കടി മസാജാണ് വേണ്ടതെങ്കില് തിരിച്ചോളു അമേരിക്കയിലേക്ക്
മസാജുകള് പലതരത്തിലുണ്ടെന്ന് എല്ലാവര്ക്കും അറിയാം. എന്നാല് കടി മസാജ് എന്ന സംഭവം അധികം ആരും കേട്ടുകാണത്തില്ല. എന്നാല് കടി മസാജ് എന്നൊന്ന് ഉണ്ടെന്നും അത് ഇഷ്ടപ്പെടുന്നവര് ഇപ്പോള് ധാരാളമുണ്ടെന്നുമാണ് പറയുന്നത്. അമേരിക്കയിലെ ഡോ. ഡെറോത്തി സ്റ്റെയിന് ആണ് കടി മസാജ് തെറാപ്പിയുടെ സ്പെഷ്യലിസ്റ്റ്. സെലിബ്രിറ്റികളായ നിരവധി പേരാണ് കടി ഡോക്ടറുടെ ഇടപാടുകാര്.
മസാജിംഗ് കഴിഞ്ഞാല് സുഖവും ഉന്മേഷവും ലഭിക്കുന്നുണ്ടെന്ന് ഇവരെല്ലാം സമ്മതിക്കും. ഡോട്ട് എന്നുകൂടി അറിയപ്പെടുന്ന ഡെറോത്തി 90കളിലാണ് ആദ്യമായി കടിമസാജ് ചെയ്തു തുടങ്ങിയത്. തോളുകള്, പുറംകൈകള് എന്നിവിടങ്ങളിലാണ് കടി ഏല്പിക്കുന്നത്. ഒരു മസാജിന് വെറും 150 ഡോളര് മാത്രമാണ് നിരക്ക്. സ്ഥിരം ഇടപാടുകാരാണെങ്കില് നിരക്കില് ചെറിയ ഇളവുണ്ടാവും.
ഡെറോത്തിക്ക് ഡോട്ട് എന്ന പേരു നല്കിയത് പ്രമുഖ സംഗീതജ്ഞനായ ഫ്രാങ്ക്സാപ്പയാണ്. ഇതിനുശേഷമാണ് ഇടപാടുകാരുടെ എണ്ണം കൂടിയത്. ഇപ്പോള് കടി മസാജിംഗ് പഠിക്കാനും നിരവധി പേര് എത്തുന്നുണ്ട്.
താന് പരിശീലനം കൊടുത്ത ആയിരം പേരെ ഡോട്ട് ജോലിക്കെടുത്തിട്ടുണ്ട്. ഡോട്ട് ബോട്സ് എന്നാണ് ഇവര് അറിയപ്പെടുന്നത്.
https://www.facebook.com/Malayalivartha