ഓസ്റ്റിയോപൊറോസിസ് ചികിത്സിച്ചാല് ഭേദമാകുമോ?
അസ്ഥികളുടെ സാന്ദ്രത നഷ്ടപ്പെട്ട് ബലക്ഷയം സംഭവിക്കുന്ന അവസ്ഥയാണ് ഓസ്റ്റിയോപൊറോസിസ് എന്ന് പറയുന്നത്. പുരുഷന്മാര്ക്കും സ്ത്രീകള്ക്കും സംഭവിക്കുന്നതും ആര്ത്തവ വിരാമം സംഭവിച്ച സ്ത്രീകള്ക്ക് സംഭവിക്കുന്നതും ഇങ്ങനെ രണ്ട് തരത്തില് ഓസ്റ്റിയോപൊറോസിസ് ഉണ്ട്. എങ്കിലും ഈ രോഗം കൂടുതലായി ബാധിക്കുന്നത് സ്ത്രീകള്ക്കാണ്. ഈ അസുഖം ബാധിച്ചാല് വര്ഷങ്ങളോളം ഇതിന്റെ ലക്ഷണങ്ങള് അറിയാന് കഴിഞ്ഞെന്നുവരില്ല. ഓസ്റ്റിയോപൊറോസിസ് ബാധിച്ചാല് ചെറിയ പരിക്കുകള് കൊണ്ടു പോലും അസ്ഥികള് പെട്ടെന്ന് പൊട്ടും.
നട്ടെല്ല്, അരക്കെട്ട്, മണിബന്ധം എന്നിവിടങ്ങളിലെ അസ്ഥികളാണ് സാധാരണ ഈ രീതിയില് പൊട്ടുന്നത്. നട്ടില്ലിലുണ്ടാകുന്ന പൊട്ടലാണ് ഇതില് ഏറ്റവും കഠിനം. വ്യായാമം ചെയ്യുന്നത് അസ്ഥികളെ ശക്തിപ്പെടുത്തുന്നതിനും അസ്ഥികളുടെ സാന്ദ്രത നിലനിര്ത്തുന്നതിനും ഓസ്റ്റിയോപൊറോസിസ് ഉണ്ടാകുന്നത് തടയാനും സഹായിക്കും. കാത്സിടോണിന് കുത്തിവയ്ക്കുന്നതും ഈസ്ട്രൊജെന് ചികിത്സാ രീതിയും റലോസിഫിന് മരുന്ന് കഴിക്കുന്നതും ഇതിന് വളരെ ഫലപ്രദമാണ്. ചികിത്സയുടെ ഭാഗമായി ഒരു ദിവസം 1200 മുതല് 1500 മില്ലിഗ്രാം വരെ കാത്സ്യം കഴിക്കേണ്ടത് ആവശ്യമാണ്.
https://www.facebook.com/Malayalivartha