രാത്രിഭക്ഷണം ഒഴിവാക്കു പൊണ്ണത്തടിക്ക് ഗുഡ്ബൈ പറയൂ
ഇപ്പോഴത്തെ ജീവിത ശൈലി രോഗങ്ങളുടെ പ്രധാന കാരണം സമയം തെറ്റിയുന്ന ഭക്ഷണശീലമെന്ന് വിദഗ്ദ്ധമതം. രാത്രി ജോലിയും രാത്രി ഭക്ഷണവും ഇന്നത്തെ പുതുതലമുറയുടെ ആരോഗ്യം തന്നെ നശിപ്പിക്കുകയാണ്. രോഗങ്ങള് ചെറുപ്പമാകുന്നതുകൊണ്ട് അതീവശ്രദ്ധ ഇക്കാര്യത്തില് വേണ്ടിയിരിക്കുന്നു. അതുപോലെ 8 മണിക്കൂര് ഉറക്കവും പ്രധാനമാണ്. ഫോണ് മാറ്റിവെക്കൂ നന്നായി ഉറങ്ങൂ.
വൈകിട്ട് അഞ്ചു മണിക്ക് ശേഷം ഭക്ഷണം കഴിക്കുന്നത് ഒഴിവാക്കിയാല് പൊണ്ണത്തടി പമ്പ കടക്കുമെന്നാണ് അമേരിക്കയിലെ വിസ്കോണ്സില് യൂണിവേഴ്സിറ്റി ഗവേഷകരുടെ കണ്ടെത്തല്., രാത്രിഭക്ഷണം കഴിക്കുന്നത് ഒഴിവാക്കിയാല് ജീവിത ശൈലീ രോഗങ്ങള് ഒഴിവാക്കുന്നതിനൊപ്പം ആയുസ്സും വര്ദ്ധിപ്പിക്കാനാവുമെന്ന് പഠനത്തിന് നേതൃത്വം നല്കിയ പ്രൊഫ. റോസാലിയന് ആന്ഡേഴ്സണ് പറഞ്ഞു.
ഈ രീതിയില് ഭക്ഷണം നല്കി കുരങ്ങുകളില് നടത്തിയ പരീക്ഷണത്തില് അവയുടെ ആയുസ്സ് പത്തു വര്ഷം വരെ കൂടുന്നതായി കണ്ടെത്തിയതായി പഠനസംഘം പറഞ്ഞു. കാന്സര് , പ്രമേഹം, മറവി തുടങ്ങിയവ പ്രതിരോധിക്കാനും ഈ ഭക്ഷണക്രമം സഹായിക്കും
രാത്രിയില് ശരീരത്തിനു വിശ്രമിക്കാന് കൂടുതല് സമയം ലഭിക്കുന്നതും ഭക്ഷണത്തിലൂടെ ശരീരത്തിലെത്തുന്ന വിഷാംശങ്ങള് നീക്കം ചെയ്യാന് കൂടുതല് സമയം ലഭിക്കുന്നതുമാണ് ഇതിനു സഹായകമാകുന്നതെന്നാണ് ഗവേഷണസംഘത്തിന്റെ നിഗമനം. രാത്രിഭക്ഷണം ഒഴിവാക്കാം പൊണ്ണത്തടി പമ്പ കടത്താം
ഇഷ്ടഭക്ഷണങ്ങള് ഒഴിവാക്കിയും അതിരാവിലെ എഴുന്നേറ്റ് മണിക്കൂറുകള് നടന്നും വ്യായാമം ചെയ്തിട്ടും അമിത ശരീരഭാരവും തടിയും കുറയുന്നില്ലെന്ന പരാതിക്കാര്ക്കൊരു സന്തോഷ വാര്ത്ത. വൈകിട്ട് അഞ്ചു മണിക്ക് ശേഷം ഭക്ഷണം കഴിക്കുന്നത് ഒഴിവാക്കിയാല് പൊണ്ണത്തടി പമ്പ കടക്കുമെന്നാണ് അമേരിക്കയിലെ വിസ്കോണ്സില് യൂണിവേഴ്സിറ്റി ഗവേഷകരുടെ കണ്ടെത്തല്.
രാത്രിഭക്ഷണം കഴിക്കുന്നത് ഒഴിവാക്കിയാല് ജീവിത ശൈലീ രോഗങ്ങള് ഒഴിവാക്കുന്നതിനൊപ്പം ആയുസ്സും വര്ദ്ധിപ്പിക്കാനാവുമെന്ന് പഠനത്തിന് നേതൃത്വം നല്കിയ പ്രൊഫ. റോസാലിയന് ആന്ഡേഴ്സണ് പറഞ്ഞു.
മാറുന്ന മലയാളിയും മാറാത്ത ജീവിതശൈലി ആരോഗ്യവും
കേരളീയര് പ്രത്യേകിച്ച് മലയാളികള് ആരോഗ്യത്തിന്റെ കാര്യത്തില് വളരെ പിന്നിലാണ്. കേരളത്തിലെ വരും തലമുറപോലും ആരോഗ്യം സംരക്ഷിക്കുന്നില്ല എന്ന അവസ്ഥയിലേക്ക് പോയ്കൊണ്ടിരിക്കുകയാണ്. ഫാസ്റ്റുഫുഡിന്റെ കടന്നുകയറ്റം മൂലം ഈ ന്യൂജനഷ്രേന് കുട്ടികള് അതിന് പിന്നാലെ പരക്കം പായുകയാണ്. അമിത വണ്ണമുള്ളവരുടെ കൂട്ടത്തില് കേരളീയരാണ് മുന്നില് നില്ക്കുന്നത്. അതില് ഏറിയ പങ്കും സ്ത്രീകളാണ്. വ്യായാമം ചെറുപ്പം മുതല് ചെയ്തു ശീലിക്കേണ്ടത് വളരെ അത്യാവശ്യമാണ്. മനുഷ്യ ജീവിതത്തില് ഒരു പരിധിവരെ അസുഖങ്ങള് ഉണ്ടാകുന്നത് ജീവിത ശൈലിയും വ്യായാമക്കുറവുമാണ്. മനുഷ്യന് അത്യന്താപേക്ഷിതമായുള്ളത് അവന്റെ ആരോഗ്യമാണ്. ഇത് പലപ്പോഴും അവര് മറക്കുന്നു.
കേരളീയ ജനതയ്ക്ക് ഒരു ബോധവത്ക്കരണ ക്ലാസ്സ് സംജാതമായിരിക്കുന്നു. സംസ്ഥാനതല, ജില്ലാതല, വാര്ഡുതല റസിഡന്റ്സ് അസോഷിയേഷന് തുടങ്ങിയ സംഘടനകള് ഇതില് മുന്നിട്ട് പ്രവര്ത്തിക്കാന് ബാധ്യസ്തമാണ്. സ്കൂള് തലങ്ങളില് പോലും പലപ്പോഴും പി.ടി. പീരിയഡില് ആവശ്യത്തിന് അധ്യാപകനുണ്ടാകാറില്ല. ഉണ്ടായാല് തന്നെ ഇതിലോട്ടു തിരിഞ്ഞു നോക്കാറുമില്ല. സ്വന്തം കാര്യം എന്ന മനോഭാവമാണ് ഇത്തരക്കാരിലൂടെ വ്യക്തമാകുന്നത്. സ്കൂള് കുട്ടികള് പലപ്പോഴും രാവിലെ ഒന്നും കഴിക്കാതെയാണ് സ്കൂളുകളില് പോകുന്നത്. അതുകൊണ്ട് ഗവണ്മെന്റ് സ്കൂളുകള്ക്ക് പ്രഭാതഭക്ഷണം നല്കുന്ന രീതി നടപ്പിലാക്കി. പല വിദേശ രാജ്യങ്ങളില്പോലും കുട്ടികളുടെ ആരോഗ്യത്തിനാണ് പ്രാധാന്യം കൊടുക്കുന്നത്. ഈ രീതിയില് നമ്മുടെ കേരളീയര് മാറേണ്ടത് അത്യാവശ്യമാണ്. ഭക്ഷണത്തിനൊപ്പം വ്യായാമം അതാണ് ആരോഗ്യം സംരക്ഷിക്കാനുള്ള ഏറ്റവും എളുപ്പമാര്ഗ്ഗം.
https://www.facebook.com/Malayalivartha