ഈ ലക്ഷണങ്ങൾ നിങ്ങൾക്ക് ഉണ്ടോ; എങ്കിൽ ഭയക്കണം, രോഗകാരി നമ്മുടെ ഉള്ളിൽ തന്നെയുണ്ട്
ദിനംപ്രതി രോഗങ്ങളും രോഗകാരികളും കുമിഞ്ഞു കൂടുന്ന ഈ കാലഘട്ടത്തിൽ പുതിയൊരു രോഗം എന്നത് വലിയ അതിശയമുള്ള കാര്യമൊന്നുമല്ല. എങ്കിലും ഈ രോഗത്തെകുറിച്ച നിങ്ങൾ അറിയണം. ലൂപസ് രോഗം എന്ന് കേട്ടിട്ടുണ്ടോ? മനുഷ്യശരീരത്തിലെ പ്രതിരോധ സംവിധാനത്തെ തകർക്കുന്ന ഒരപൂർവ രോഗാവസ്ഥയാണിത്. അപൂർവ രോഗം എന്ന് പറയാൻ കാരണം ഇതിലെ രോഗകാരി നമ്മുടെ ഉള്ളിൽ തന്നെ ഉള്ളതാണ്. അതായത്, ശരീരത്തിലെത്തുന്ന അന്യവസ്തുക്കളോടും രോഗാണുക്കളോടുമുള്ള പ്രതിരോധത്തിന്റെ ഭാഗമായി ശരീരംതന്നെ പുറപ്പെടുവിക്കുന്ന ആന്റിബോഡികളാണ് രോഗകാരണമാകുന്നത്.
ഇത്തരം ആന്റിബോഡികളുടെ പ്രവർത്തനം നിയന്ത്രിക്കാൻ കഴിയാതാകുന്നതോടെ ഇത് ശരീരത്തിലെ അവയവങ്ങളെ ബാധിച്ചു തുടങ്ങും. എന്നുമാത്രമല്ല കോശങ്ങളെയും ഇത് വെറുതെ വിടില്ല. സിസ്റ്റമിക് ലൂപസ് എറിത്തമറ്റോസസ് എന്നാണിതിന്റെ പൂർണ നാമം.
ലൂപസ് രോഗം പാരമ്പര്യമായി ലഭിക്കുന്നതോ, മറ്റൊരാളിലേക്ക് പകരുന്നതോ അല്ല എന്നതും ഇതിന്റെ സവിശേഷതയാണ്. സാധാരണയായി 15 നും 40 നും ഇടയിൽ പ്രായമുള്ള സ്ത്രീകളിലാണ് ഈ രോഗാവസ്ഥ കൂടുതലായി കാണപ്പെടുന്നത്. പുരുഷന്മാരിലും കുറവല്ല എന്നത് കൂടി അറിയുക. സന്ധികളിൽ കഠിന വേദന, വീക്കം, ചർമത്തിലുണ്ടാകുന്ന പാടുകൾ, ക്ഷീണം, ഇടവിട്ടുള്ള പനി, നെഞ്ചുവേദന എന്നിവയാണ് ലൂപസ് രോഗത്തിന്റെ ലക്ഷണങ്ങൾ.
വൃക്ക, ഹൃദയം, ശ്വാസകോശം, തലച്ചോറ് എന്നിവയെയെല്ലാം ഈ രോഗം ബാധിക്കും. രോഗം അതിന്റെ കാഠിന്യത്തിൽ എത്തുമ്പോഴേക്കും വൃക്കയെ ബാധിച്ചു ന്യൂമോണിയ പോലുള്ള രോഗങ്ങൾക്ക് കാരണമാകും. ഇനി ഹൃദയത്തെ ബാധിച്ചാലോ ഹൃദയാഘാതം വരെ സംഭവിക്കാം. വിട്ടുമാറാത്ത പനി, ശ്വാസംമുട്ടല്, ശരീരത്തിലും മുഖത്തും ചുവന്ന പാടുകള്, മുടി കൊഴിച്ചില്, സന്ധികളില് വേദന, അമിതമായ ക്ഷീണം എന്നിവയെല്ലാം എസ്എല്ഇയുടെ ലക്ഷണങ്ങളാണ്. ആരംഭത്തിൽ തന്നെ കണ്ടെത്തി ചികിൽസിച്ചാൽ ഈ രോഗം ഭേദമാക്കാം.
ആന്റി ന്യൂക്ലിയര് ആന്റി ബോഡി പരിശോധനയാണ് എസ്എല്ഇ തിരിച്ചറിയാനുള്ള മാര്ഗം. കാലപ്പഴക്കമുള്ള എസ്എല്ഇ ബാധിതര്ക്കു പത്തുവര്ഷത്തിലേറെ ജീവന് നിലനിര്ത്താനാകില്ല. കൃത്യസമയത്ത് രോഗം തിരിച്ചറിയുക മാത്രമാണ് ഫലപ്രദമായ ചികിത്സയ്ക്കുള്ള മാര്ഗം. മാനസിക സംഘര്ഷവും അനാരോഗ്യകരമായ ജീവിത ശൈലികളുമാണ് എസ്എല്ഇയുടെ പ്രധാന കാരണം. ലക്ഷണങ്ങൾ കണ്ടാൽ ഉടനെ തന്നെ ഡോക്ടറിനെ സമീപിച്ചു പരിശോധനക്ക് വിധേയമാവുക. മറക്കണ്ട വൈകിയാൽ ആപത്ത്.
https://www.facebook.com/Malayalivartha