കുട്ടിക്കളിയല്ല മരുന്ന് അളവ്; അധികമായാല് മരുന്നും വിഷം
അളവുകള് കൃത്യം
അടുക്കളയില് ഉപയോഗിക്കുന്ന സ്പൂണില് മരുന്ന് കൊടുക്കുമ്പോള് പലപ്പോഴും ഡോക്ടര് ഉദ്ദേശിക്കുന്നതിലും കൂടുതല് മരുന്ന് കുഞ്ഞിന്റെ ഉള്ളില് എത്തുന്നുണ്ട്. മരുന്ന് കൊടുക്കാനുള്ള സ്റ്റാന്ഡേര്ഡ് സ്പൂണിന്റെ അളവില് നിന്ന് മൂന്ന് ശതമാനം വ്യത്യാസം മറ്റ് സ്പൂണില് മരുന്ന് കൊടുക്കുമ്പോള് ഉണ്ടാകും. കഴിവതും മരുന്നിനോടൊപ്പം തന്നെ അളക്കാനുള്ള ഉപകരണവും വാങ്ങുക.
മറക്കാതെ ഓര്മ്മിപ്പിക്കുക
ഒരു തവണ തരുന്ന സപ്പ്ളിമെന്റിന്റെ കുറിപ്പ് അടുത്ത തവണ ഡോക്ടറിനെ കാണാന് പോകുമ്പോള് ഒപ്പം കൂടെ കൊണ്ടുപോകുക. കുട്ടിക്ക് അലര്ജിയുള്ള മരുന്നുകള് ഏതൊക്കെയാണെന്നും ഡോക്ടറോട് കൃത്യമായ് പറയാന് മറക്കരുത്
നിര്ദ്ദേശങ്ങള് വളച്ചൊടിക്കാതെ
ദിവസവും മൂന്ന് നേരം കഴിക്കേണ്ട പനിയുടെ മരുന്ന് പനി മാറിയെന്നു തോന്നുമ്പോള് നിര്ത്തുന്ന രീതി തെറ്റാണ്. ഡോക്ടര് പറയുന്ന ഡോസില് ആന്റിബയോട്ടിക് നിര്ത്തുമ്പോള് ബാക്റ്റീരിയ കൂടാന് കാരണമാകുന്നു.
സ്വയം ഡോക്ടറാകരുത്
പണിയും ചുമയും വരുമ്പോള് ഡോക്ടറിന്റെ നിര്ദ്ദേശമില്ലാതെ മരുന്ന് വാങ്ങി കൊടുക്കുന്നതിലും അപകടമുണ്ട്. ചുമ മാറാന് കൊടുക്കുന്ന കഫ് സിറാഫുകളില് പാരസെറ്റാമോളിന്റെ അംശമുണ്ട്. പനിക്കുള്ള മരുന്നിനു പുറമെ ഇത്തരം കഫ്സിറപ്പുകള് നല്കുമ്പോള് ഉള്ളില് ചെല്ലുന്ന മരുന്നിന്റ അളവില് മാറ്റം വരും. ഇത് കൂടുതല് അപകടം വരുത്തിവയ്ക്കും.
മിഠായിയല്ല മരുന്ന്
യാത്രക്ക് പോകുംമുമ്പ് കുട്ടിയെ ഉറക്കാന് കഫ്സിറപ്പുകള് കൊടുക്കുന്നവരുണ്ട്. ഉറക്കാനായി നല്കുന്ന മരുന്ന് കുട്ടിയെ ഹൈപ്പര് ആക്റ്റീവാക്കി മാറ്റുന്ന അവസ്ഥവരെയുണ്ട്.
വയസിനൊത്തുമാത്രമല്ല മരുന്ന്
പലപ്പോഴും മാതാപിതാക്കള് കുട്ടികള്ക്ക് മരുന്ന് കൊടുക്കുന്നതില് വരുത്തുന്ന തെറ്റാണു വയസുനോക്കി മരുന്ന് കൊടുക്കുന്നത്. മരുന്നിന്റ കാര്യത്തില് പ്രായത്തേക്കാള് പ്രാധാന്യമര്ഹിക്കുന്നതാണ് ശരീര ഭാരം. ശരീര ഭാരം എന്നിവയ്ക്കനുസരിച്ച് അളവിലും മറ്റും വ്യത്യാസം വരും. ഇക്കാര്യങ്ങള് പരിഗണിക്കാതെ മരുന്ന് കൊടുക്കുന്നത് ശരിയല്ല.
നിസ്സാരക്കാരനല്ല ലേബല്
ഡോക്ടറുടെ കയ്യെഴുത്ത് വായിക്കാന് ബുദ്ധിമുട്ടാണെന്ന് കരുതി വഴങ്ങുന്ന പേരുപറഞ്ഞു മരുന്ന് വാങ്ങാന് ഒരിക്കലും ശ്രമിക്കരുത്.
രീതികള് പലതരം
കുട്ടിയെ കരയിപ്പിച്ചു മരുന്ന് കൊടുക്കാതിരിക്കാന് ശ്രദ്ധിക്കുക. കൊച്ചു കുട്ടികള്ക്ക് മരുന്ന് കൊടുക്കുമ്പോള് തല പൊക്കിവച്ചു കൊടുക്കാന് ശ്രദ്ധിക്കുക. കുഞ്ഞിനെ മെല്ലെ എഴുന്നേല്പ്പിച്ചു സമയത്തിന് തന്നെ മരുന്ന് കൊടുക്കണം.
മരുന്ന് കുപ്പിയിൽ മരുന്ന് മാത്രം
മരുന്നിന്റെ കുപ്പിയിൽ മറ്റൊന്നും ഒഴിച്ചുവയ്ക്കരുത് . അതുമാത്രം പോരാ അവ സുരക്ഷിതമായി പൂട്ടി താക്കോല് മാറ്റി വയ്ക്കുക .
https://www.facebook.com/Malayalivartha