാറിലൂടെ' കേന്ദ്ര സര്‍ക്കാറിനെയും തമിഴക സര്‍ക്കാറിനെയും വിജയ് ലക്ഷൃമിടുന്നതായാണ് റിപ്പോര്‍ട്ടുകള്‍.
ഡി.എം.കെ നേതാവും മുന്‍ കേന്ദ്ര മന്ത്രിയുമായ ദയാനിധി മാരന്റെ സഹോദരന്‍ കലാനിധി മാരന്‍ നിര്‍മ്മിക്കുന്ന സിനിമയായതിനാല്‍ തങ്ങളെ 'കടന്നാക്രമിക്കില്ല' എന്ന വിശ്വാസത്തിലാണ് പ്രതിപക്ഷമായ ഡി.എം.കെ നേതൃത്വം.
എന്നാല്‍ കമ്യൂണിസ്റ്റ് ആശയങ്ങളിലും ധീര വിപ്ലവക്കാരി ചെഗുവേരയെയും ആരാധിക്കുന്ന സംവിധായകന്‍ മുരുകദാസ് മുന്‍പ് വിജയ് യെ നായകനാക്കി സംവിധാനം ചെയ്ത 'കത്തി' സിനിമയില്‍ കമ്യൂണസത്തിന്റെ 'പൊരുള്‍' തുറന്ന് കാട്ടാന്‍ പ്രത്യേകം താല്‍പര്യമെടുത്ത സാഹചര്യത്തില്‍ 'സര്‍ക്കാറിലും' കമ്യൂണിസം പറയുമോ എന്ന പേടിയിലാണിപ്പോള്‍ ഡി.എം.കെ.
മുഖ്യ പ്രതിപക്ഷമായ ഡി.എം.കെ ലോക് സഭ നിയമസഭ തെരെഞ്ഞെടുപ്പുകളില്‍ തൂത്ത് വാരാമെന്ന പ്രതീക്ഷയിലാണ് മുന്നോട്ട് പോയികൊണ്ടിരിക്കന്നത്.
ദീപാവലിക്ക് റിലീസ് ചെയ്യുന്ന 'സര്‍ക്കാറില്‍' ഭരണകക്ഷിയായ അണ്ണാ ഡി.എം.കെ നേതാവിനോട് സാമ്യമുള്ള കഥാപാത്രത്തെ അവതരിപ്പിക്കുന്നത് പ്രശസ്ത തെന്നിന്ത്യന്‍ താരം രാധാ രവിയാണ്.
https://www.facebook.com/Malayalivartha
