നിങ്ങൾ കുഞ്ഞുങ്ങൾക്ക് വെപോറബ് പുരുട്ടാറുണ്ടോ?എങ്കിൽ സൂക്ഷിക്കുക ..
കുഞ്ഞിന്റെ ആരോഗ്യ കാര്യത്തില് ഏതൊരു അച്ഛനും അമ്മക്കും ആധിയുണ്ടാകും . അമ്മമാര് ഏറ്റവും കൂടുതല് പ്രതിസന്ധിയില് ആവുന്നത് കുട്ടികള്ക്ക് രോഗങ്ങള് വരുമ്പോഴാണ്. അതുകൊണ്ട് തന്നെ പല വിധത്തില് കുഞ്ഞിന് രോഗപ്രതിരോധ ശേഷി വര്ദ്ധിപ്പിക്കാന് പാകത്തിലുള്ള മുന്കരുതലുകള് നമ്മള് എടുക്കണം. കുഞ്ഞിനെ ജലദോഷം പോലുള്ള രോഗങ്ങള് പെട്ടെന്നാണ് പിടികൂടുന്നത്. ജലദോഷം, പനി, ചുമ എന്നീ രോഗങ്ങള് കുട്ടികളെ പല തരത്തിലും ബാധിക്കാം.
വെപോറബ് ജലദോഷവും ചുമയും പിടിപെടുന്ന അവസരങ്ങളിൽ, നമ്മൾ കൂടുതലും വെപോറബിന്റെ സഹായമാണ് തേടുന്നത്. അത് നമ്മുടെ കുഞ്ഞുങ്ങൾക്ക് അല്പനേരത്തെ ആശ്വസം തേടുന്നെങ്കിലും അതിനെ ശരിയായി ഉപയോഗിച്ചില്ലെങ്കില് ഇത് കുഞ്ഞുങ്ങള്ക്ക് എത്ര ഹാനികരമായിരിക്കുമെന്ന് നിങ്ങൾ ചിന്തിച്ചിട്ടുണ്ടോ ?
നമ്മളിൽ പലരും ഇത്തരം മരുന്നുകളെക്കുറിച്ച് മനസ്സിലാക്കാന് ശ്രമിക്കാതെ ഉപയോഗിച്ചുതുടങ്ങുകയാണ് പതിവ്. രണ്ട് വയസ്സില് താഴെയുള്ള കുഞ്ഞുങ്ങളുടെ ശരീരത്തില് വെപോറബ് പുരട്ടുമ്പോൾ വളരെയധികം ശ്രദ്ധിക്കണം. ഇത് ചര്മ്മത്തിനു പുറമേ പുരട്ടാനുള്ളതാണ്. വെപോറബ് പുരട്ടുമ്പോൾ, ചെറിയതോതിലുള്ള തണുപ്പ് അല്ലെങ്കില് ഇളം ചൂട് അനുഭപ്പെടും. ഇത് ചൊറിച്ചില് അല്ലെങ്കില് മറ്റ് അസ്വസ്ഥതകള് ഉള്ള ചര്മ്മത്തിലും മുറിവുകളോ മറ്റ് തകരാറുകളോ ഉള്ള ചര്മ്മത്തിലും പുരട്ടരുത്. കണ്ണുകള്ക്കും ചുറ്റുമുള്ള ഭാഗങ്ങളിലും നാസാദ്വാരങ്ങള്ക്കുള്ളിലും വെപോറബ് പുരട്ടുന്നത് ശുപാര്ശചെയ്യപ്പെടുന്നില്ല. ആദ്യമായി വെപോറബ് പുരട്ടുന്ന അവസരത്തില്, അസ്വസ്ഥതകളൊന്നും ഉണ്ടാക്കുന്നില്ല എന്ന് ഉറപ്പുവരുത്തേണ്ടതാണ് . വെപോറബ് ചൂടാക്കാന് ശ്രമിക്കരുത്, എണ്ണ അടങ്ങിയിരിക്കുന്നതിനാല് പൊള്ളലേല്ക്കാന് സാധ്യതയുണ്ട്.
നിങ്ങൾ കുഞ്ഞുങ്ങൾക്ക് വെപോറബ് പോലുള്ള മരുന്നുകൾ ഉപയോഗിക്കുന്നതിനു പകരം പണ്ടുകാലത്തെ മുത്തശ്ശിമാർ ഉപയോഗിച്ചിരുന്ന നാട്ടുവൈദ്യങ്ങൾ ഉപയോഗിച്ചു നോക്കൂ...നവരയില പോലുള്ള ഔഷധഗുണമുള്ള സസ്യങ്ങൾ ഉപയോഗിക്കു.അത് കുഞ്ഞുങ്ങൾക്ക് രോഗത്തിന് വളരെ അധികം ഫലപ്രദമാണ്. കുഞ്ഞുങ്ങൾക്ക് ചെറുതായി ജലദോഷം വരുമ്പോൾ കഫകെട്ട് പോലുള്ള അസുഖങ്ങൾക്ക് നവരയില പിഴിഞ്ഞ് കുഞ്ഞിന് നൽകുക അല്ലെങ്കിൽ അതെ മണപ്പിക്കാൻ കൊടുക്കുക കുഞ്ഞുങ്ങൾക്ക്. അല്ലെങ്കിൽ നവരയില വെറുതെ പൊടിച്ച ഭസ്മത്തിൽ ചേർത്തു കുളിപ്പിച്ചതിനു ശേഷം ഉച്ചിയിൽ തിരുമിക്കൊടുക്കുക. പച്ച കർപ്പൂരവും വെളിച്ചണ്ണയിലും ചേർത്തു കുഞ്ഞിന്റെ നെഞ്ചിലും, ചെവിയുടെ പിൻഭാഗത്തും ഒക്കെ ഇട്ടുനോക്കു അത് കുഞ്ഞിങ്ങൾക്ക് ഒരുതരത്തിലുമുള്ള ആരോഗ്യപ്രശ്നങ്ങളും ഉണ്ടാകുന്ന ഒന്നല്ല .
https://www.facebook.com/Malayalivartha