എലി ശല്യത്തിന് വീട്ടില് തന്നെ പരിഹാരം കാണാം....
എലി ശല്യം വീട്ടിൽ വളരെ അധികം പ്രശ്നങ്ങൾക്ക് കാരണം ആകുന്നു. എന്നാൽ പലതരത്തിലുമുള്ള രോഗങ്ങള്ക്ക് എലികള് കാരണക്കാരാകുന്നുണ്ട്. ഇനിമുതൽ എലി ശല്യത്തിന് വീട്ടില് തന്നെ പരിഹാരം ഉറപ്പായും കാണാം.
എലികള്ക്ക് മൂങ്ങയുടെ തൂവല്പേടിയാണ്. ഇവ കുറച്ച് സംഘടിപ്പിച്ച് എലികള് വരുന്ന പൊത്തുകളില് വയ്ക്കുക. പ്ലാസ്റ്റിക് പാമ്പുകളെ മുറ്റത്തും മറ്റുമിട്ടും എലികളെ പേടിപ്പിക്കാവുന്നതാണ്.
കര്പ്പൂര തുളസിത്തൈലത്തിന്റെ ഗന്ധത്തിനും എളികളെ അകറ്റിനിര്ത്താനുള്ള കഴിവുണ്ട്.പഞ്ഞി ചെറിയ കഷണങ്ങളാക്കി കര്പ്പൂര തുളസിത്തൈലത്തില് മുക്കി എലിശല്യമുള്ള സ്ഥലങ്ങളില് വയ്ക്കുക.
കുരുമുളകിന്റെ ഗന്ധം സഹിക്കാന് എലികള്ക്ക് കഴിയില്ല. അതിനാല് ഇവയ്ക്കെതിരെ കുരുമുളക് ഫലപ്രദമായി ഉപയോഗിക്കാന് കഴിയും. കുരുമുളക് പൊടി മൂലകളിലും എലികള് ഒളിഞ്ഞിരിക്കുന്ന പൊത്തുകളിലും വിതറുക. ഇടയ്ക്കിടെ ഇത് ചെയ്യുക.
എലികളെ ഓടിക്കാനുള്ള നല്ലൊരു വഴിയാണ് സവാള. ഇവയുടെ മണംഎലികള്ക്ക് സഹിക്കാനാകില്ല. ഒരു സവാള മുറിച്ച് എലിയുടെ മാളത്തിലോ സമീപത്തിലോ വയ്ക്കുക.
പാറ്റഗുളികയും അതിന്റെ രൂക്ഷഗന്ധവും എലികളെ ഓടിക്കുവാനുള്ള ഏറ്റവും നല്ല വഴികളില് ഒന്നാണ്. ചെറിയ പ്ലാസ്റ്റിക്ഡബ്ബകളില് കുറച്ച് തുളകള് ഇട്ടതിന് ശേഷം (പാറ്റഗുളികയുടെ ഗന്ധം പുറത്ത് വരാന് പാകത്തിനുള്ളതായിരിക്കണം തുളകള് ) അവയില് ഓരോന്നിലും 2-3 പാറ്റഗുളികകള് വീതം ഇട്ട് എലികള് വരാന് സാധ്യതയുള്ള ഇടങ്ങളില്വയ്ക്കുക.
എലികളെ അകറ്റിനിര്ത്താന് മോത്ത് ബോള്സിന് കഴിയും. വിപണിയില് ലഭിക്കുന്ന ഇവ ഉപയോഗിക്കാനും എളുപ്പമാണ്. എലി ഒളിഞ്ഞിരിക്കാന് സാധ്യതയുള്ള മച്ച് പോലുള്ള സ്ഥലങ്ങളില് മോത്ത് ബോള് വയ്ക്കുക.
മുറികളിലും മറ്റും ഇത് വയ്ക്കരുത്. ഇവയുടെ ഗന്ധം മനുഷ്യര്ക്ക് ദോഷകരമാണ്. ഇവ കൈകാര്യം ചെയ്യുമ്പോഴും ജാഗ്രത പുലര്ത്തുക. നഗ്നമായ കരങ്ങള് കൊണ്ട്മോത്ത് ബോള് തൊടരുത്.
https://www.facebook.com/Malayalivartha