ഓഫീസിൽ ഇരുന്നുള്ള ജോലിയാണോ? നടുവേദന വരാതെ ശ്രദ്ധിക്കൂ
തലവേദന കഴിഞ്ഞാല് ഏറ്റവും കൂടുതല് കണ്ടുവരുന്ന ഒന്നാണ് നടുവേദന. ജീവിതശൈലിയില് വന്ന മാറ്റങ്ങളും പുതിയ തൊഴില്രീതികളും അമിതവാഹന ഉപയോഗവും തെറ്റായ ശരീരിക നിലകളുമെല്ലാമാണ് നടുവേദനയ്ക്ക് കാരണമാകുന്നത്.
ഓഫീസുകളിൽ ഏറെ നേരം ഇരുന്നു ജോലി ചെയ്യുന്നവരിൽ നടുവേദന ഏറ്റവും കൂടുതലായി കാണുന്നുണ്ട്. ഓഫീസില് ഇരുന്ന് ജോലി ചെയ്യേണ്ടതാണ് ഇന്നത്തെ ജോലികളില് മിക്കതും. ഇത്തരക്കാര് നേരിടുന്ന പ്രധാന പ്രശ്നമാണ് ഇരുപ്പിന്റെ രീതി മൂലമുള്ള നടുവേദന. തുടര്ച്ചയായി ഏറെ നേരം ഇരിക്കുന്നത് നടുവിന് അമിത സമ്മര്ദമുണ്ടാക്കും. ഇരിപ്പ് തെറ്റായ രീതിയിലാണങ്കില് ഡിസ്കിനും പ്രശ്നങ്ങള് സൃഷ്ടിച്ചേക്കാം. ഇത് പിന്നീട് വിട്ടുമാറാത്ത നടുവേദനക്ക് കാരണമാകാം .30-50 വയസുള്ളവരിലാണ് ഈ പ്രശ്നം കൂടുതലായി കാണുന്നത്.
പരിമിതമായ സ്ഥലസൗകര്യങ്ങള്ക്കുള്ളില് പരമാവധി ആളുകള്ക്ക് ഇരിക്കാന് സീറ്റ് ഒരുക്കുക എന്ന കാര്യം നടത്തപ്പെടുമ്പോള് കസേര, മേശ, കമ്പ്യൂട്ടര് കീബോര്ഡ് മുതലായ ഉപകരണങ്ങള് ജോലിക്കാരുടെ സ്വാസ്ഥ്യമനുസരിച്ചുള്ളതായിക്കൊള്ളണമെന്നില്ല.
ഓരോ ജോലിക്കും ശരീരത്തിന് അധികം ആയാസമോ ക്ഷീണമോ ഉണ്ടാക്കാത്ത രീതികളുണ്ട്. ഇതു ശീലിക്കുകയും ഓഫീസ് ഉപകരണങ്ങളെ ജോലി അനായാസമാക്കുന്ന രീതിയില് ക്രമീകരിക്കുകയും ചെയ്താല് വേദനകളും അസ്വസ്ഥതകളും കുറയ്ക്കാം.
ഇരിപ്പ് മൂലമുണ്ടാകുന്ന പ്രശ്നങ്ങള്
കൊഴുപ്പിനെ നിയന്ത്രിക്കുന്ന എന്സൈമുകളുടെ പ്രവര്ത്തനം 90 ശതമാനത്തിലധികം കുറയുന്നു.
ഒരു മിനിറ്റില് ഒരു ശതമാനം എന്ന കണക്കില് ശരീരത്തിന്റെ കലോറി നഷ്ടമാകുന്നു.
രണ്ടു മണിക്കൂറിലേറെ കസേരയില് തുടര്ച്ചയായി ഇരുന്നാല് ശരീരത്തിനാവശ്യമായ കൊളസ്ട്രോളിന്റെ അളവ് 20 ശതമാനത്തിലേറെ കുറയും.
മൂന്നു മണിക്കൂറിലേറെ ഇരുന്നു ടി.വി. കാണുന്നവര്ക്ക് ഹൃദയരോഗങ്ങള് വരാനുള്ള സാധ്യത ഏറെയാണ്.
ഏറെനേരം ഒരേയിരിപ്പിരിക്കുന്നത് ശരീരത്തിലെ കൊഴുപ്പിന്റെ അളവ് കൂട്ടി അമിതവണ്ണമുണ്ടാകാന് കാരണമാകുന്നു.
തുടര്ച്ചയായി കസേരയില് ഇരിക്കുന്നതുമൂലം പ്രമേഹത്തെ തടയുന്ന ഇന്സുലിന്റെ പ്രവര്ത്തനം കുറയുന്നു.
കാലുകളിലെ മസിലിന്റെ പ്രവര്ത്തനം കുറയുന്നു.
ശരീരത്തിലെ ഊര്ജത്തിന്റെ അളവ് കുറച്ച് ജോലി ചെയ്യാനുള്ള പ്രവണതയെ ഉരുകിത്തീര്ക്കുന്നു.
ഹൃദ്രോഗങ്ങള്ക്കു സാധ്യത ഏറെ.
സന്ധിവേദന, ശരീരവേദന എന്നിവ ഉണ്ടാകുന്നു.
ശരീരത്തില് കൊഴുപ്പ് കൂടി പ്രമേഹം പോലുള്ള രോഗങ്ങള് കൂടുന്നു.
ശരീരത്തിന്റെ പിന്ഭാഗത്തിനു താങ്ങുനല്കുന്ന തരം കസേരകളാണ് നടുവേദനയുണ്ടാക്കാത്ത ഇരിപ്പിനു നല്ലത്. കാലു തറയില് പതിച്ചുവയ്ക്കാവുന്നത്ര ഉയരമേ കസേരയുടെ സീറ്റിനു തറയില് നിന്ന് ഉണ്ടാകാവൂ. കാല് തറയില് തൊടുന്നില്ലെങ്കില് ഫൂട്ട്റെസ്റ്റിന്മേല് കാല് വയ്ക്കാം.
കസേരയില് ഇരിക്കുമ്പോള് നടുവിനോടു ചേര്ത്തു കുഷ്യനോ ഉറപ്പുള്ള തലയണയോ വയ്ക്കുന്നതു നട്ടെല്ലു നിവര്ന്നിരിക്കാന് സഹായിക്കും.
ഇരിക്കുന്ന ആളുടെ സ്ഥാന ചലനത്തിനനുസൃതമായി സ്വതന്ത്രമായി ചലിപ്പിക്കാവുന്ന കസേരകളാണ് നല്ലത്.
നട്ടെല്ലു നിവര്ത്തി നേരേ മുന്നിലേക്കു നോക്കി ശരീരത്തിന്റെ പിന്ഭാഗം കസേരയില് ചേര്ത്ത് അമര്ത്തി വേണം ഇരിക്കാന്.
ഓരോ മണിക്കൂറിലും അല്പസമയം എഴുന്നേറ്റു നില്ക്കുകയോ നടക്കുകയോ ചെയ്യുക. കൈകള് എളിയുടെ ഇരുവശത്തും പിടിച്ചു പിന്നോട്ടു വളയുന്നതു നടുവിന്റെ പേശികള്ക്ക് അയവു നല്കും.
കമ്പ്യൂട്ടര് മോണിട്ടറിന്റെ സ്ഥാനം കണ്ണിന്റെ അതേ ലെവലില് ആയിരിക്കണം. അങ്ങനെയെങ്കില് കസേരയുടെ ഉയരം മോണിട്ടറിനനുസരിച്ചു ക്രമീകരിക്കണം.
കമ്പ്യൂട്ടര് മോണിട്ടറും ഇരിക്കുന്ന ആളും തമ്മില് ഒരു കൈ അകലത്തില് കുറയാത്ത ദൂരം വേണം. ഒരേ ഇരിപ്പിരുന്നുള്ള ജോലി അമിതവണ്ണം ഉണ്ടാക്കും. അത് ശരീരത്തെ ദോഷകരമായി ബാധിക്കും
https://www.facebook.com/Malayalivartha