ഗര്ഭിണികള് ശ്രദ്ധിക്കുക!; പാരസെറ്റമോള് കഴിക്കുന്നത് കുഞ്ഞിന് ആപത്ത്
ചെറിയൊരു തുമ്മല് വന്നാല് ഉടന് പാരസെറ്റമോള് കഴിക്കുന്ന ശീലമുള്ളവരാണ് കൂടുതല് പേരും. എന്നാല് എന്തിനും ഏതിനും പാരസെറ്റമോള് കഴിക്കുന്ന ശീലം അത്ര നല്ലതല്ല, പ്രത്യേകിച്ചും അമ്മയാകാൻ തയാറെടുക്കുന്നവർ ഡോക്ടറുടെ നിർദ്ദേശ പ്രകാരം മാത്രമേ ഇത്തരം ഗുളികകൾ കഴിക്കാവൂ . അമ്മയാകാന് തയ്യാറെടുക്കുന്നവര് ഈ ഗുളിക കഴിച്ചാല് ജനിക്കാന് പോകുന്ന കുഞ്ഞിന് അറ്റൻഷൻ ഡെഫിസിറ്റ് ഹൈപ്പർ ആക്റ്റിവിറ്റി ഡിസോർഡർ എന്ന എഡിഎച്ച്ഡി വരാനുള്ള സാധ്യത 30 ശതമാനമാണ്.ഓട്ടിസം ബാധിക്കാനുള്ള സാധ്യതയും 30 ശതമാനം കൂടുതലാണെന്നും പഠനം തെളിയിക്കുന്നു.
ജറുസലേമിലെ ഹീബ്രു യൂണിവേഴ്സി നടത്തിയ പഠനത്തിലാണ് ഇക്കാര്യം വ്യക്തമായത്. 132,738 അമ്മമാരിലും കുഞ്ഞുങ്ങളിലും നടത്തിയ പഠനത്തിനൊടുവിലാണ് പാരസെറ്റമോള് വില്ലനാകുമെന്നു കണ്ടെത്തിയത്.
മൂന്നു വയസിനും 11 വയസിനും ഇടയില് പ്രായമുള്ള കുട്ടികളെയാണ് പരിശോധനയ്ക്കു വിധേയമാക്കിയത്.
ഗര്ഭധാരണകാലത്തു ശരീര വേദനയ്ക്കും പനിയ്ക്കും സാധ്യത കൂടുതലാണ്. ഇത്തരം സാഹചര്യങ്ങളില് ഡോക്ടറുടെ നിര്ദേശപ്രകാരം മാത്രമേ ഈ ഗുളിക കഴിക്കാവൂ എന്നും പറയുന്നു. അമേരിക്കന് ജേണല് ഓഫ് എപിഡമിയോളജി എന്ന എന്ന വെബ്സൈറ്റാണ് വാര്ത്ത പുറത്തുവിട്ടത്.
ഗര്ഭകാലത്ത് പാരസെറ്റമോള് കഴിച്ചാല് ജനിക്കുന്ന പെണ്കുട്ടികള്ക്ക് വന്ധ്യതയ്ക്കുള്ള സാധ്യതയുണ്ടെന്നാണ് മറ്റൊരു റിപ്പോര്ട്ടില് പറയുന്നത്. പെണ്കുട്ടിയുടെ അണ്ഡാശയത്തിന്റെ വളര്ച്ചയെ പാരസെറ്റമോള് ബാധിക്കാമെന്നും ഇവരുടെ സന്താനോല്പാദനത്തെ ഇത് ബാധിക്കുമെന്നും റിപ്പോര്ട്ടില് ചൂണ്ടിക്കാട്ടുന്നു. ഡെന്മാര്ക്കിലെ കോപ്പന്ഹേഗന് യൂണിവേഴ്സിറ്റി ഹോസ്പിറ്റലിലെ ഡോക്ടര്മാര് നടത്തിയ പഠനത്തിലാണ് ഇക്കാര്യങ്ങള് കണ്ടെത്തിയത്.
https://www.facebook.com/Malayalivartha