ചെറിയ ഒരു വേദന വന്നാല്‍ പോലും വേദനസംഹാരികള്‍ കഴിക്കുന്നവരാണ് മിക്കവരും. സ്വയം ചികിത്സ നമ്മുടെ ശീരത്തെ ഇല്ലാതാക്കും. വേദനസംഹാരികളുടെ അമിത ഉപയോഗം ഹൃദയത്തെ തകര്‍ക്കും.

ശ്വാസകോശസംബന്ധമായ അസുഖങ്ങള്‍ക്ക് വേദനസംഹാരികള്‍ സ്ഥിരമായി കഴിക്കുന്നവര്‍ക്ക് ഹൃദയാഘാതത്തിനുള്ള സാധ്യത മറ്റുള്ളവരെക്കാള്‍ 3.4 മടങ്ങ് അധികമാണ്.വേദനസംഹാരികള്‍ നേരിട്ട് രക്തത്തിലെത്തുകയാണെങ്കില്‍ സാധ്യത 7.2 മടങ്ങ് വര്‍ധിക്കും.

ഡോക്ടര്‍മാരുടെ ഉപദേശപ്രകാരമല്ലാതെ വേദനസംഹാരികള്‍ ജലദോഷത്തിനുപോലും ഉപയോഗിക്കരുതെന്നാണ് ഗവേഷക സംഘം മുന്നറിയിപ്പ് നല്‍കുന്നത്. ശ്വാസകോശ സംബന്ധമായ അസുഖങ്ങള്‍ക്ക് സ്ഥിരമായി വേദനസംഹാരികള്‍ ഉപയോഗിക്കുന്ന 10,000 രോഗികളെ പഠനവിധേയമാക്കിയതിന്റെ അടിസ്ഥാനത്തിലാണ് ഗവേഷക സംഘം ഈ നിഗമനത്തിലെത്തിയത്.